Click it and Unblock the Notifications
ಮಾರುತಿ ಎ ಸ್ಟಾರ್ ಬದಲಿ ಕಾರಿನ ಹೆಸರು ಏನು ಗೊತ್ತೇ?
ಭಾರತ ಪ್ರಯಾಣಿಕ ಕಾರು ಮಾರುಕಟ್ಟೆಯಲ್ಲಿ ನಿರೀಕ್ಷಿಸಿದಷ್ಟು ಯಶ ಸಾಧಿಸುವಲ್ಲಿ ಮಾರುತಿ ಎ ಸ್ಟಾರ್ ವಿಫಲವಾಗಿರಬಹುದು. ಸಣ್ಣ ಕಾರು ಮಾರುಕಟ್ಟೆಯಲ್ಲಿ ಆಲ್ಟೊ ಅಲೆ ದೇಶದ ಅತಿ ದೊಡ್ಡ ಕಾರು ಸಂಸ್ಥೆಯ ಇನ್ನೊಂದು ಆವೃತ್ತಿಗೆ ಆಘಾತ ನೀಡಿರಬಹುದು. ಇದೇ ಕಾರಣಕ್ಕೆ ಎ ಸ್ಟಾರ್ ಮಾರಾಟವನ್ನು ಸ್ಥಗಿತಗೊಳಿಸಲು ಮಾರುತಿ ನಿರ್ಧಾರ ಕೈಗೊಂಡಿತ್ತು. ಆದರೆ ಇದೀಗ ಪರಿಸ್ಥಿತಿ ಬದಲಾಗಿದೆ. ಎ ಸ್ಟಾರ್ ಸ್ಥಾನಕ್ಕೆ ಹೊಸ ಕಾರಿನ ಆಗಮನ ಸಂಸ್ಥೆಯ ನಿರೀಕ್ಷೆಗಳಿಗೆ ಹೊಸ ಹುರುಪನ್ನು ತಂದಿದೆ.
ದೆಹಲಿ ಆಟೋ ಎಕ್ಸ್ ಪೋ ಸುದ್ದಿ ಮಿಸ್ ಮಾಡಿದ್ರಾ? ಇಲ್ಲಿದೆ ಓದಿ
ಈಗಾಗಲೇ ಮಾಧ್ಯಮಗಳಲ್ಲಿ ಹೆಚ್ಚಿನ ಪ್ರಾಧಾನ್ಯ ಗಿಟ್ಟಿಸಿಕೊಂಡಿರುವ ಸುಜುಕಿಯ ವೈಎಲ್7 ಕೋಡ್ ಪಡೆದುಕೊಂಡಿರುವ ಮುಂಬರುವ ಎ ವಿಂಡ್ ಕಾಂಪಾಕ್ಟ್ ಕಾರು 2013 ನವೆಂಬರ್ನಲ್ಲಿ ನಡೆದ ಥಾಯ್ಲೆಂಡ್ ಮೋಟಾರ್ ಶೋದಲ್ಲಿ ಪ್ರದರ್ಶನ ಕಂಡಿತ್ತು. ಅಷ್ಟಕ್ಕೂ ಈ ಹೊಸ ಕಾರಿನ ಹೆಸರು ಏನೆಂಬುದು ನಿಮಗೆ ಗೊತ್ತೇ? ಕುತೂಹಲಕಾರಿ ಮಾಹಿತಿಗಾಗಿ ಸ್ಲೈಡರ್ನತ್ತ ಮುಂದುವರಿಯಿರಿ...
ಹೌದು, ಎ ಸ್ಟಾರ್ ಬದಲಿಯಾಗಲಿರುವ ಮಾರುತಿಯ ಹೊಸ ಕಾಂಪಾಕ್ಟ್ ಕಾರು ಸೆಲೆರಿಯೊ (Celerio) ಎಂಬ ಹೆಸರು ಪಡೆದುಕೊಳ್ಳಲಿದೆ.
ಇದು ಕೇವಲ ಎ ಸ್ಟಾರ್ಗೆ ಮಾತ್ರ ಬದಲಿ ಕಾರಲ್ಲ. ಮಾರಾಟ ಸ್ಥಗಿತಗೊಂಡಿರುವ ಜೆನ್ ಎಸ್ಟಿಲೊ ಕಾರಿಗೂ ಉತ್ತರಾಧಿಕಾರಿ ಎನಿಸಿಕೊಳ್ಳಲಿದೆ.
ನಿಮ್ಮ ಮಾಹಿತಿಗಾಗಿ, ಜಾಗತಿಕ ಮಾರುಕಟ್ಟೆಯಲ್ಲಿ ಸೆಲೆರಿಯೊ ಮುಂದಿನ ತಲೆಮಾರಿನ ಆಲ್ಟೊ (ಭಾರತದಲ್ಲಿ ಎ ಸ್ಟಾರ್) ಎನಿಸಿಕೊಳ್ಳಲಿದೆ. ಈ ಮೂಲಕ ಆಲ್ಟೊ ಬ್ಯಾಡ್ಜ್ ವಿದೇಶದಲ್ಲಿ ಕೊನೆಗೊಳ್ಳಲಿದೆ.
ಇನ್ನು ಭಾರತದ ಬಗ್ಗೆ ಮಾತನಾಡುವುದಾದ್ದಲ್ಲಿ ಮುಂಬರುವ ಫೆಬ್ರವರಿ ತಿಂಗಳಲ್ಲಿ ನೆಡಯಲಿರುವ ಆಟೋ ಎಕ್ಸ್ ಪೋದಲ್ಲಿ ಸೆಲೆರಿಯೊ ಪ್ರದರ್ಶನ ಕಾಣಲಿದೆ. ಇದು ಸೆಲೆರಿಯೊದ ಜಾಗತಿಕ ಆಗಮನ ಕೂಡಾ ಆಗಿರಲಿದೆ.
ಇದು ಹಿಂದಿನ ಆವೃತ್ತಿಗಿಂತಲೂ ಹೆಚ್ಚು ಆಕ್ರಣಮಣಕಾರಿ ಫ್ರಂಟ್ ಲುಕ್ ಪಡೆದುಕೊಂಡಿದೆ. ಹಾಗೆಯೇ ಎ ಸ್ಟಾರ್ಗಿಂತಲೂ ಹೆಚ್ಚು ಸ್ಥಳಾವಕಾಶವನ್ನು ಹೊಂದಿರಲಿದೆ.
ಎಂಜಿನ್ ಬಗ್ಗೆ ಮಾತನಾಡುವುದಾದರೆ ಕೆ10 ಪೆಟ್ರೋಲ್ ಎಂಜಿನ್ ಉಳಿಸಿಕೊಳ್ಳುವ ಸಾಧ್ಯತೆಯಿದೆ. ಇದು ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಟ್ರಾನ್ಸ್ಮಿಷನ್ನಲ್ಲಿ ಸಮಾನವಾಗಿರಲಿದೆ. ಹಾಗೆಯೇ ಮುಂಬರುವ ದಿನಗಳಲ್ಲಿ ಡೀಸೆಲ್ ಎಂಜಿನ್ ಆಗಮನವಾದ್ದಲ್ಲಿ ಅಚ್ಚರಿಪಡಬೇಕಾಗಿಲ್ಲ.
Continue with Google