Skoda: ಶೀಘ್ರದಲ್ಲೆ ಹೊಸ 'ಕುಶಾಕ್' ಡೆಲಿವರಿಗಳು: ಪುಣೆಯಲ್ಲಿ ಉತ್ಪಾದನೆ ಪ್ರಾರಂಭಿಸಿದ ಸ್ಕೋಡಾ

ಪ್ರಮುಖ ಕಾರು ತಯಾರಕ ಕಂಪನಿಯಾಗಿರುವ ಸ್ಕೋಡಾ (Skoda), ಪುಣೆಯಲ್ಲಿರುವ ತನ್ನ ವಿಶ್ವ ದರ್ಜೆಯ ಚಕನ್ ಕಾರು ಉತ್ಪದನಾ ಸ್ಥಾವರದಲ್ಲಿ ಹೊಸ ಕುಶಾಕ್ (Skoda Kushaq) ಉತ್ಪಾದನೆಯನ್ನು ಪ್ರಾರಂಭಿಸುವುದರೊಂದಿಗೆ ಭಾರತದಲ್ಲಿ ಒಂದು ಪ್ರಮುಖ ಮೈಲಿಗಲ್ಲನ್ನು ಗುರುತಿಸಿದೆ. ಬ್ರ್ಯಾಂಡ್‌ನ 'ಮೇಕ್ ಇನ್ ಇಂಡಿಯಾ, ಫಾರ್ ಇಂಡಿಯಾ ಮತ್ತು ದಿ ವರ್ಲ್ಡ್' ದೃಷ್ಟಿಕೋನದ ಮೇಲೆ ನಿರ್ಮಿಸಲಾದ ಈ SUV, ಭಾರತದಲ್ಲಿನ ಗ್ರಾಹಕರು ಮತ್ತು ಪ್ರಪಂಚದಾದ್ಯಂತದ ಮಾರುಕಟ್ಟೆಗಳ ವಿಕಸನಗೊಳ್ಳುತ್ತಿರುವ ಆಕಾಂಕ್ಷೆಗಳನ್ನು ಪ್ರತಿಬಿಂಬಿಸುತ್ತದೆ ಎಂದು ಸ್ಕೋಡಾ ಹೇಳಿದೆ.

ನಮಗೆ, ಕುಶಾಕ್ ಯುರೋಪಿನ ಹೊರಗಿನ ಮಾರುಕಟ್ಟೆಗಾಗಿ ವಿಶೇಷವಾಗಿ ಅಭಿವೃದ್ಧಿಪಡಿಸಿದ ಮತ್ತು ಭಾರತ ಮತ್ತು ಜೆಕ್ ಗಣರಾಜ್ಯದ ನಡುವಿನ ನಿಜವಾದ ಸಹಯೋಗದಿಂದ ಹುಟ್ಟಿದ ಮೊದಲ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಪುಣೆಯಲ್ಲಿ ಹೊಸ ಕುಶಾಕ್ ಉತ್ಪಾದನೆಯು ಇಷ್ಟು ಕಡಿಮೆ ಅವಧಿಯಲ್ಲಿ ಪ್ರಾರಂಭವಾಗಿರುವುದು, ಭಾರತವು ನಮ್ಮ ಜಾಗತಿಕ ಉತ್ಪಾದನಾ ಪರಿಸರ ವ್ಯವಸ್ಥೆಯಲ್ಲಿ ಎಷ್ಟು ಬಲವಾಗಿ ಸಂಯೋಜಿಸಲ್ಪಟ್ಟಿದೆ ಎಂಬುದನ್ನು ಎತ್ತಿ ತೋರಿಸುತ್ತದೆ ಎಂದು ಸ್ಕೋಡಾ ಹೇಳಿದೆ.

ಭಾರತದ ಬಹುಮುಖ ಚಾಲನಾ ಪರಿಸ್ಥಿತಿಗಳು ಮತ್ತು ವೈವಿಧ್ಯಮಯ ಗ್ರಾಹಕರ ಅಗತ್ಯಗಳಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಹೊಸ ಕುಶಾಕ್, ಸಂಸ್ಕರಿಸಿದ ಯುರೋಪಿಯನ್ ಚಾಲನಾ ಡೈನಾಮಿಕ್ಸ್, ಸುಧಾರಿತ ಉಪಕರಣಗಳು, ಪ್ರಯಾಣಿಕರ ಸೌಕರ್ಯ ಮತ್ತು ಸುರಕ್ಷತೆಯನ್ನು ಸಂಯೋಜಿಸುತ್ತದೆ. ಈ ಕಾರು ಭಾರತೀಯ ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ.

ಹೊಸ ಕುಶಾಕ್ ಜನವರಿ 2026 ರಲ್ಲಿ ತನ್ನ ವಿಶ್ವ ಪ್ರಥಮ ಪ್ರದರ್ಶನವನ್ನು ನೀಡಿತು, ಮಾರ್ಚ್‌ನಲ್ಲಿ ವಿತರಣೆಗಳು ಪ್ರಾರಂಭವಾಗಲಿವೆ. ಹೊಸ ಕುಶಾಕ್‌ಗೆ ಅಗಾಧವಾದ ಪ್ರೀ-ಬುಕಿಂಗ್ ಪ್ರತಿಕ್ರಿಯೆಯು ಗ್ರಾಹಕರ ನಂಬಿಕೆಯನ್ನು ಮತ್ತಷ್ಟು ಬಲಪಡಿಸುತ್ತದೆ. ಈ ಮುಂಬರುವ ದಿನಗಳಲ್ಲಿ ಭಾರತದಲ್ಲಿ ತನ್ನ ವಿಭಾಗದಲ್ಲಿಯೇ ಬೆಸ್ಟ್ ಕಾರು ಎನ್ನಸಿಕೊಳ್ಳುವ ವಿಶ್ವಾಸವಿದೆ ಎಂದು ಸ್ಕೋಡಾ ಹೇಳಿಕೊಂಡಿದೆ.

25 ವರ್ಷಗಳ ಹಿಂದೆ ಛತ್ರಪತಿ ಸಂಭಾಜಿನಗರದಲ್ಲಿ (ಹಿಂದೆ ಔರಂಗಾಬಾದ್) ತನ್ನ ಭಾರತದ ಪ್ರಯಾಣವನ್ನು ಪ್ರಾರಂಭಿಸಿದ ಸ್ಕೋಡಾ, ಇಂದು ಪುಣೆಯ ಚಕನ್ ಸೇರಿದಂತೆ ಎರಡು ಉತ್ಪಾದನಾ ಘಟಕಗಳನ್ನು ನಿರ್ವಹಿಸುತ್ತಿದೆ. ಇವೆರಡರಿಂದ ಒಟ್ಟು 315,000 ವಾಹನಗಳ ವಾರ್ಷಿಕ ಉತ್ಪಾದನಾ ಸಾಮರ್ಥ್ಯವಿದೆ. ಇಲ್ಲಿಯವರೆಗೆ 7,00,000 ಕ್ಕೂ ಹೆಚ್ಚು ವಾಹನಗಳನ್ನು 40+ ದೇಶಗಳಿಗೆ ರವಾನಿಸಲಾಗಿದೆ.

2025 ರಲ್ಲಿ ಸ್ಥಳೀಯವಾಗಿ ಉತ್ಪಾದಿಸುವ 2 ಮಿಲಿಯನ್ (20 ಲಕ್ಷ) ವಾಹನಗಳನ್ನು ದಾಟಿದೆ. ಇದು ಭಾರತದಲ್ಲಿ ಕಂಪನಿಗೆ ಮಹತ್ವದ ಮೈಲಿಗಲ್ಲು, ಭಾರತ 2.0 ಯೋಜನೆಯ ಮೂಲಕ ಮತ್ತು ಭಾರತೀಯ ಗ್ರಾಹಕರಿಗೆ ಕಂಪನಿಯ ಮೊದಲ ಸಬ್-4-ಮೀಟರ್ SUV (ಸ್ಕೋಡಾ ಕೈಲಾಕ್) ಪರಿಚಯಿಸುವ ಮೂಲಕ ಸ್ಥಳೀಕರಣವನ್ನು ಆಳಗೊಳಿಸಿದೆ ಮತ್ತು ಪೂರೈಕೆದಾರ ಪರಿಸರ ವ್ಯವಸ್ಥೆಯನ್ನು ಬಲಪಡಿಸಿದೆ.

ಸ್ಥಳೀಯವಾಗಿ ನಿರ್ಮಿಸಲಾದ ಮಾದರಿಗಳಾದ ಸ್ಕೋಡಾ ಕೈಲಾಕ್, ಕುಶಾಕ್, ಸ್ಲಾವಿಯಾ, ಫೋಕ್ಸ್‌ವ್ಯಾಗನ್ ಟೈಗನ್ ಮತ್ತು ವರ್ಟಸ್ - 2025 ರಲ್ಲಿ ಒಟ್ಟಾರೆಯಾಗಿ 5,00,000 ಯುನಿಟ್‌ ವಾಹನಗಳನ್ನು ದಾಟಿದೆ. ಈ ಅಂಕಿ ಅಂಶಗಳು ದೇಶದಲ್ಲಿ ಬ್ರ್ಯಾಂಡ್‌ಗೆ ಇರುವ ಜನಪ್ರಿಯತೆಯನ್ನು ಎತ್ತಿತೋರಿಸುತ್ತವೆ. ಇದು ಕಂಪನಿಯನ್ನು ಭಾರತದಲ್ಲಿ ಇನ್ನೂ ಹೆಚ್ಚಿನ ಮಾಡಲ್‌ಗಳನ್ನು ಬಿಡುಗಡೆ ಮಾಡಲು ಪ್ರೋತ್ಸಾಹಿಸುವಂತೆ ಮಾಡಿದೆ.

ಸ್ಕೋಡಾ ಆಟೋದ ಉತ್ಪಾದನೆ ಮತ್ತು ಲಾಜಿಸ್ಟಿಕ್ಸ್ ಮಂಡಳಿಯ ಸದಸ್ಯ ಆಂಡ್ರಿಯಾಸ್ ಡಿಕ್ ಮಾತನಾಡಿ, ಅಂತರರಾಷ್ಟ್ರೀಯ ಮಾನದಂಡಗಳನ್ನು ಪೂರೈಸುವ ವೈಶಿಷ್ಟ್ಯಪೂರ್ಣ ವಾಹನಗಳನ್ನು ತಲುಪಿಸಲು ಈ ಉತ್ಪಾದನಾ ಸ್ಥಾವರ ನಮಗೆ ಅನುವು ಮಾಡಿಕೊಡುತ್ತದೆ. ಕುಶಾಕ್‌ನ ನಿರಂತರ ಯಶಸ್ಸು ಭಾರತವು ಕೇವಲ ಪ್ರಮುಖ ಬೆಳವಣಿಗೆಯ ಮಾರುಕಟ್ಟೆ ಮಾತ್ರವಲ್ಲದೆ ನಮ್ಮ ಜಾಗತಿಕ ಕಾರ್ಯಾಚರಣೆಗಳಿಗೆ ಹೆಚ್ಚುತ್ತಿರುವ ಪ್ರಮುಖ ಉತ್ಪಾದನೆ ಮತ್ತು ರಫ್ತು ನೆಲೆಯಾಗಿದೆ ಎಂಬುದನ್ನು ಒತ್ತಿಹೇಳುತ್ತದೆ ಎಂದರು.

ಹೊಸ ಕುಶಾಕ್ ಒಂದು ವಿಕಸನವಾಗಿದ್ದು, ಯುರೋಪಿಯನ್ ಎಂಜಿನಿಯರಿಂಗ್ ಶ್ರೇಷ್ಠತೆಯನ್ನು ಭಾರತೀಯ ಕುಟುಂಬಗಳಿಗೆ ತಲುಪಿಸುವ ನಮ್ಮ ಧ್ಯೇಯದಲ್ಲಿ ಪ್ರಮುಖ ಆಧಾರಸ್ತಂಭವಾಗಿ ಮುಂದುವರೆದಿದೆ. ಈ ಎಸ್‌ಯುವಿ ತನ್ನ ದೃಢವಾದ ವಿನ್ಯಾಸ, ಸುಧಾರಿತ ವೈಶಿಷ್ಟ್ಯಗಳು ಮತ್ತು ರಾಜಿಯಾಗದ ಸುರಕ್ಷತೆಯೊಂದಿಗೆ ನಮ್ಮ ಡಿಎನ್‌ಎಯನ್ನು ಸಾಕಾರಗೊಳಿಸುತ್ತದೆ ಎಂದು ಸ್ಕೋಡಾ ವ್ಯವಸ್ಥಾಪಕ ನಿರ್ದೇಶಕ ಪಿಯೂಷ್ ಅರೋರಾ ಹೇಳಿದರು.