ಭಾರತದಲ್ಲೇ ಹೋಂಡಾ ಬ್ರಿಯೊ ಕ್ರಾಸೋವರ್ ನಿರ್ಮಾಣ?

ಐ-ಡಿಟೆಕ್ ಎಂಜಿನ್

ಭಾರತದಲ್ಲಿ ಡೀಸೆಲ್ ಎಂಜಿನ್ ಅವತರಣಿಕೆಯು ಹೋಂಡಾ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿತ್ತು. ಹೌದು ಹೋಂಡಾ ಐ-ಡಿಟೆಕ್ (i-DTEC) ಎಂಜಿನ್ ಮುಂಬರುವ ಮೊಬಿಲಿಯೊ ಎಂಪಿವಿ ಮತ್ತು ಹೋಂಡಾ ಜಾಝ್ ಹ್ಯಾಚ್‌ಬ್ಯಾಕ್ ಕಾರಿನಲ್ಲೂ ಬಳಕೆಯಾಗಲಿದೆ.

ಮೇಡ್ ಇನ್ ಇಂಡಿಯಾ

ಹೋಂಡಾ ಪ್ರಕಾರ ಏಷ್ಯಾಗೆ ಬೇಕಾಗಿರುವ ಒಟ್ಟು ಉತ್ಪಾದನಾ ಸಂಖ್ಯೆಯ ಅರ್ಧದಷ್ಟು ಭಾರತ ಹಾಗೂ ಇಂಡೋನೇಷ್ಯಾದಿಂದಲೇ ತಯಾರಿಯಾಗಲಿದೆ.

ದೆಹಲಿ ಆಟೋ ಎಕ್ಸ್ ಪೋ

ಇದುವರೆಗೆ ಲಭಿಸಿರುವ ಮಾಹಿತಿಯ ಪ್ರಕಾರ ಫೆಬ್ರವರಿಯಲ್ಲಿ ಸಾಗಲಿರುವ ಆಟೋ ಎಕ್ಸ್ ಪೋದಲ್ಲಿ ಮೊಬಿಲಿಯೊ ಎಂಪಿವಿ ಜತೆ ಹೋಂಡಾ ಜಾಝ್ ಕೂಡಾ ಪ್ರದರ್ಶನಗೊಳ್ಳಲಿದೆ. ಈ ಪೈಕಿ ಮೊಬಿಲಿಯೊ ಒಂದೆರಡು ತಿಂಗಳಲ್ಲಿ ಲಾಂಚ್ ಆಗಲಿದ್ದರೆ ಜಾಝ್ ಹಬ್ಬದ ಆವೃತ್ತಿ ವೇಳೆ ಆಗಮನವಾಗುವ ನಿರೀಕ್ಷೆಯಿತ್ತು.

ಜಾಝ್ ಎಂಟ್ರಿ

ಆದರೆ ಲಾಂಚ್ ದಿನಾಂಕ ಇದೀಗ ಮರು ನಿಗದಿಪಡಿಸುವ ಸಾಧ್ಯತೆಯಿದ್ದು, ಮುಂದಿನ ಆರ್ಥಿಕ ಸಾಲಿನ ಅಂತ್ಯದಲ್ಲಷ್ಟೇ ಜಾಝ್ ಎಂಟ್ರಿ ಕೊಡಲಿದೆ.

ಬ್ರಿಯೊ ತಲಹದಿಯಲ್ಲಿ ಎಸ್‌ಯುವಿ

ಈ ಎರಡು ಮಾದರಿಗಳ ಹೊರತಾಗಿ ಮೇಡ್ ಇನ್ ಇಂಡಿಯಾ ಕಾರನ್ನು ಅಭಿವೃದ್ಧಿಪಡಿಸುವ ಕುರಿತಾಗಿಯೂ ಹೋಂಡಾ ಪರಿಗಣನೆಯಲ್ಲಿದೆ. ಇದು ಭಾರತ ಸೇರಿದಂತೆ ನೆರೆಯ ರಾಷ್ಟ್ರಗಳಿಗೂ ವಿತರಣೆಯಾಗಲಿದೆ. ಈ ಹಿಂದೆ ಸೂಚಿಸಿರುವಂತೆಯೇ ಬ್ರಿಯೊ ತಲಹದಿಯ ಎಸ್‌ಯುವಿ ದೇಶದಲ್ಲೇ ನಿರ್ಮಾಣವಾಗುವ ಸಾಧ್ಯತೆಗಳು ಹೆಚ್ಚಿವೆ.

ನೂತನ ಫ್ಲ್ಯಾಟ್‌ಫಾರ್ಮ್

ಈ ಹಿಂದೆ ತಿಳಿಸಿರುವಂತೆಯೇ ವೆಜೆಲ್ ಕ್ರಾಸೋವರ್ ತಯಾರಿ ತುಂಬಾನೇ ದುಬಾರಿಯಾಗಿರುವುದರಿಂದ ಬ್ರಿಯೊ ತಲಹದಿಯಲ್ಲಿ ನೂತನ ಫ್ಲ್ಯಾಟ್‌ಫಾರ್ಮ್ ಅಭಿವೃದ್ಧಿಪಡಿಸಲು ಹೋಂಡಾ ಪರಿಗಣನೆಯಲ್ಲಿದೆ.

ಪ್ರತಿಸ್ಪರ್ಧಿ

ಹೋಂಡಾ ನೂತನ ಎಸ್‌ಯುವಿ ಫೋರ್ಡ್ ಇಕೊಸ್ಪೋರ್ಟ್ ಮತ್ತು ರೆನೊ ಡಸ್ಟರ್ ಕಾರುಗಳಿಗೆ ಪ್ರತಿಸ್ಪರ್ಧಿಯಾಗಿರಲಿದೆ. ಇದು 2015 ಅಥವಾ 2016 ವರ್ಷಾರಂಭದಲ್ಲಿ ಭಾರತ ಮಾರುಕಟ್ಟೆ ಪ್ರವೇಶಿಸಲಿದೆ.