ಕೊರಿಯಾ ಬ್ರ್ಯಾಂಡ್‌ಗೆ ಚಿನ್ನದ ಮೊಟ್ಟೆಯಾದ ಭಾರತ: ದೇಶದಲ್ಲಿ ಈ ಕಾರನ್ನು ಮುಗಿಬಿದ್ದು ಖರೀದಿ!

ದೇಶದ ಪ್ರಮುಖ ವಾಹನ ತಯಾರಕರಲ್ಲಿ ಒಂದಾದ 'ಕಿಯಾ' (Kia), ಭಾರತದಲ್ಲಿ ತನ್ನ ಜನಪ್ರಿಯ ಮಾಡಲ್ ಆಗಿರುವ ಸೆಲ್ಟೋಸ್‌ನ 6 ಲಕ್ಷ ಕಾರುಗಳ ಮಾರಾಟವನ್ನು ದಾಟಿದೆ. ಆರಂಭದಿಂದಲೂ ಸೆಲ್ಟೋಸ್ ತನ್ನ ವಿಶಿಷ್ಟವಾದ ಜಾಗತಿಕ ವಿನ್ಯಾಸ, ಪೆಟ್ರೋಲ್ ಮತ್ತು ಡೀಸೆಲ್ ಆಯ್ಕೆಗಳು ಸೇರಿದಂತೆ ಬಹು ಪವರ್‌ಟ್ರೇನ್ ಆಯ್ಕೆಗಳು ಮತ್ತು ದೊಡ್ಡ ಇನ್ಫೋಟೈನ್‌ಮೆಂಟ್, ಕನೆಕ್ಟೆಡ್ ಕಾರ್ ಟೆಕ್ ಮತ್ತು ಪ್ರೀಮಿಯಂ ಇಂಟೀರಿಯರ್ ಜೊತಗೆ ವೈಶಿಷ್ಟ್ಯ-ಭರಿತ ಕ್ಯಾಬಿನ್‌ನೊಂದಿಗೆ ಜನರ ಮನಗೆದ್ದಿದೆ. ಒಟ್ಟಾರೆ ಸೆಲ್ಟೋಸ್ ಇನ್-ಕ್ಯಾಬಿನ್ ಅನುಭವ, ತಂತ್ರಜ್ಞಾನ, ಸುರಕ್ಷತೆಯಿಂದಾಗಿ ಗ್ರಾಹಕರ ಸ್ವೀಕಾರದಲ್ಲಿ ಪ್ರಮುಖ ಪಾತ್ರ ವಹಿಸಿವೆ.

ಸತತ ಅಪ್‌ಡೇಟ್‌ಗಳ ಮೂಲಕ, ಈ ಕಾರು ಈಗ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟನ್ಸ್ ಸಿಸ್ಟಮ್ಸ್ (ADAS)ನೊಂದಿಗೆ ವಿಶಾಲವಾದ ಸುರಕ್ಷತಾ ಪ್ಯಾಕೇಜ್ ಪಡೆದುಕೊಂಡಿದೆ. ADAS ಸೇರಿದಂತೆ ಹೆಚ್ಚಿನ ಮಟ್ಟದ ಸುರಕ್ಷತೆ, ಸೌಕರ್ಯ ಮತ್ತು ಡಿಜಿಟಲ್ ಏಕೀಕರಣವಿರುವ ಟಾಪ್ ವೇರಿಯೆಂಟ್‌ಗಳನ್ನು ಶೇ29 ರಷ್ಟು ಗ್ರಾಹಕರು ಖರೀದಿಸುತ್ತಿದ್ದಾರೆ. ಬೇಸ್ ಮತ್ತು ಮಿಡ್ ವೇರಿಯೆಂಟ್‌ಗಳಿಗೆ ನಿರಂತರ ಬೇಡಿಕೆಯು ಹಾಗೆಯೇ ಇದೆ.

ಸಾಮಾನ್ಯವಾಗಿ ಹ್ಯಾಚ್‌ಬ್ಯಾಕ್‌ಗಳು, ಸೆಡಾನ್‌ಗಳು ಮತ್ತು ಕಾಂಪ್ಯಾಕ್ಟ್ SUV ಗಳಿಂದ ಬೇರೊಂದು ಕಾರನ್ನು ಖರೀದಿಸಿ ಅಪ್‌ಗ್ರೇಡ್ ಮಾಡಲು ಬಯಸುವ ಖರೀದಿದಾರರು ದೊಡ್ಡ ಕಾರನ್ನು ಖರೀದಿಸುವ ಬದಲು ಸೆಲ್ಟೋಸ್ ಅನ್ನು ಖರೀದಿಸಲು ಅವಕಾಶ ಮಾಡಿಕೊಟ್ಟಿದೆ. ಇದರ ವೈವಿಧ್ಯಮಯ ಮಿಶ್ರಣವು ಮೌಲ್ಯ-ಕೇಂದ್ರಿತ ಮತ್ತು ವೈಶಿಷ್ಟ್ಯ-ಕೇಂದ್ರಿತ ಗ್ರಾಹಕರಿಗೆ ಪ್ರಸ್ತುತತೆಯನ್ನು ಖಚಿತಪಡಿಸಿದೆ.

ಹೊಸ ತಲೆಮಾರಿನ ಸೆಲ್ಟೋಸ್ ಎಸ್‌ಯುವಿ ಬಲವಾದ ಪರಂಪರೆ ಮತ್ತು ವ್ಯಾಪಕ ಗ್ರಾಹಕ ನಂಬಿಕೆಯನ್ನು ಗಳಿಸಿದೆ. ಇದರ 4,460 ಮಿ.ಮೀ ಉದ್ದ, 1,830 ಮಿ.ಮೀ ಅಗಲ, 2,690 ಮಿ.ಮೀ ವೀಲ್‌ಬೇಸ್‌ನೊಂದಿಗೆ ಇದು ಸಾಟಿಯಿಲ್ಲದ ಇಂಟೀರಿಯರ್ ಸ್ಥಳ ಮತ್ತು ರಸ್ತೆ ಉಪಸ್ಥಿತಿಯನ್ನು ನೀಡುತ್ತದೆ. ಒಟ್ಟಾರೆ ತನ್ನ ವಿಭಾಗದಲ್ಲಿಯೇ ದೊಡ್ಡ ಎಸ್‌ಯುವಿ ಎಂಬ ಖ್ಯಾತಿಯನ್ನು ಪಡೆದುಕೊಂಡಿದೆ.

ಹೊಸ ಸೆಲ್ಟೋಸ್ ರಾಜಿಯಾಗದ ಸೌಕರ್ಯ, ವಿಸ್ತೃತ ಡಿಜಿಟಲ್ ಇಂಟರ್ಫೇಸ್, ನವೀಕರಿಸಿದ ADAS ಸೂಟ್ ಮತ್ತು ವರ್ಧಿತ ಸುರಕ್ಷತಾ ಫೀಚರ್ಸ್‌ಗೆ ಜನಪ್ರಿಯತೆ ಪಡೆದಿದೆ. ಕ್ಯಾಬಿನ್ ಪರಿಷ್ಕರಣೆ ಮತ್ತು ಫೀಚರ್ಸ್ ಏಕೀಕರಣದಲ್ಲಿನ ಸುಧಾರಣೆಗಳು ಅದರ ದೈನಂದಿನ ಬಳಕೆಯ ಸಾಮರ್ಥ್ಯವನ್ನು ಮತ್ತಷ್ಟು ಬಲಪಡಿಸಿವೆ, ಅದೇ ಸಮಯದಲ್ಲಿ ಗ್ರಾಹಕರಿಗೆ ಇಷ್ಟವಾಗುವಂತೆ ಬಹು ಪವರ್‌ಟ್ರೇನ್ ಮತ್ತು ಗೇರ್‌ಬಾಕ್ಸ್ ಆಯ್ಕೆಗಳನ್ನು ನೀಡುತ್ತದೆ.

ಈ 6 ಲಕ್ಷ ಮಾರಾಟದ ಮೈಲಿಗಲ್ಲು ಗ್ರಾಹಕರ ನಿರಂತರ ಸ್ವೀಕಾರಕ್ಕೆ ಪುರಾವೆಯಾಗಿದೆ. ಈಗ ನವೀಕರಿಸಿದ ಹೊಸ ಮಾಡಲ್ ಅನ್ನು ಪುನರಾವರ್ತಿತ ಖರೀದಿದಾರರು ಮತ್ತು ಪ್ರಾಯೋಗಿಕ ಆದರೆ ಮಹತ್ವಾಕಾಂಕ್ಷೆಯ ಎಸ್‌ಯುವಿಯನ್ನು ಬಯಸುವ ಹೊಸ ಗ್ರಾಹಕರಲ್ಲಿ ಹೊಸ ಬೇಡಿಕೆಯನ್ನು ಹೆಚ್ಚಿಸಿದೆ. ಇದು ಬ್ರ್ಯಾಂಡ್‌ಗೆ ಸಿಕ್ಕಿರುವ ದೊಡ್ಡ ಯಶಸ್ಸು ಎಂದು ಕಿಯಾ ಇಂಡಿಯಾ ಹೇಳಿದೆ.

ಈ ಮೈಲಿಗಲ್ಲಿನ ಕುರಿತು ಪ್ರತಿಕ್ರಿಯಿಸಿದ ಕಿಯಾ ಇಂಡಿಯಾದ ಮುಖ್ಯ ಮಾರಾಟ ಅಧಿಕಾರಿ ಸನ್‌ಹ್ಯಾಕ್ ಪಾರ್ಕ್, ಕಿಯಾ ಸೆಲ್ಟೋಸ್ 6 ಲಕ್ಷ ಕಾರುಗಳ ಮಾರಾಟವನ್ನು ದಾಟಿರುವುದು ಅದರ ವಿನ್ಯಾಸ, ಸುರಕ್ಷತೆ, ತಂತ್ರಜ್ಞಾನ ಮತ್ತು ಕಾರ್ಯಕ್ಷಮತೆಯಲ್ಲಿ ಬಲವಾದ ಮೂಲಭೂತ ಅಂಶಗಳನ್ನು ನೀಡುವ ಉತ್ಪನ್ನಕ್ಕೆ ನಿರಂತರ ಗ್ರಾಹಕರ ಆದ್ಯತೆಯನ್ನು ಪ್ರತಿಬಿಂಬಿಸುತ್ತದೆ.

ಸೆಲ್ಟೋಸ್ ತನ್ನ ಬಿಡುಗಡೆಯ ಸಮಯದಲ್ಲಿ ವ್ಯಾಪಕವಾಗಿ ಲಭ್ಯವಿಲ್ಲದ ಫೀಚರ್‌ಗಳು ಮತ್ತು ಸಂರಚನೆಗಳನ್ನು ನೀಡುವ ಮೂಲಕ ಮಿಡ್ ಸೈಜ್ ಎಸ್‌ಯುವಿ ವಿಭಾಗದಲ್ಲಿ ನಿರೀಕ್ಷೆಗಳನ್ನು ವಿಸ್ತರಿಸಿದೆ. ಉನ್ನತ ಟ್ರಿಮ್‌ಗಳಿಗೆ ಬಲವಾದ ಬೇಡಿಕೆ ಸೇರಿದಂತೆ ವೇರಿಯೆಂಟ್‌ಗಳಲ್ಲಿ ಸ್ಥಿರವಾದ ಖರೀದಿಯು ಸುಧಾರಿತ ಸುರಕ್ಷತಾ ವ್ಯವಸ್ಥೆಗಳು ಮತ್ತು ಸಂಪರ್ಕಿತ ತಂತ್ರಜ್ಞಾನಗಳಲ್ಲಿ ಬೆಳೆಯುತ್ತಿರುವ ಗ್ರಾಹಕರ ವಿಶ್ವಾಸವನ್ನು ಸೂಚಿಸುತ್ತದೆ" ಎಂದರು.