ಸೆಲೆರಿಯೊ ಶೈನಿಂಗ್; ಅಗ್ಗವಾಯ್ತು ಮಾರುತಿ ಕಾರುಗಳು

ಈ ನಡುವೆ ಈಗಷ್ಟೇ ಬಿಡುಗಡೆಗೊಂಡಿರುವ ಮಾರುತಿ ಸೆಲೆರಿಯೊ ಮಿಂಚಿನ ವೇಗದಲ್ಲಿ ಬುಕ್ಕಿಂಗ್ ಗಿಟ್ಟಿಸಿಕೊಳ್ಳುತ್ತಿದ್ದು, ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದೆ.

ಮಾರುತಿ ಸೆಲೆರಿಯೊದಲ್ಲಿರುವ ಆಟೋಮ್ಯಾಟಿಕ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಪ್ರಮುಖ ವೈಶಿಷ್ಟ್ಯವಾಗಿರಲಿದೆ. ಇದು ನಗರ ಪ್ರದೇಶದ ವಾಹನ ದಟ್ಟಣೆಯಲ್ಲಿ ಆರಾಮದಾಯಕ ಚಾಲನೆ ಪ್ರದಾನ ಮಾಡಲಿದೆ.

ಗರಿಷ್ಠ ಇಂಧನ ಕ್ಷಮತೆಯು ಮಾರುತಿ ಸೆಲೆರಿಯೊ ಹ್ಯಾಚ್‌ಬ್ಯಾಕ್ ಕಾರಿನ ಬೇಡಿಕೆಗೆ ಕಾರಣವಾಗಿದೆ. ಹಾಗೊಂದು ವೇಳೆ ಇದೇ ಪರಿಸ್ಥಿತಿ ಮುಂದುವರಿದ್ದಲ್ಲಿ ಮಾರುತಿಯ ಐಕಾನಿಕ್ ಸ್ವಿಫ್ಟ್ ಕಾರು ದಾಖಲೆಯನ್ನು ಸೆಲೆರಿಯೊ ಹಿಮ್ಮೆಟ್ಟಿಸುವ ಸಾಧ್ಯತೆಯಿದೆ.

ಮಾರುತಿಯ ನೂತನ ದರ ನೀತಿಯಂತೆ 3.90 ಲಕ್ಷ ರು.ಗಳಷ್ಟು ದುಬಾರಿಯಾಗಿದ್ದ ಸೆಲೆರಿಯೊ ಇದೀಗ 3.76 ಎಕ್ಸ್ ಶೋ ರೂಂ ದರಗಳಲ್ಲಿ ಆಗಮನವಾಗಲಿದೆ.

ಅದೇ ರೀತಿ ಆಟೋಮ್ಯಾಟಿಕ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಹೊಂದಿರುವ ಎಲ್‌ಎಕ್ಸ್‌ಐ ಹಾಗೂ ವಿಎಕ್ಸ್‌ಐ ವೆರಿಯಂಟ್‌ಗಳು ಅನುಕ್ರಮವಾಗಿ 4.14 ಹಾಗೂ 4.43 ಲಕ್ಷ ರು.ಗಳಷ್ಟು ದುಬಾರಿಯಾಗಲಿದೆ. ಬಿಡುಗಡೆಯಾದ ಸಂದರ್ಭದಲ್ಲಿ ಇವೆರಡು ಆವೃತ್ತಿಗಳ ದರ ಅನುಕ್ರಮವಾಗಿ 4.29 ಹಾಗೂ 4.59 ಲಕ್ಷ ರು.ಗಳಿಷ್ಟಿತ್ತು.

998 ಸಿಸಿ, 3 ಸಿಲಿಂಡರ್ ಕೆ10ಬಿ ಎಂಜಿನ್ ಹೊಂದಿರುವ ಮಾರುತಿ ಸೆಲೆರಿಯೊ, ಪ್ರತಿ ಲೀಟರ್‌ಗೆ 23.1 ಕೀ.ಮೀ.ಗಳಷ್ಟು ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.

ಕೇವಲ ಸೆಲೆರಿಯೊ ಮಾತ್ರವಲ್ಲ. ಮಾರುತಿಯ ಜನಪ್ರಿಯ ಆವೃತ್ತಿಗಳಾದ ಆಲ್ಟೊ, ಸ್ವಿಫ್ಟ್, ಸ್ವಿಫ್ಟ್ ಡಿಜೈರ್, ವ್ಯಾಗನಾರ್, ರಿಟ್ಜ್, ಎರ್ಟಿಗಾ ಮತ್ತು ಆಲ್ಟೊ ಕೆ1 ದರಗಳಲ್ಲೂ ಭಾರಿ ಇಳಿಕೆಯುಂಟಾಗಿದ್ದು, 8,197 ರು.ಗಳಿಂದ 30,984 ರು.ಗಳ ವರೆಗೆ ಕಡಿತವುಂಟಾಗಿದೆ.