Kia: ವಿಷ್ಣು ದಾದಾರ ಕೊಟಿಕೊಬ್ಬ ನೆನಪಿಸುತ್ತೆ ಕಿಯಾ: ಭಾರತ ದಾಟಿದರೆ ಸೀನ್ ಬೇರೇನೆ ಇದೆ!

ಕಿಯಾ (Kia) ಕಂಪನಿಯು ಭಾರತಕ್ಕೆ ಲಗ್ಗೆಯಿಟ್ಟ ಕೆಲವೇ ವರ್ಷಗಳಲ್ಲಿ ಪ್ರಮುಖ ಕಾರು ತಯಾರಕ ಬ್ರಾಂಡ್‌ಗಳಲ್ಲಿ ಒಂದಾಗಿ ಹೊರಹೊಮ್ಮಿತು. ಈ ಕಿಯಾ ಕಂಪನಿ ಎಲ್ಲರಿಗೂ ಗೊತ್ತಿರುವ ಹಾಗೆ ಕೊರಿಯಾ ಮೂಲದ ಬ್ರಾಂಡ್‌ ಆಗಿದ್ದು, ಕೇವಲ ಭಾರತ ಮಾತ್ರವಲ್ಲದೆ ಜಾಗತಿಕವಾಗಿ ಹಲವು ದೇಶಗಳಲ್ಲಿ ತನ್ನ ಕಾರುಗಳನ್ನು ಮಾರಾಟ ಮಾಡುತ್ತಿದೆ. 2025 ರಲ್ಲಿ ಹೊಸ ವಾರ್ಷಿಕ ಜಾಗತಿಕ ಮಾರಾಟ ದಾಖಲೆಯನ್ನು ದಾಖಲಿಸಿದೆ. ಕಿಯಾ ಕಾರ್ಪೊರೇಷನ್ 2025 ರಲ್ಲಿ ಜಾಗತಿಕವಾಗಿ (ಜನವರಿ-ಡಿಸೆಂಬರ್) ಬರೋಬ್ಬರಿ 31,35,803 ವಾಹನಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಇದು ಶೇ2 ರಷ್ಟು ಬೆಳವಣಿಗೆಯಾಗಿದೆ ಎಂದು ಕಿಯಾ ತಿಳಿಸಿದೆ.

ವಿಶೇಷ ಉದ್ದೇಶದ ವಾಹನ (special purpose vehicles) ಗಳನ್ನು ಹೊರತುಪಡಿಸಿ, ಕೊರಿಯಾದ ಹೊರಗಿನ ಮಾರುಕಟ್ಟೆಗಳಲ್ಲಿ ಕಿಯಾದ 2025 ರ ಮಾರಾಟವು ಹಿಂದಿನ ವರ್ಷಕ್ಕಿಂತ ಶೇಕಡಾ 2 ರಷ್ಟು ಏರಿಕೆಯಾಗಿ ಬರೋಬ್ಬರಿ 25,84,238 ಯುನಿಟ್‌ ಕಾರುಗಳಿಗೆ ತಲುಪಿದೆ. ಕೇವಲ ಕೊರಿಯಾ ಒಂದರಲ್ಲಿ ಒಟ್ಟು 5,45,776 ಯುನಿಟ್‌ ಕಾರುಗಳ ಮಾರಾಟವಾಗಿದ್ದು, ಶೇಕಡಾ 1 ರಷ್ಟು ಬೆಳವಣಿಗೆಯಾಗಿದೆ.

2025 ರ ಜಾಗತಿಕ ಮಾರಾಟ ಶ್ರೇಯಾಂಕದಲ್ಲಿ ಪ್ರಮುಖ ಮಾಡಲ್ ಆಗಿರುವ 'ಸ್ಪೋರ್ಟೇಜ್ ಎಸ್‌ಯುವಿ' ಅಗ್ರಸ್ಥಾನದಲ್ಲಿದೆ. ಇದು ಭಾರತದಲ್ಲಿ ಮಾರಾಟದಲ್ಲಿ ಇಲ್ಲವಾದರೂ, ಜಾಗತಿಕವಾಗಿ ತುಂಬಾ ಬೇಡಿಕೆಯ ಎಸ್‌ಯುವಿಯಾಗಿದೆ. ಬರೋಬ್ಬರಿ 5,69,688 ಯುನಿಟ್‌ ಸ್ಪೋರ್ಟೇಜ್ ಎಸ್‌ಯುವಿಗಳನ್ನು ಮಾರಾಟ ಮಾಡಲಾಗಿದೆ. ನಂತರ ಸೆಲ್ಟೋಸ್ ಎಸ್‌ಯುವಿ (2,99,766 ಯುನಿಟ್‌ ಕಾರುಗಳು) ಮತ್ತು ಸೊರೆಂಟೊ ಎಸ್‌ಯುವಿ (264,673 ಯುನಿಟ್‌ ಕಾರುಗಳು) ಇವೆ.

2026 ರಲ್ಲಿ, ಕಿಯಾ 33,50,000 ಯುನಿಟ್‌ ಕಾರುಗಳನ್ನು ಜಾಗತಿಕವಾಗಿ ಮಾರಾಟ ಮಾಡುವ ಗುರಿ ಇಟ್ಟುಕೊಂಡಿದೆ. ಬ್ರ್ಯಾಂಡ್ ಕೊರಿಯಾದ ಹೊರಗೆ 27,75,000 ವಾಹನಗಳನ್ನು ಮಾರಾಟ ಮಾಡಿ ಕೊರಿಯಾದಲ್ಲಿ 5,65,000 ಯುನಿಟ್‌ ಕಾರುಗಳನ್ನು ಮಾರಾಟ ಮಾಡುವ ನಿರೀಕ್ಷೆಯಲ್ಲಿದೆ. ಕಿಯಾ ವಿಶ್ವಾದ್ಯಂತ 10,000 ವಿಶೇಷ ಉದ್ದೇಶದ ವಾಹನಗಳನ್ನು ಮಾರಾಟ ಮಾಡುವ ನಿರೀಕ್ಷೆಯಿರುವುದಾಗಿ ತಿಳಿಸಿದೆ.

ಈ ವಿಶೇಷ ಉದ್ದೇಶಿತ ವಾಹನಗಳ ಬಗ್ಗೆ ವಿವರವಾಗಿ ಹೇಳುವುದಾದರೆ, ಕಿಯಾ ಕಂಪನಿಯು ಕೆಲ ಸಂಸ್ಥೆಗಳು ಹಾಗೂ ಸರ್ಕಾರಿ ಇಲಾಖೆಗಳಿಗೆಂದು ಮಾಡಿಫೈಡ್ ಆಂಬ್ಯುಲೆನ್ಸ್, ಪೊಲೀಸ್, ವಿಶೇಷ ಇಲಾಖೆಗಳಿಗೆ ಸಂಬಧಿಸಿದ ವಾಹನಗಳನ್ನು ನೀಡುತ್ತದೆ. ಅವು ಕೂಡ ಜಾಗತಿಕವಾಗಿ ಉತ್ತಮ ಬೇಡಿಕೆ ಪಡೆದಿವೆ. ನಮ್ಮ ಭಾರತದಲ್ಲೂ ಈ ಹಿಂದೆ ಆಟೋ ಎಕ್ಸ್‌ಪೋದಲ್ಲಿ ಕಿಯಾ ಆಂಬ್ಯುಲೆನ್ಸ್ ಹಾಗೂ ಪೋಲೀಸ್ ವಾಹನಗಳನ್ನು ಪ್ರದರ್ಶಿಸಿತ್ತು.

ಈ ವರ್ಷ, ಕಿಯಾ ಹೊಸ ಟೆಲ್ಲುರೈಡ್ SUV ಮತ್ತು ಸೆಲ್ಟೋಸ್ SUV ಮಾಡಲ್‌ಗಳು ಸೇರಿದಂತೆ ಪ್ರಮುಖ SUV ಮಾಡಲ್‌ಗಳಿಗೆ ತನ್ನ ಹೈಬ್ರಿಡ್ ಶ್ರೇಣಿಯನ್ನು ವಿಸ್ತರಿಸುವ ಮೂಲಕ ಮಾರಾಟದ ವೇಗವನ್ನು ಉಳಿಸಿಕೊಳ್ಳಲು ಮತ್ತು ಅದರ ಜಾಗತಿಕ ಮಾರುಕಟ್ಟೆ ಉಪಸ್ಥಿತಿಯನ್ನು ಹೆಚ್ಚಿಸುವ ಗುರಿಯಿಟ್ಟುಕೊಂಡಿದೆ. ಅದೇ ಸಮಯದಲ್ಲಿ ಉತ್ಪಾದನೆಯನ್ನು ಹೆಚ್ಚಿಸುವ ಜೊತೆಗೆ ಜಾಗತಿಕ ಪೂರೈಕೆ ಸರಪಳಿ ಸುಸ್ಥಿರತೆಯನ್ನು ಬಲಪಡಿಸಲು ಪ್ಲಾನ್ ಮಾಡಿಕೊಂಡಿದೆ.

ಕಿಯಾ ಕಳೆದ ವರ್ಷ ಮಾರುಕಟ್ಟೆ - ನಿರ್ದಿಷ್ಟ ಮಾರಾಟ ತಂತ್ರಗಳ ಮೂಲಕ ಜಾಗತಿಕ ಬೆಳವಣಿಗೆಯ ವೇಗವನ್ನು ಯಶಸ್ವಿಯಾಗಿ ಕಾಯ್ದುಕೊಂಡಿದೆ, ಸುಂಕದ ಪರಿಣಾಮಗಳು ಸೇರಿದಂತೆ ಅನಿಶ್ಚಿತ ಉದ್ಯಮ ಪರಿಸರವನ್ನು ನಿವಾರಿಸಿದೆ. ಕಂಪನಿಯು US ನಲ್ಲಿ ಹೈಬ್ರಿಡ್ ಕಾರುಗಳ ವಿಸ್ತರಣೆಯ ಮೇಲೆ ಕೇಂದ್ರೀಕರಿಸಿದ್ದು, ಪರಿಮಾಣ EV ಬೆಳವಣಿಗೆಯ ಮೂಲಕ ಯುರೋಪ್‌ನಲ್ಲಿ ತನ್ನ ಮಾರುಕಟ್ಟೆ ಸ್ಥಾನವನ್ನು ಬಲಪಡಿಸಿಕೊಳ್ಳುತ್ತಿದೆ.

ಕಂಪನಿಯ ಅತ್ಯುತ್ತಮ ವಾರ್ಷಿಕ ಮಾರಾಟ ಕಾರ್ಯಕ್ಷಮತೆಗೆ ಕಿಯಾ EV3 ನಂತಹ ಸ್ಪರ್ಧಾತ್ಮಕ ಹೊಸ ಕಾರುಗಳ ಬಿಡುಗಡೆ, ಜೊತೆಗೆ ಹೊಸ ಕಿಯಾ K4 ಸೆಡಾನ್ ಮತ್ತು ಹೈಬ್ರಿಡ್ ಕಾರ್ನಿವಲ್ MPV ಗಳು, ಸ್ಥಿರವಾದ ಕೈಗಾರಿಕಾ ಪರಿಸ್ಥಿತಿಗಳು ಮತ್ತು ವಾಹನ ಉತ್ಪಾದನೆ ಮತ್ತು ಪೂರೈಕೆಯನ್ನು ಹೆಚ್ಚಿಸುವ ಹೊಂದಿಕೊಳ್ಳುವ ವ್ಯಾಪಾರ ಕಾರ್ಯಾಚರಣೆಗಳಿಗೆ ಬೆಂಬಲ ನೀಡಿವೆ ಎಂದು ಕಿಯಾ ತಿಳಿಸಿದೆ.