Ola: ಮೊದಲೇ ಕಮ್ಮಿ ಬೆಲೆ... ಈಗ ಮತ್ತೆ 30,000 ವರೆಗೆ ಆಫರ್: ಖರೀದಿಗೆ ಕ್ಯೂ ನಿಂತ ಜನ!

ಓಲಾ ಎಲೆಕ್ಟ್ರಿಕ್ (Ola Electric) ತನ್ನ ನವರಾತ್ರಿ ಮಹೋತ್ಸವವನ್ನು ಪ್ರಾರಂಭಿಸಿರುವುದಾಗಿ ಘೋಷಿಸಿದೆ. ಇದು ತನ್ನ S1 ಸ್ಕೂಟರ್ ಮತ್ತು ರೋಡ್‌ಸ್ಟರ್ ಮೋಟಾರ್‌ಸೈಕಲ್‌ಗಳ ಮೇಲೆ ರೂ.30,000 ಕ್ಕಿಂತ ಹೆಚ್ಚಿನ ಪ್ರಯೋಜನಗಳನ್ನು ನೀಡುವ ಸೀಮಿತ ಅವಧಿಯ ಹಬ್ಬದ ಅಭಿಯಾನವಾಗಿದೆ. ಚೈತ್ರ ನವರಾತ್ರಿಯ ಒಂಬತ್ತು ದಿನಗಳ ಆಚರಣೆಯ ಭಾಗವಾಗಿ, ಕಂಪನಿಯು ಕ್ಯಾಷ್ ಡಿಸ್ಕೌಂಟ್, ವಿಸ್ತೃತ ವಾರೆಂಟಿ ಮತ್ತು ತ್ವರಿತ ಕ್ಯಾಶ್‌ಬ್ಯಾಕ್ ಆಯ್ಕೆಗಳು ಸೇರಿದಂತೆ ಹಲವಾರು ಆಫರ್‌ಗಳನ್ನು ನೀಡಿದೆ. ಜೊತೆಗೆ ಆಫರ್ ಮುಗಿಯುವ ತನಕ ಪ್ರತಿದಿನ 90 ನಿಮಿಷಗಳ ಮುಹೂರ್ತ ವಿಂಡೋಗಳನ್ನು ತೆರೆಯುತ್ತಿದ್ದು, ಅದೃಷ್ಟವಂತರು ಕಮ್ಮಿ ಬೆಲೆಯಲ್ಲಿ ವಾಹನಗಳನ್ನು ಪಡೆಯಬಹುದಾಗಿದೆ.

ಏನಿದು ಚೈತ್ರ ನವರಾತ್ರಿ?: ಚೈತ್ರ ನವರಾತ್ರಿ ವಿಶೇಷವಾದ ಧಾರ್ಮಿಕ ಮಹತ್ವ ಹೊಂದಿದೆ. ಈ ಒಂಬತ್ತು ದಿನಗಳ ಕಾಲ ಭಕ್ತರು ದೇವಿಯನ್ನು ಅಪಾರ ಭಕ್ತಿ, ಶ್ರದ್ಧೆಯಿಂದ ಪೂಜಿಸುತ್ತಾರೆ. ಈ ಬಾರಿ ಚೈತ್ರ ನವರಾತ್ರಿ 2026ರ (ಗುರುವಾರ) ಮಾರ್ಚ್ 19ರಂದು ಪ್ರಾರಂಭವಾಗಿ ಮಾರ್ಚ್ 27ರಂದು ಮುಕ್ತಾಯಗೊಳ್ಳುತ್ತದೆ. ಇದನ್ನು ಹಿಂದೂ ಧರ್ಮದ ಅತ್ಯಂತ ಪವಿತ್ರ ಹಬ್ಬಗಳಲ್ಲಿ ಒಂದೆಂದು ಪರಿಗಣಿಸಲಾಗುತ್ತದೆ.

ಓಲಾ ಆಫರ್‌ಗಳು:

ಇಂದಿನಿಂದ, ಓಲಾ ಎಲೆಕ್ಟ್ರಿಕ್ ತನ್ನ ಎಲ್ಲಾ ವಾಹನಗಳ ಮೇಲೆ ಸೀಮಿತ ಅವಧಿಯ ಹಬ್ಬದ ಆಫರ್‌ಗಳನ್ನು ಹೊರತರುತ್ತಿದೆ. S1 ಸ್ಕೂಟರ್‌ಗಳ ಹಬ್ಬದ ಪ್ರಯೋಜನಗಳು: ಚೈತ್ರ ನವರಾತ್ರಿಯ ಒಂಬತ್ತು ದಿನಗಳಲ್ಲಿ ಗ್ರಾಹಕರು S1 ಸ್ಕೂಟರ್‌ಗಳ ಮೇಲೆ 8 ವರ್ಷಗಳ ವಿಸ್ತೃತ ವಾರೆಂಟಿಯೊಂದಿಗೆ ರೂ. 9,999 ನಗದು ಡಿಸ್ಕೌಂಟ್ ಪಡೆಯಬಹುದು. ಹಾಗೆಯೇ ರೋಡ್‌ಸ್ಟರ್ ಮೋಟಾರ್‌ಸೈಕಲ್‌ಗಳು ಪರಿಷ್ಕೃತ ಬೆಲೆಗಳಲ್ಲಿ ಖರೀದಿಗೆ ಲಭ್ಯವಿರುತ್ತವೆ, ಜೊತೆಗೆ 8 ವರ್ಷಗಳ ವಿಸ್ತೃತ ವಾರೆಂಟಿಯೂ ಇರುತ್ತದೆ.

ಮುಹೂರ್ತ ಮಹೋತ್ಸವ: ಪ್ರತಿ ದಿನವೂ ಕೇವಲ ರೂ. 99,999 ಬೆಲೆಯಲ್ಲಿ S1 Pro+ 4 kWh ಮತ್ತು ರೂ. 79,999 ಬೆಲೆಯಲ್ಲಿ ರೋಡ್‌ಸ್ಟರ್ X+ 4.5 kWh ನ ಸೀಮಿತ ವಾಹನಗಳೊಂದಿಗೆ 90 ನಿಮಿಷಗಳ ಮುಹೂರ್ತ ವಿಂಡೋವನ್ನು ತೆರೆಯಲಾಗುತ್ತದೆ. ಈ ಸಮಯದಲ್ಲಿ ಅದೃಷ್ಟವಂತರು ಕಡಿಮೆ ಬೆಲೆಯಲ್ಲಿ ಈ ವಾಹನಗಳನ್ನು ಪಡೆಯಬಹುದು.

ಆಯ್ದ ಕ್ರೆಡಿಟ್ ಕಾರ್ಡ್‌ಗಳ ಮೇಲಿನ ಇಎಂಐಗಳಲ್ಲಿ ರೂ.10,000 ವರೆಗೆ ತ್ವರಿತ ಕ್ಯಾಶ್‌ಬ್ಯಾಕ್ ನೀಡಲಾಗುವುದು ಎಂದು ಓಲಾ ತಿಳಿಸಿದೆ. "ನವರಾತ್ರಿ ಮಹೋತ್ಸವವು ನಮ್ಮ ಗ್ರಾಹಕರೊಂದಿಗೆ ಹೊಸ ಆರಂಭ ಮತ್ತು ಸಮೃದ್ಧಿಯ ಉತ್ಸಾಹವನ್ನು ಆಚರಿಸುವ ಒಂದು ಮಾರ್ಗವಾಗಿದೆ. ಈ ಹಬ್ಬದ ಅವಧಿಯು ಭಾರತದಾದ್ಯಂತ ಬಹಳ ಮಹತ್ವದ್ದಾಗಿದೆ ಮತ್ತು ಈ ಶುಭ ಒಂಬತ್ತು ದಿನಗಳಲ್ಲಿ ನಾವು ಕಮ್ಮಿ ಬೆಲೆಯಲ್ಲಿ ವಾಹನಗಳನ್ನು ನೀಡುತ್ತಿದ್ದೇವೆ.

ವಿಸ್ತೃತ ವಾರಂಟಿಗಳು, ಆಕರ್ಷಕ ನಗದು ರಿಯಾಯಿತಿಗಳು ಮತ್ತು ವಿಶೇಷ ಮುಹೂರ್ತ ಕೊಡುಗೆಗಳು ಸೇರಿದಂತೆ ರೂ.30,000 ಕ್ಕಿಂತ ಹೆಚ್ಚಿನ ಪ್ರಯೋಜನಗಳೊಂದಿಗೆ, ಅಸಾಧಾರಣ ಮೌಲ್ಯವನ್ನು ನೀಡುತ್ತಿದ್ದೇವೆ. ಜೊತೆಗೆ ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಅಳವಡಿಕೆಯನ್ನು ವೇಗಗೊಳಿಸುವ ನಮ್ಮ ಬದ್ಧತೆಯನ್ನು ಬಲಪಡಿಸುತ್ತಿದ್ದೇವೆ" ಎಂದು ಓಲಾ ಹೇಳಿದೆ.

ಓಲಾ ವಾಹನಗಳ ವಿವರ

ಓಲಾ ಎಲೆಕ್ಟ್ರಿಕ್ ಪ್ರಸ್ತುತ ಜೆನ್ 3 ಎಸ್ 1 ಸ್ಕೂಟರ್‌ಗಳು ಮತ್ತು ರೋಡ್‌ಸ್ಟರ್ ಮೋಟಾರ್‌ಸೈಕಲ್‌ಗಳ ಸಮಗ್ರ ಪೋರ್ಟ್‌ಫೋಲಿಯೊವನ್ನು ನೀಡುತ್ತಿದೆ. ಪ್ರೀಮಿಯಂ S1 Gen 3 ಶ್ರೇಣಿಯು 5.2kWh ಮತ್ತು 4kWh ಕಾನ್ಫಿಗರೇಶನ್‌ಗಳಲ್ಲಿ S1 Pro+ ಅನ್ನು ಮತ್ತು 4kWh ಮತ್ತು 3kWh ಕಾನ್ಫಿಗರೇಶನ್‌ಗಳಲ್ಲಿ S1 Pro ಅನ್ನು ಕ್ರಮವಾಗಿ ರೂ.1,80,338, ರೂ.1,60,338, ರೂ.1,39,999 ಮತ್ತು ರೂ.1,19,999 ಬೆಲೆಯಲ್ಲಿ ಸಿಗುತ್ತವೆ.

ಓಲಾ S1 X ಶ್ರೇಣಿಯು 2kWh, 3kWh ಮತ್ತು 4kWh ರೂಪಾಂತರಗಳಲ್ಲಿ Gen 3 S1 X+ (4kWh) ಮತ್ತು Gen 3 S1 X ಅನ್ನು ಕ್ರಮವಾಗಿ ರೂ. 1,09,999, ರೂ. 84,999, ರೂ. 88,999 ಮತ್ತು ರೂ. 1,04,999 ಬೆಲೆಯಲ್ಲಿ ಸಿಗುತ್ತವೆ.

ರೋಡ್‌ಸ್ಟರ್ ಮೋಟಾರ್‌ಸೈಕಲ್ ಪೋರ್ಟ್‌ಫೋಲಿಯೊದಲ್ಲಿ 9.1kWh ಮತ್ತು 4.5kWh ಕಾನ್ಫಿಗರೇಶನ್‌ಗಳಲ್ಲಿ ಕ್ರಮವಾಗಿ ರೂ.1,89,999 ಮತ್ತು ರೂ.1,29,999 ಬೆಲೆಯ ರೋಡ್‌ಸ್ಟರ್ X+ ಮತ್ತು 2.5kWh, 3.5kWh ಮತ್ತು 4.5kWh ಕಾನ್ಫಿಗರೇಶನ್‌ಗಳಲ್ಲಿ ಕ್ರಮವಾಗಿ ₹99,999, ₹1,09,999 ಮತ್ತು ₹1,24,999 ಬೆಲೆಯ ರೋಡ್‌ಸ್ಟರ್ X ಸೇರಿವೆ.