ಭಾರತದತ್ತ ಹೆಜ್ಜೆಯನ್ನಿಟ್ಟ ಇಟಲಿ ಸುಂದರಿ

ಹೌದು, ನಿಧಾನವಾಗಿ ಇಟಲಿಯ ಸುಂದರಿ ಭಾರತದತ್ತ ಹೆಜ್ಜೆಯನ್ನಿಟ್ಟಿದ್ದಾಳೆ. ಗಾಬರಿಯಾಗಬೇಡಿರಿ, ಇಟಲಿಯ ಅತಿ ದುಬಾರಿ ಕಾರು ತಯಾರಕ ಕಂಪನಿಯಾದ ಲಂಬೋರ್ಗಿನಿಯ ಅವೆಂಟಡೊರ್ ಎಲ್‌ಪಿ 700-4 ಮಾದರಿ ಭಾರತದಲ್ಲಿ ಲಾಂಚ್ ಆಗಿದೆ. ಆದರೆ ನಿರೀಕ್ಷಿಸಿದಂತೆ ಲಂಬೋರ್ಗಿನಿ ಸುಂದರಿ ತಂಬಾನೇ ದುಬಾರಿಯಾಗಿದ್ದು, ಇದರ ದೆಹಲಿ ಎಕ್ಸ್ ಶೋ ರೂಂ ದರ 4.77 ಕೋಟಿ ರೂಪಾಯಿಗಳಾಗಿವೆ.

ಬೆಳೆದು ಬರುತ್ತಿರುವ ಭಾರತೀಯ ಮಾರುಕಟ್ಟೆಯನ್ನು ಪ್ರಮುಖವಾಗಿ ಗುರಿಯಾಗಿರಿಸಿಕೊಂಡಿರುವ ಇಟಲಿಯ ಲಗ್ಷುರಿ ಹಾಗೂ ಸೂಪರ್ ಸ್ಪೋರ್ಟ್ಸ್ ಕಾರು ತಯಾರಕ ಕಂಪನಿಯಾದ ಲಂಬೋರ್ಗಿನಿ ಈ ಮೂಲಕ ಹೆಚ್ಚಿನ ಪ್ರಗತಿಯನ್ನು ನಿರೀಕ್ಷಿಸುತ್ತಿದೆ.

ಅಂದ ಹಾಗೆ 2012ನೇ ಸಾಲಿನಲ್ಲಿ ಲಂಬೋರ್ಗಿನಿ ಅವೆಂಟಡೊರ್ ದೇಶದ ಮಾರಾಟದಲ್ಲಿ ಶೇಕಡಾ 21ರಷ್ಟು ಭರ್ಜರಿ ಪ್ರಗತಿ ಸಾಧಿಸಿದೆ. ಇದೀಗ ಜಗತ್ತಿನಾದ್ಯಂತ ಭಾರಿ ಬೇಡಿಕೆ ಕಂಡುಬರುತ್ತಿರುವ ಅವೆಂಟಡೊರ್ ಎಲ್‌ಪಿ 700-4 ರೋಡ್‌ಸ್ಟರ್ ಬಿಡುಗಡೆಗೊಳಿಸಿದೆ.

ಲಂಬೋರ್ಗಿನಿ ಅವೆಂಟಡೊರ್‌ನಲ್ಲಿ ವೇಗತೆಗೆ ಅತಿ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗಿದೆ. ನೀವು ಸ್ಪೀಡ್ ಅಭಿಮಾನಿಯಾಗಿದ್ದರೆ ಖಂಡಿತವಾಗಿಯೂ ಇದರ ನಯವಾದ ಗೇರ್ ಬದಲಾವಣೆಗಳು ಗಮನ ಸೆಳೆಯಲಿದೆ.

ಲಂಬೋರ್ಗಿನಿ ಅವೆಂಟಡೊರ್ ಎಲ್‌ಪಿ 700-4 ಸೂಪರ್ ಕಾರು 12 ಸಿಲಿಂಡರ್ 6.5 ಲೀಟರ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ.

ಈ ಬಹುನಿರೀಕ್ಷಿತ ಕಾರು ಪ್ರತಿ ಗಂಟೆಗೆ ಗರಿಷ್ಠ 350ಕ್ಕೂ ಹೆಚ್ಚು ವೇಗತೆಯಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ.

ಹಾಗೆಯೇ ಕೇವಲ ಮೂರು ಸೆಕೆಂಡುಗಳಲ್ಲಿ 0ರಿಂದ 100 ಕೀ.ಮೀ ತನಕ ವೇಗ ವರ್ಧಿಸುವ ಶಕ್ತಿ ಹೊಂದಿದೆ.

ಹಾಗಿದ್ದರೂ ಈ ಇಟಲಿಯ ಸುಂದರಿ ದರ ಮಾತ್ರ ಕೊಂಚ ದುಬಾರಿಯಾಗಿದ್ದು, ಭಾರತೀಯ ರುಪಾಯಿ ಪ್ರಕಾರ ಐದು ಕೋಟಿ ಅಸುಪಾಸಿನಲ್ಲಿರಲಿದೆ.

ಲಂಬೋರ್ಗಿನಿ ಅವೆಂಟಡೊರ್

ಲಂಬೋರ್ಗಿನಿ ಅವೆಂಟಡೊರ್

ಲಂಬೋರ್ಗಿನಿ ಅವೆಂಟಡೊರ್

ಲಂಬೋರ್ಗಿನಿ ಅವೆಂಟಡೊರ್

ಲಂಬೋರ್ಗಿನಿ ಅವೆಂಟಡೊರ್

ಲಂಬೋರ್ಗಿನಿ ಅವೆಂಟಡೊರ್

ಲಂಬೋರ್ಗಿನಿ ಅವೆಂಟಡೊರ್