ಭಾರತಕ್ಕೆ ಬರುತ್ತಾ ಏಳು ಸೀಟಿನ ಹ್ಯುಂಡೈ ಸಾಂತಾ ಫೆ?

ಐದು ಸೀಟಿನ ಸಾಂತಾ ಫೆ ಸ್ಪೋರ್ಟ್ಸ್ ಯಶಸ್ಸಿನ ಬೆನ್ನಲ್ಲೇ ಅಮೆರಿಕದಲ್ಲಿ ಏಳು ಸೀಟಿನ ಸಾಂಟಾ ಫೆ ಕಾರನ್ನು ಮುಂಚೂಣಿಯ ಕಾರು ತಯಾರಕ ಸಂಸ್ಥೆಯಾದ ಹ್ಯುಂಡೈ ಬಿಡುಗಡೆಗೊಳಿಸಿದೆ.

2012 ನ್ಯೂಯಾರ್ಕ್ ಆಟೋ ಶೋದಲ್ಲಿ ಮೊದಲ ಬಾರಿಗೆ ಏಳು ಸೀಟಿನ ಸಾಂತಾ ಫೆ ಕಾರನ್ನು ಅನಾವರಣಗೊಳಿಸಲಾಗಿತ್ತು. ಇದೀಗ ಈ ಪ್ರೀಮಿಯಂ ಎಸ್‌ಯುವಿ ಕಾರು ಅಮೆರಿಕದಲ್ಲಿ ಯಾವ ರೀತಿ ಗಮನ ಸೆಳೆಯಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.

ಈ ಏಳು ಸೀಟಿನ ಸಾಂತಾ ಫೆ ಕಾರಿನ ದರ 28,350 ಅಮೆರಿಕನ್ ಡಾಲರ್ ಆಗಿದೆ. ಅಂದರೆ ಇದು ಭಾರತೀಯ ರುಪಾಯಿ ಪ್ರಕಾರ 15.08 ಲಕ್ಷ ಅಸುಪಾಸಿನಲ್ಲಿರಲಿದೆ.

ಅಂದ ಹಾಗೆ ನೂತನ ಸೆವೆನ್ ಸೀಟರ್ ಹ್ಯುಂಡೈ ಸಾಂತಾ ಫೆ ಮುಂದಿನ ದಿನಗಳಲ್ಲಿ ಭಾರತ ಮಾರುಕಟ್ಟೆಯನ್ನು ಪ್ರವೇಶಿಸುವ ನಿರೀಕ್ಷೆಯಿದೆ. ಪ್ರಸ್ತುತ ಎಡ ಬದಿಯಲ್ಲಿ ಮಾತ್ರ ಡ್ರೈವಿಂಗ್ ವ್ಯವಸ್ಥೆ ಆಳವಡಿಸಲಾಗಿದ್ದು, ಪ್ರಮುಖವಾಗಿಯೂ ಅಮೆರಿಕ ಹಾಗೂ ಚೀನಾ ಮಾರುಕಟ್ಟೆಯನ್ನು ಗುರಿಯಾಗಿರಿಸಿಕೊಳ್ಳಲಾಗಿದೆ.

ಖಂಡಿತವಾಗಿಯೂ ದೇಶಿಯ ಮಾರುಕಟ್ಟೆಯನ್ನು ಪ್ರವೇಶಿಸಿದರೆ ಹ್ಯುಂಡೈ ಎಸ್‌ಯುವಿ ದೊಡ್ಡ ಯಶಸ್ಸು ಸಾಧಿಸಲಿದೆ ಎಂಬುದರಲ್ಲಿ ಯಾವುದೇ ಅನುಮಾನವೂ ಬೇಡ.

ಅಮೆರಿಕ ಮಾರುಕಟ್ಟೆ ಗುರಿಯಾಗಿರಿಸಿಕೊಂಡಿರುವ ಹ್ಯುಂಡೈ ನೂತನ ಏಳು ಸೀಟಿನ ಸಾಂತಾ ಫೆ ಪ್ರೀಮಿಯಂ ಎಸ್‌ಯುವಿ ಲಾಂಚ್ ಮಾಡಿದೆ. ಇದರ ದರ 15.08 ಲಕ್ಷ ರು.ಗಳಾಗಿವೆ.

ಐದು ಸೀಟಿನ ಸಾಂತಾ ಫೆ ಹೋಲಿಸಿ ನೋಡಿದಾಗ ನೂತನ ಏಳು ಸೀಟಿನ ಸಾಂತಾ ಫೆ ಹೆಚ್ಚು ಉದ್ದ ಹೊಂದಿರಲಿದೆ. ಹಾಗೆಯೇ ಸೆವೆನ್ ಸೀಟ್ ಸಾಂತಾ ಫೆ 3.3 ಲೀಟರ್ 290 ಬಿಎಚ್‌ಪಿ ವಿ6 ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, ಸಿಕ್ಸ್ ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಕೂಡಾ ಇರಲಿದೆ.

ಹಿಂದಿನ ಸೀಟುಗಳನ್ನು ಮಡಚಲು ಸಾಧ್ಯವಾಗುವುದರಿಂದ ಹೆಚ್ಚಿನ ಲಗ್ಗೇಜ್ ಹೊತ್ತೊಯ್ಯಲು ಸಾಧ್ಯವಾಗಲಿದೆ.

ಎಕ್ಸ್‌ಟೀರಿಯರ್ ವಿನ್ಯಾಸ

ಇಂಟಿರಿಯರ್

ರಿಯರ್ ವ್ಯೂ

ರೆಡ್ ಹಾಟಿ ಹ್ಯುಂಡೈ