ಶೀಘ್ರದಲ್ಲೇ ಗ್ರಾಂಡ್ ಐ10 ಡೀಸೆಲ್ ಆಟೋಮ್ಯಾಟಿಕ್ ಲಾಂಚ್

ನೂತನ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಹೊಂದಿರುವ ಗ್ರಾಂಡ್ ಐ10 ಡೀಸೆಲ್ ಕಾರಿನ ದರ 10 ಲಕ್ಷ ರು.ಗಳ ಅಸುಪಾಸಿನಲ್ಲಿರಲಿದೆ.

ಪ್ರಸ್ತುತ ಬಂದಿರುವ ಮಾಹಿತಿಗಳ ಪ್ರಕಾರ ನವೆಂಬರ್ ಮಾಸಂತ್ಯದಲ್ಲಿ ಅಥವಾ ಡಿಸೆಂಬರ್ ಆರಂಭದಲ್ಲಿ ಹ್ಯುಂಡೈ ನೂತನ ವರ್ಷನ್ ಆಗಮನವಾಗಲಿದೆ.

ನಿಮ್ಮ ಮಾಹಿತಿಗಾಗಿ ಹ್ಯುಂಡೈ ಗ್ರಾಂಡ್ ಐ10 ಪೆಟ್ರೋಲ್ ಆಟೋಮ್ಯಾಟಿಕ್ ವರ್ಷನ್ ಇನ್ನಷ್ಟೇ ಲಾಂಚ್ ಆಗಬೇಕಾಗಿದೆ. ಈ ನಡುವೆ 4 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಗಮನವಾಗುತ್ತಿದೆ.

ಸೆಪ್ಟೆಂಬರ್ 3ರಂದು ಲಾಂಚ್ ಆಗಿದ್ದ ಹ್ಯುಂಡೈ ಗ್ರಾಂಡ್ ಐ10 ಕಾರು ಬಿಡುಗಡೆಯಾದ ಕೇವಲ 20 ದಿನಗಳೊಳಗೆ 10,000 ಬುಕ್ಕಿಂಗ್ ಗಿಟ್ಟಿಸಿಕೊಂಡಿತ್ತು.

ಅಂದ ಹಾಗೆ ಹ್ಯುಂಡೈ ಗ್ರಾಂಡ್ ಐ10 1.1 ಲೀಟರ್ ತ್ರಿ ಸಿಲಿಂಡರ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 69 ಅಶ್ವಶಕ್ತಿ (153 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಪ್ರಸ್ತುತ ದೇಶದ ಮಾರುಕಟ್ಟೆಯಲ್ಲಿ ದೊರಕುವ ಅಗ್ಗದ ಡೀಸೆಲ್ ಆಟೋಮ್ಯಾಟಿಕ್ ಕಾರೆಂದರೆ ಅದು ಹ್ಯುಂಡೈ ವರ್ನಾ ಆಗಿದೆ. ಇದರ ದೆಹಲಿ ಎಕ್ಸ್ ಶೋ ರೂಂ ದರ 10.34 ಲಕ್ಷ ರು.ಗಳಾಗಿವೆ. ಅಂದರೆ ಇದೀಗ ಆಗಮನವಾಗಿರುವ ಹ್ಯುಂಡೈ ಐ10 ನೆಕ್ಸ್ಟ್ ಜನರೇಷನ್ ಗ್ರಾಂಡ್ ಐ10 ಕಾರು ಇದಕ್ಕಿಂತಲೂ ಕಡಿಮೆ ದರದಲ್ಲಿ ಅಂದರೆ 7.5ರಿಂದ 9.5 ಲಕ್ಷ ರು.ಗಳ ಅಸುಪಾಸಿನಲ್ಲಿ ದೊರಕಲಿದೆ.