9 ಸೀಟುಗಳ ನ್ಯೂ ಮಹೀಂದ್ರ ಕ್ಸೈಲೋ ಲಾಂಚ್

9 ಸೀಟುಗಳ ಮಹೀಂದ್ರ ಕ್ಸೈಲೋ ಡಿ2 ಮ್ಯಾಕ್ಸ್ ಬಿಎಸ್III ವೆರಿಯಂಟ್ ಮುಂಬೈ ಎಕ್ಸ್ ಶೋ ರೂಂ ದರ 7.12 ಲಕ್ಷ ರು.ಗಳಾಗಿವೆ. ಇದೇ ಮೊದಲ ಬಾರಿಗೆ ಕ್ಸೈಲೋ ಒಂಬತ್ತು ಸೀಟುಗಳ ಆಯ್ಕೆಯಲ್ಲಿ ಲಭ್ಯವಿರುತ್ತದೆ.

ಅಂತೆಯೇ ಫ್ರಂಟ್ ಗ್ರಿಲ್‌ ಹೆಚ್ಚು ಆಕರ್ಷಕವಾಗಿದೆ. ಇದು ಇತರ ಕ್ಸೈಲೋ ಆವೃತ್ತಿಗಿಂತಲೂ ಹೆಚ್ಚು ಆಕ್ರಮಣಕಾರಿ ವಿನ್ಯಾಸ ಪಡೆದುಕೊಂಡಿದೆ.

ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ತರಲಾಗಿಲ್ಲ. ಇದು 2.5 ಲೀಟರ್ mDI CRDe ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 95 ಪಿಎಸ್ ಪವರ್ (220 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ.

ಇನ್ನು ಭಾರತ ವಾಹನ ಅಧ್ಯಯನ ಸಂಸ್ಥೆಯ (ಎಆರ್‌ಎಐ) ಪ್ರಕಾರ ಕ್ಸೈಲೋ ಪ್ರತಿ ಲೀಟರ್‌ಗೆ 14.95 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ. ಪ್ರಸ್ತುತ ಬಿಎಸ್IV ಎಂಜಿನ್ ಆಯ್ಕೆ ಲಭ್ಯವಿಲ್ಲದಿದ್ದರೂ ನಿಕಟ ಭವಿಷ್ಯದಲ್ಲೇ ಲಭ್ಯವಾಗಲಿದೆ.

ದೂರ ಪ್ರಯಾಣ ಅಥವಾ ಪ್ರವಾಸ ಕೇಂದ್ರಗಳಿಗೆ ತೆರಳಲು ಕ್ಸೈಲೋ ಉತ್ತಮ ಆಯ್ಕೆಯಾಗಿರಲಿದೆ. ಹಾಗೆಯೇ ಹೆಚ್ಚಿನ ಲಗ್ಗೇಜ್ ಹೊತ್ತೊಯ್ಯುವ ಸಾಮರ್ಥ್ಯ ಕೂಡಾಹೊಂದಿದೆ.