Kia Seltos: ಕಿಯಾ ಸೆಲ್ಟೋಸ್ ಬೆಲೆ ಕೊನೆಗೂ ಬಹಿರಂಗ: ಬೆಲೆಗೆ ತಕ್ಕಂತೆ ಕಾರಿದೆಯೇ?

ಕಿಯಾ ಇಂಡಿಯಾ ಇಂದು ಹೊಸ ಕಿಯಾ ಸೆಲ್ಟೋಸ್‌ನ (Kia Seltos) ಬೆಲೆಗಳನ್ನು ಘೋಷಿಸಿದ್ದು, ಮಿಡ್‌-ಸೈಜ್ ಎಸ್‌ಯುವಿ ವಿಭಾಗದಲ್ಲಿ ಬಲವಾದ ಬೇಡಿಕೆ ಪಡೆದುಕೊಳ್ಳುವುದು ಖಚಿತ ಎನ್ನಲಾಗಿದೆ. ಬೆಲೆ ವಿಷಯಕ್ಕೆ ಬಂದರೆ ಈ ಕಾರು ರೂ. 10.99 ಲಕ್ಷದಿಂದ (ಎಕ್ಸ್-ಶೋರೂಂ) ಪ್ರಾರಂಭವಾಗುತ್ತದೆ. ಹಾಗೆಯೇ ಟಾಪ್ ವೇರಿಯೆಂಟ್ ಬೆಲೆಯು ರೂ. 19,99 ಲಕ್ಷ (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದಿದೆ. ಈ ಬಾರಿಯ ಹೊಸ ಕಿಯಾ ಸೆಲ್ಟೋಸ್ ಆಧುನಿಕ ಭಾರತೀಯ ಕುಟುಂಬಗಳು ಮತ್ತು ಎಸ್‌ಯುವಿ ಖರೀದಿದಾರರಿಗೆ ಅತ್ಯಂತ ಆಕರ್ಷಕ ಆಯ್ಕೆಗಳಲ್ಲಿ ಒಂದಾಗಿದ್ದು, ಅತ್ಯಾಧುನಿಕತೆ, ಸುರಕ್ಷತೆ ಮತ್ತು ತಂತ್ರಜ್ಞಾನದ ಪರಿಪೂರ್ಣ ಮಿಶ್ರಣವನ್ನು ನೀಡುತ್ತದೆ ಎಂದು ಕಿಯಾ ಹೇಳಿದೆ.

ಕಿಯಾದ ಅನಂತಪುರ ಸೌಲಭ್ಯದಲ್ಲಿ ಹೊಸ ಕಿಯಾ ಸೆಲ್ಟೋಸ್ ಉತ್ಪಾದನೆಯು ಈಗಾಗಲೇ ಪ್ರಾರಂಭವಾಗಿದ್ದು, ಬೆಲೆ ಘೋಷಣೆಯ ಬಳಿಕ ಗ್ರಾಹಕರು ಈ ಕಾರನ್ನು ಮನೆಗೆ ಕೊಂಡೊಯ್ಯಲು ಒಂದು ಹೆಜ್ಜೆ ಹತ್ತಿರವಿದೆ ಅಷ್ಟೇ. ಕಿಯಾದ ಅತ್ಯಂತ ಪ್ರೀಮಿಯಂ ಮತ್ತು ವೈಶಿಷ್ಟ್ಯ-ಭರಿತ ರೂಪಾಂತರಗಳ ಭಾಗವಾಗಿರುವ GTX(A) ಮತ್ತು X ಲೈನ್(A) ಟ್ರಿಮ್‌ಗಳು, ಕೆಳಗಿನ ಮುಖ್ಯಾಂಶಗಳನ್ನು ಒಳಗೊಂಡಂತೆ ಸುಧಾರಿತ ವೈಶಿಷ್ಟ್ಯಗಳನ್ನು ಪಡೆಯುತ್ತವೆ.

ಆಕರ್ಷಕ ವಿನ್ಯಾಸ: ಹೊಸ ಕಿಯಾ ಸೆಲ್ಟೋಸ್ 4,460 ಮಿ.ಮೀ ಉದ್ದ, 1,830 ಮಿ.ಮೀ ಅಗಲ ಮತ್ತು 2,690 ಮಿ.ಮೀ ಉದ್ದದ ವೀಲ್‌ಬೇಸ್‌ನೊಂದಿಗೆ ಬರುತ್ತದೆ. ಹೊಸ ಡಿಜಿಟಲ್ ಟೈಗರ್ ಫೇಸ್, ಫಸ್ಟ್-ಇನ್-ಸೆಗ್ಮೆಂಟ್ ಆಟೋಮೇಟೆಡ್ ಸ್ಟ್ರೀಮ್‌ಲೈನ್ ಡೋರ್ ಹ್ಯಾಂಡಲ್‌ಗಳು ಮತ್ತು ಐಸ್ ಕ್ಯೂಬ್ ಎಲ್ಇಡಿ ಪ್ರೊಜೆಕ್ಷನ್ ಹೆಡ್‌ಲ್ಯಾಂಪ್, ನಿಯಾನ್ ಬ್ರೇಕ್ ಕ್ಯಾಲಿಪರ್‌ಗಳು, R18 (46.2 ಸೆಂ.ಮೀ) ಕ್ರಿಸ್ಟಲ್ ಕಟ್ ಅಲಾಯ್ ವೀಲ್ಸ್, ಇಂಟಿಗ್ರೇಟೆಡ್ ರಿಯರ್ ಸ್ಪಾಯ್ಲರ್‌ಗಳನ್ನು ನೀಡಲಾಗಿದೆ.

ಟೆಕ್-ಲೆಡ್ ಕ್ಯಾಬಿನ್: ಇಂಟೀರಿಯರ್‌ನಲ್ಲಿ 75.18 ಸೆಂ.ಮೀ (30-ಇಂಚಿನ) ಟ್ರಿನಿಟಿ ಪನೋರಮಿಕ್ ಡಿಸ್ಪ್ಲೇ ಪ್ಯಾನೆಲ್, ಡಬಲ್ ಡಿ - ಕಟ್ ಡ್ಯುಯಲ್ ಟೋನ್ ಲೆದರೆಟ್ ಸ್ಟೀರಿಂಗ್ ವೀಲ್, ಬೋಸ್ 8 - ಸ್ಪೀಕರ್ ಆಡಿಯೊ ಸಿಸ್ಟಮ್, ಫಸ್ಟ್-ಇನ್-ಸೆಗ್ಮೆಂಟ್ ಸ್ಮಾರ್ಟ್ ಕೀ ಪ್ರಾಕ್ಸಿಮಿಟಿ ಅನ್‌ಲಾಕ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇಯು ನಿಜವಾದ ವೈರ್‌ಲೆಸ್ ಡಿಜಿಟಲ್ ಅನುಭವವನ್ನು ನೀಡುತ್ತದೆ.

ಫಸ್ಟ್-ಇನ್-ಸೆಗ್ಮೆಂಟ್ 10-ವೇ ಪವರ್ ಡ್ರೈವರ್ ಸೀಟ್ ಪವರ್ ಲುಂಬರ್ ಅಡ್ಜಸ್ಟ್‌ನೊಂದಿಗೆ ಮತ್ತು ORVM ಸೆಟ್ಟಿಂಗ್ ‌ಗಳೊಂದಿಗೆ ಸಿಂಕ್ ಮಾಡಲಾದ ಇಂಟಿಗ್ರೇಟೆಡ್ ಮೆಮೊರಿ ಡ್ರೈವರ್ ಸೀಟ್‌, ವೆಂಟಿಲೇಟೆಡ್ ಮುಂಭಾಗದ ಸೀಟ್‌ಗಳು, ವೆಲ್ಕಮ್ ರಿಟ್ರಾಕ್ಟ್ ಸೀಟ್ ಫಂಕ್ಷನ್ ಮತ್ತು ಡ್ಯುಯಲ್ ಪೇನ್ ಪನೋರಮಿಕ್ ಸನ್‌ರೂಫ್‌ನಂತಹ ಆರಾಮದಾಯಕ ವೈಶಿಷ್ಟ್ಯಗಳು ದೀರ್ಘ-ದೂರ ಪ್ರಯಾಣಕ್ಕೆ ಸೌಕರ್ಯವನ್ನು ಹೆಚ್ಚಿಸುತ್ತವೆ.

ಸುರಕ್ಷತೆ ವಿಷಯದಲ್ಲಿ 6 ಏರ್‌ಬ್ಯಾಗ್‌ಗಳು, ಆಂಟಿ-ಲಾಕ್ ಬ್ರೇಕ್ ಸಿಸ್ಟಮ್ (ABS), ಹಿಲ್-ಸ್ಟಾರ್ಟ್ ಅಸಿಸ್ಟ್ ಕಂಟ್ರೋಲ್ (HAC) ಮತ್ತು ದೃಢವಾದ 24 ಸ್ಟ್ಯಾಂಡರ್ಡ್ ಸೇಫ್ಟಿ ಪ್ಯಾಕ್‌ನೊಂದಿಗೆ ಸುರಕ್ಷತೆಯನ್ನು ಮತ್ತಷ್ಟು ಬಲಪಡಿಸಲಾಗಿದೆ. ಜೊತೆಗೆ 21 ಸ್ವಾಯತ್ತ ವೈಶಿಷ್ಟ್ಯಗಳೊಂದಿಗೆ ಲೆವೆಲ್-2 ADAS ಜೊತೆಗೆ, ವಿವಿಧ ಚಾಲನಾ ಪರಿಸ್ಥಿತಿಗಳಲ್ಲಿ ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಯು ಪ್ರಯಾಣಿಕರಿಗೆ ಸೇಫ್ಟಿ ಹೆಚ್ಚಿಸುತ್ತದೆ.

ಎಂಜಿನ್: ಹೊಸ ಕಿಯಾ ಸೆಲ್ಟೋಸ್ ಅನ್ನು ಸ್ಮಾರ್ಟ್‌ಸ್ಟ್ರೀಮ್ G1.5 ಪೆಟ್ರೋಲ್, ಸ್ಮಾರ್ಟ್‌ಸ್ಟ್ರೀಮ್ G1.5 T-GDI ಪೆಟ್ರೋಲ್ ಮತ್ತು 1.5L CRDi VGT ಡೀಸೆಲ್ ಎಂಜಿನ್ ಸೇರಿದಂತೆ ಮಲ್ಟಿ ಪವರ್‌ಟ್ರೇನ್ ಶ್ರೇಣಿಯೊಂದಿಗೆ ಬರುತ್ತದೆ. ಇದು ಮಲ್ಟಿ ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಜೋಡಿಯಾಗಿದೆ - 6MT, 6iMT, IVT, 7DCT ಮತ್ತು 6AT ಆಯ್ಕೆಗಳನ್ನು ನೀಡಲಾಗಿದೆ.

HTE, HTK, HTX & GTX/X-ಲೈನ್ ಎಂಬ ನಾಲ್ಕು ಸ್ಟ್ಯಾಂಡರ್ಡ್ ಟ್ರಿಮ್‌ಗಳಲ್ಲಿ ಲಭ್ಯವಿರುವ ಹೊಸ ಕಿಯಾ ಸೆಲ್ಟೋಸ್, ಪ್ರತಿಯೊಬ್ಬ ಗ್ರಾಹಕರ ಅಗತ್ಯಗಳಿಗೆ ಅನುಗುಣವಾಗಿ ಅನುಕೂಲಕರ ಮತ್ತು ಸ್ಟೈಲಿಂಗ್, ಪ್ರೀಮಿಯಂ, ADAS ಮತ್ತು X ಲೈನ್ ವಿನ್ಯಾಸ ಪ್ಯಾಕೇಜ್‌ಗಳೊಂದಿಗೆ ಜೋಡಿಸಲಾದ HTE(O), HTK(O), HTX(A) ಮತ್ತು GTX(A)/X-ಲೈನ್(A) ಎಂಬ ನಾಲ್ಕು ಆಯ್ಕೆ ಪ್ಯಾಕ್‌ಗಳೊಂದಿಗೆ ಬರುತ್ತದೆ.