Volkswagen: ಹೊಸ 7-ಸೀಟರ್ SUV ಬಿಡುಗಡೆಗೆ ಸಜ್ಜು: ಇಂದು ಬುಕಿಂಗ್ ಪ್ರಾರಂಭ... ಹೇಗಿದೆ ಕಾರು?

ಫೋಕ್ಸ್‌ವ್ಯಾಗನ್ (Volkswagen) ಶೀಘ್ರದಲ್ಲೇ ಭಾರತದಲ್ಲಿ ಪ್ರೀಮಿಯಂ 7-ಸೀಟರ್ SUV ವಿಭಾಗವನ್ನು ಪ್ರವೇಶಿಸಲಿದ್ದು, ಭಾರತದಲ್ಲಿ ವಿಶಾಲವಾದ, ಬಹುಮುಖ ಮತ್ತು ಸಂಪೂರ್ಣವಾಗಿ ಲೋಡ್ ಮಾಡಲಾದ ಎಸ್‌ಯುವಿಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ತನ್ನ ಹೊಸ 7-ಸೀಟರ್ SUV ಆಗಿರುವ ಟೇರಾನ್ ಆರ್-ಲೈನ್‌ (Tayron R-Line) ಅನ್ನು ಇದೇ ತಿಂಗಳು ಬಿಡುಗಡೆ ಮಾಡಲಿದೆ. ಈ ಹೊಸ ಎಸ್‌ಯುವಿಗಾಗಿ ಇಂದು ಪ್ರೀ-ಬುಕಿಂಗ್ ಪ್ರಾರಂಭಿಸಿದ್ದು, ಗ್ರಾಹಕರು ದೇಶಾದ್ಯಂತ ಅಧಿಕೃತ ಫೋಕ್ಸ್‌ವ್ಯಾಗನ್ ಡೀಲರ್‌ಶಿಪ್‌ಗಳಲ್ಲಿ ಮತ್ತು ಬ್ರ್ಯಾಂಡ್‌ನ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳ ಮೂಲಕ ರೂ.51,000 ಪಾವತಿಸಿ ಟೇರಾನ್ ಆರ್-ಲೈನ್ ಅನ್ನು ಬುಕ್ ಮಾಡಬಹುದು.

ಫೋಕ್ಸ್‌ವ್ಯಾಗನ್ ಟೇರಾನ್ ಆರ್-ಲೈನ್‌ ವಿಶೇಷತೆಗಳು

ಫೋಕ್ಸ್‌ವ್ಯಾಗನ್ ಟೇರಾನ್ ಆರ್-ಲೈನ್‌ ಎಸ್‌ಯುವಿಯು HD ಮ್ಯಾಟ್ರಿಕ್ಸ್ ಹೆಡ್‌ಲ್ಯಾಂಪ್‌ಗಳನ್ನು ಹೊಂದಿರುವ IQ ಲೈಟ್‌ಗಳು, ಬಂಪರ್ ಮತ್ತು ಫ್ರಂಟ್ ಡೋರ್ ಮೇಲೆ R-ಲೈನ್ ಅಂಶಗಳು, 19-ಇಂಚಿನ ಕವೆಂಟ್ರಿ ಅಲಾಯ್ ವೀಲ್‌ಗಳು, ಪ್ರಕಾಶಿತ ಮುಂಭಾಗ ಮತ್ತು ಹಿಂಭಾಗದ ಲೋಗೋದೊಂದಿಗೆ ಮೊದಲ ನೋಟದಲ್ಲಿಯೇ SUV ಲುಕ್ ಮತ್ತು ಪ್ರೀಮಿಯಂ ಜರ್ಮನ್ ವಾಹನದ ಡಿಸೈನ್‌ನೊಂದಿಗೆ ಬರುತ್ತದೆ.

ಇಂಟೀರಿಯರ್ ವಿಷಯಕ್ಕೆ ಬಂದರೆ ವಿಸ್ತಾರವಾದ ಕ್ಯಾಬಿನ್, ಪನೋರಮಿಕ್ ಸನ್‌ರೂಫ್ ಮತ್ತು ಪ್ರೀಮಿಯಂ ಫ್ರಂಟ್ ಸೀಟ್‌ಗಳು, ದೊಡ್ಡ 15-ಇಂಚಿನ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್, 10.25 - ಇಂಚಿನ ಡಿಜಿಟಲ್ ಕಾಕ್‌ಪಿಟ್, AR HUD, ಮೆಮೊರಿ, ವೆಂಟಿಲೇಷನ್, ಮಸಾಜ್ ಮತ್ತು ಸೊಂಟದ ಬೆಂಬಲದೊಂದಿಗೆ 12-ವೇ ಫ್ರಂಟ್ ಎಲೆಕ್ಟ್ರಿಕ್ ಸೀಟುಗಳು, ಡ್ಯಾಶ್‌ಬೋರ್ಡ್‌ನಲ್ಲಿ ಪ್ರಕಾಶಿತ R ಇನ್ಸರ್ಟ್‌ನೊಂದಿಗೆ 30 ಬಣ್ಣಗಳ ಆಂಬಿಯಂಟ್ ಲೈಟಿಂಗ್ ನೀಡಲಾಗಿದೆ.

ಇವಿಷ್ಟೇ ಅಲ್ಲದೆ 3 - ಝೋನ್ ಕ್ಲೈಮ್ಯಾಟ್ರಾನಿಕ್ ಕಂಟ್ರೋಲ್ AC, ಗೆಸ್ಚರ್ - ಕಂಟ್ರೋಲ್ ಟೈಲ್‌ಗೇಟ್, 700 ವ್ಯಾಟ್‌ಗಳ ಔಟ್‌ಪುಟ್‌ನೊಂದಿಗೆ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್, ಡ್ಯುಯಲ್ ಹೈ-ಪವರ್ USB - C (45W) ಮತ್ತು ವೈರ್‌ಲೆಸ್ ಚಾರ್ಜಿಂಗ್ ಒದಗಿಸಲಾಗಿದೆ. ಇವು ಪ್ರಯಾಣಿಕರಿಗೆ ಲಾಂಗ್‌ಡ್ರೈವ್‌ನಲ್ಲಿ ಆರಾಮದಾಯಕ ಪ್ರಯಾಣಕ್ಕೆ ಅನುಕೂಲಕರವಾಗಿಸುತ್ತವೆ.

ಸೇಫ್ಟಿ ವಿಷಯಕ್ಕೆ ಬಂದರೆ ಫೋಕ್ಸ್ ‌ವ್ಯಾಗನ್ ಟೇರಾನ್ ಆರ್ - ಲೈನ್‌ ಎಸ್‌ಯುವಿನಲ್ಲಿ ಒಂಬತ್ತು ಏರ್‌ ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲೈಸೇಶನ್ ಕಂಟ್ರೋಲ್, ಹಿಲ್ ಅಸೆಂಟ್ ಮತ್ತು ಡಿಸೆಂಟ್ ಸೇರಿದಂತೆ ಇನ್ನೂ ಹಲವನ್ನು ಒಳಗೊಂಡಿದೆ. ಆರು ಮೋಡ್‌ಗಳೊಂದಿಗೆ ಚಾಲಕ ಪ್ರೊಫೈಲ್ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ ಎಂದು ಫೋಕ್ಸ್‌ವ್ಯಾಗನ್ ತಿಳಿಸಿದೆ.

ಫೋಕ್ಸ್‌ವ್ಯಾಗನ್ ಟೇರಾನ್ ಆರ್-ಲೈನ್‌ ಎಸ್‌ಯುವಿಯು 2.0 - ಲೀಟರ್ TSI EA888 evo4 ಎಂಜಿನ್ ಹೊಂದಿದ್ದು, ಇದು 204 PS ಪವರ್ ಮತ್ತು 320 Nm ಟಾರ್ಕ್ ಉತ್ಪಾದಿಸುತ್ತದೆ. 7 - ಸ್ಪೀಡ್ DSG ಮತ್ತು 4MOTION ಸ್ಪಿಡ್ ಮತ್ತು ಸ್ಟೆಬಿಲಿಟಿ ನೀಡುತ್ತದೆ. ಈ ಕಾರು ಕೇವಲ 7.3 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗ ತಲುಪಬಲ್ಲದು. 224 ಕಿ.ಮೀ ಟಾಪ್ ಸ್ಪೀಡ್ ಹೋಗಬಲ್ಲದು.

ಮುಂಬರಲಿರುವ ಹೊಸ ಟೇರಾನ್ ಆರ್-ಲೈನ್‌ ಎಸ್‌ಯುವಿಯು ಡಾಲ್ಫಿನ್ ಗ್ರೇ ಮೆಟಾಲಿಕ್, ಆಯ್ಸ್ಟರ್ ಸಿಲ್ವರ್ ಮೆಟಾಲಿಕ್, ಅಲ್ಟ್ರಾವೈಲೆಟ್ ಮೆಟಾಲಿಕ್, ಸಿಪ್ರೆಸ್ಸಿನೊ-ಗ್ರೀನ್ ಮೆಟಾಲಿಕ್, ನೈಟ್‌ಶೇಡ್ ಬ್ಲೂ ಮೆಟಾಲಿಕ್, ಗ್ರೆನಡಿಲ್ಲಾ ಬ್ಲ್ಯಾಕ್ ಮೆಟಾಲಿಕ್, ಓರಿಕ್ಸ್ ವೈಟ್ ಮದರ್- ಆಫ್ -ಪರ್ಲ್ ಎಫೆಕ್ಟ್ ಎಂಬ 7 ಬಣ್ಣ ಆಯ್ಕೆಗಳನ್ನು ಹೊಂದಿದೆ.

ಫೋಕ್ಸ್‌ವ್ಯಾಗನ್ ಇಂಡಿಯಾ ನಿರ್ದೇಶಕ ನಿತಿನ್ ಕೊಹ್ಲಿ ಮಾತನಾಡಿ, "ಭಾರತದ ಅತ್ಯಂತ ಪ್ರೀತಿಯ, ಮಹತ್ವಾಕಾಂಕ್ಷೆಯ ಜರ್ಮನ್ ಬ್ರಾಂಡ್ ಆಗಿರುವ ನಾವು, ನಮ್ಮ ಗ್ರಾಹಕರ ಎಲ್ಲಾ ಅವಶ್ಯಕತೆಗಳನ್ನು ಪೂರೈಸಲು ಮೋಜಿನ ಐಷಾರಾಮಿ ಎಸ್‌ಯುವಿಯಾದ ಹೊಸ ಟೇರಾನ್ ಆರ್-ಲೈನ್‌ ಪರಿಚಯಿಸಲು ಸಜ್ಜಾಗಿದ್ದೇವೆ. ಈ ಪ್ರೀಮಿಯಂ 7-ಆಸನಗಳ ಎಸ್‌ಯುವಿ ಗ್ರಾಹಕರ ನಿರೀಕ್ಷೆಗಳನ್ನು ಮೀರಿ ಇರದಲಿದೆ" ಎಂದು ಭರವಸೆ ನೀಡಿದ್ದಾರೆ.