ಮಹೀಂದ್ರಾ XUV 3XO vs ಕಿಯಾ ಸೋನೆಟ್: ಪರ್ಫಾರ್ಮೆನ್ಸ್ ಮತ್ತು ಫೀಚರ್ಸ್‌ನಲ್ಲಿ ಯಾವುದು ಬೆಸ್ಟ್? ಇಲ್ಲಿದೆ ಕಂಪ್ಲೀಟ್ ಹೋಲಿಕೆ

ಭಾರತದ ಸಬ್-ಫೋರ್ ಮೀಟರ್ ಎಸ್‌ಯುವಿ (SUV) ಮಾರುಕಟ್ಟೆಯಲ್ಲಿ ಈಗ ಭರ್ಜರಿ ಪೈಪೋಟಿ ಏರ್ಪಟ್ಟಿದೆ. ಮಹೀಂದ್ರಾದ ಪವರ್‌ಫುಲ್ ಪರ್ಫಾರ್ಮೆನ್ಸ್ ಮತ್ತು ಕಿಯಾ ಸೋನೆಟ್‌ನ ಹೈಟೆಕ್ ಫೀಚರ್‌ಗಳ ನಡುವೆ ಯಾವುದನ್ನು ಆರಿಸಿಕೊಳ್ಳಬೇಕು ಎಂಬ ಗೊಂದಲ ಗ್ರಾಹಕರಲ್ಲಿದೆ. ಡೀಸೆಲ್‌ನಿಂದ ಹಿಡಿದು ಟರ್ಬೊ ಪೆಟ್ರೋಲ್‌ವರೆಗೆ ಎರಡೂ ಕಾರುಗಳಲ್ಲಿ ಹಲವು ಇಂಜಿನ್ ಆಯ್ಕೆಗಳಿವೆ. ನಿಮ್ಮ ಡ್ರೈವಿಂಗ್ ಅಗತ್ಯಕ್ಕೆ ತಕ್ಕಂತೆ ಯಾವುದು ಬೆಸ್ಟ್? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.

ಭಾರತೀಯ ಕುಟುಂಬಗಳು ಕಾರು ಖರೀದಿಸುವಾಗ ಬೆಲೆಗೆ ಹೆಚ್ಚಿನ ಆದ್ಯತೆ ನೀಡುತ್ತವೆ. ಮಹೀಂದ್ರಾ ಎಕ್ಸ್‌ಯುವಿ 3XO (Mahindra XUV 3XO) ಬಜೆಟ್ ಗ್ರಾಹಕರನ್ನು ಸೆಳೆಯಲು ಆರಂಭಿಕ ಬೆಲೆಯನ್ನು ಆಕರ್ಷಕವಾಗಿ ಇರಿಸಿದೆ. ಆದರೆ, ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ (ADAS) ಹೊಂದಿರುವ ಇದರ ಟಾಪ್ ವೇರಿಯಂಟ್‌ಗಳ ಬೆಲೆ ಸುಮಾರು 16 ಲಕ್ಷ ರೂಪಾಯಿಗಳವರೆಗಿದೆ. ಇನ್ನು ಮೆಟ್ರೋ ನಗರಗಳಲ್ಲಿ ವಾಸಿಸುವವರು ಸಣ್ಣ ನಗರಗಳಿಗೆ ಹೋಲಿಸಿದರೆ ಹೆಚ್ಚಿನ ರಿಜಿಸ್ಟ್ರೇಷನ್ ಟ್ಯಾಕ್ಸ್ ಪಾವತಿಸಬೇಕಾಗುತ್ತದೆ ಎಂಬುದನ್ನು ಮರೆಯಬೇಡಿ.

ಕಿಯಾ ಸೋನೆಟ್ vs ಮಹೀಂದ್ರಾ ಎಕ್ಸ್‌ಯುವಿ 3XO: ಪರ್ಫಾರ್ಮೆನ್ಸ್ ಹೇಗಿದೆ?

ಪವರ್ ಮತ್ತು ಟಾರ್ಕ್ ಇಷ್ಟಪಡುವ ಡ್ರೈವಿಂಗ್ ಪ್ರಿಯರಿಗೆ ಮಹೀಂದ್ರಾ ಇಂಜಿನ್ ಮೊದಲ ಆಯ್ಕೆ. ಹೈವೇಗಳಲ್ಲಿ ಸುಲಭವಾಗಿ ಓವರ್‌ಟೇಕ್ ಮಾಡಲು ಇದರ ಟರ್ಬೊ ಪೆಟ್ರೋಲ್ ಇಂಜಿನ್ ಸಖತ್ ಸಾಥ್ ನೀಡುತ್ತದೆ. ಇನ್ನೊಂದೆಡೆ, ಕಿಯಾ ಸೋನೆಟ್ ತನ್ನ ಸ್ಮೂತ್ ಡ್ರೈವಿಂಗ್ ಮತ್ತು ಡ್ಯುಯಲ್ ಕ್ಲಚ್ ಟ್ರಾನ್ಸ್‌ಮಿಷನ್ (DCT) ಮೂಲಕ ಗಮನ ಸೆಳೆಯುತ್ತದೆ. ಸಿಟಿ ಟ್ರಾಫಿಕ್‌ನಲ್ಲಿ ಆರಾಮದಾಯಕ ಪ್ರಯಾಣ ಮತ್ತು ಮೈಲೇಜ್ ಬಯಸುವವರಿಗೆ ಸೋನೆಟ್ ಅತ್ಯುತ್ತಮ ಆಯ್ಕೆ.

ವೈಶಿಷ್ಟ್ಯಗಳು	ಕಿಯಾ ಸೋನೆಟ್	ಮಹೀಂದ್ರಾ ಎಕ್ಸ್‌ಯುವಿ 3XO
ಇಂಜಿನ್ ಪವರ್	ಅತ್ಯುತ್ತಮ ರಿಫೈನ್‌ಮೆಂಟ್	ಸೆಗ್ಮೆಂಟ್‌ನಲ್ಲೇ ಬೆಸ್ಟ್ ಟಾರ್ಕ್
ಟ್ರಾನ್ಸ್‌ಮಿಷನ್	iMT, DCT, AT	6-ಸ್ಪೀಡ್ AT
ಹಿಂಬದಿಯ ಸೀಟಿನ ಜಾಗ	ಇಬ್ಬರಿಗೆ ಆರಾಮದಾಯಕ	ಸೆಗ್ಮೆಂಟ್‌ನಲ್ಲೇ ಅತಿ ಹೆಚ್ಚು ಅಗಲ
ಬೂಟ್ ಸ್ಪೇಸ್ (ಡಿಕ್ಕಿ)	385 ಲೀಟರ್	295-364 ಲೀಟರ್

ಕಿಯಾ ಸೋನೆಟ್ vs ಮಹೀಂದ್ರಾ ಎಕ್ಸ್‌ಯುವಿ 3XO: ಸೇಫ್ಟಿ ಮತ್ತು ಡೆಲಿವರಿ

ಈಗಿನ ಕಾಲದಲ್ಲಿ ಕಾರು ಖರೀದಿಸುವಾಗ ಸುರಕ್ಷತೆಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತಿದೆ. ಮಹೀಂದ್ರಾ ಈ ವಿಚಾರದಲ್ಲಿ ಒಂದು ಹೆಜ್ಜೆ ಮುಂದಿದ್ದು, ಈ ಸೆಗ್ಮೆಂಟ್‌ನಲ್ಲೇ ಮೊದಲ ಬಾರಿಗೆ ಪನೋರಮಿಕ್ ಸನ್‌ರೂಫ್ ಮತ್ತು ಅಡ್ವಾನ್ಸ್ಡ್ ಸೇಫ್ಟಿ ಫೀಚರ್‌ಗಳನ್ನು ಪರಿಚಯಿಸಿದೆ. ಇದಕ್ಕೆ ಪ್ರತಿಯಾಗಿ ಕಿಯಾ ಸೋನೆಟ್‌ನಲ್ಲಿ ವೆಂಟಿಲೇಟೆಡ್ ಸೀಟ್‌ಗಳು ಮತ್ತು ಅತ್ಯಾಧುನಿಕ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ನೀಡಲಾಗಿದೆ. ಮಹೀಂದ್ರಾದಲ್ಲಿ ಹಿಂಬದಿಯ ಸೀಟುಗಳು ವಿಶಾಲವಾಗಿದ್ದರೆ, ಕಿಯಾದಲ್ಲಿ ಹೆಚ್ಚಿನ ಬೂಟ್ ಸ್ಪೇಸ್ ಸಿಗುತ್ತದೆ.

ಸದ್ಯಕ್ಕೆ ಮಾರುಕಟ್ಟೆಯಲ್ಲಿ ಎಕ್ಸ್‌ಯುವಿ 3XO ಗೆ ಭಾರಿ ಬೇಡಿಕೆ ಇರುವುದರಿಂದ ವೇಟಿಂಗ್ ಪಿರಿಯಡ್ ಸ್ವಲ್ಪ ಹೆಚ್ಚಿದೆ. ಬೆಂಗಳೂರು ಅಥವಾ ಮುಂಬೈನಂತಹ ನಗರಗಳಲ್ಲಿ ಕಾರು ಕೈ ಸೇರಲು ಕೆಲವು ತಿಂಗಳು ಕಾಯಬೇಕಾಗಬಹುದು. ಆದರೆ ಕಿಯಾ ಸಾಮಾನ್ಯವಾಗಿ ಉತ್ತಮ ಸ್ಟಾಕ್ ಹೊಂದಿರುವುದರಿಂದ ಜನಪ್ರಿಯ ಮಾಡೆಲ್‌ಗಳು ಬೇಗನೆ ಡೆಲಿವರಿ ಸಿಗುತ್ತವೆ. ನಿಮಗೆ ಅತ್ಯಾಧುನಿಕ ಸುರಕ್ಷತೆ ಬೇಕಿದ್ದರೆ ಮಹೀಂದ್ರಾ ಆರಿಸಿಕೊಳ್ಳಿ, ಅದೇ ಫೀಚರ್ಸ್ ಮತ್ತು ಕಂಫರ್ಟ್ ಬೇಕಿದ್ದರೆ ಕಿಯಾ ಸೋನೆಟ್ ಬೆಸ್ಟ್.