ಮುಂಬೈ ಮಾಯಾನಗರಿಯಲ್ಲಿ ರೇಂಜ್ ರೋವರ್ ಮಾಯೆ

ಆಗಸ್ಟ್ 22ರಂದು ಲ್ಯಾಂಡ್ ರೋವರ್ ತವರೂರು ಬ್ರಿಟನ್‌ನ ಸೊಲಿಹಲ್‌ನಿಂದ ಆರಂಭಿಸಿದ್ದ ರಾಲಿಯು, ಲ್ಯಾಂಡ್ ರೋವರ್ ಮಾತೃಸಂಸ್ಥೆ ಟಾಟಾ ಮೋಟಾರ್ಸ್ ತವರೂರಾದ ಮುಂಬೈನಲ್ಲಿ ಕೊನೆಗೊಂಡಿದೆ.

53 ದಿನಗಳಷ್ಟು ಕಾಲ ಸಾಗಿದ ಈ ಜೈತ್ರಯಾತ್ರೆಯು 13 ದೇಶಗಳನ್ನು ಸುತ್ತುವರಿದಿತ್ತಲ್ಲದೆ ಭರ್ತಿ 16,853 ಕೀ.ಮೀ.ಗಳನ್ನು ಕ್ರಮಿಕರಿಸಿತ್ತು.

ಒಟ್ಟು ಮೂರು ರೇಂಜ್ ವೋವರ್ ಡೀಸೆಲ್ ಹೈಬ್ರಿಡ್ ಕ್ರೀಡಾ ಉತ್ಪಾದಕ ವಾಹನಗಳು ಜತೆಗೆ ಇತರ ಸಹಾಯಕ ಕಾರುಗಳು ರಾಲಿಯನ್ನು ಪ್ರತಿನಿಧಿಸಿದ್ದವು.

ಫ್ರಾನ್ಸ್, ಬೆಲ್ಜಿಯಂ, ಜರ್ಮನಿ, ಪೊಲೆಂಡ್, ಉಕ್ರೇನ್, ರಷ್ಯಾ, ಕಜಕಿಸ್ತಾನ, ಉಜ್ಭೇಕಿಸ್ತಾನ, ಕಿರ್ಗಿಸ್ತಾನ, ಚೀನಾ (ಟಿಬೆಟ್ ಸೇರಿ), ನೇಪಾಳ ಮೂಲಕ ಅಂತಿಮವಾಗಿ ಅಕ್ಟೋಬರ್ 14ರಂದು ಭಾರತ ಪ್ರವೇಶ ಪಡೆದಿತ್ತು.

ಪುರಾತನ ರಾಜರ ಕಾಲಘಟ್ಟದಲ್ಲಿ ವಾಣಿಜ್ಯಕ್ಕಾಗಿ ಇದೇ ಸಿಲ್ಕ್ ಹಾದಿಯನ್ನು ಬಳಸಲಾಗಿತ್ತು. ಇದು ಪ್ರಮುಖವಾಗಿ ಯುರೋಪ್ ಹಾಗೂ ಏಷ್ಯಾ ಖಂಡಗಳನ್ನು ಬಂಧಿಸುತ್ತಿತ್ತು.

ಅದೇ ರೀತಿ ಅತಿ ಸಾಹಸಾತ್ಮಕ ಮಾರ್ಗವನ್ನು ಹೊಂದಿರುವ ಸಿಲ್ಕ್ ರೂಟ್‌ನಲ್ಲಿ ಸಂಚರಿಸಿದ ಮೊದಲ ಹೈಬ್ರಿಡ್ ಎಸ್‌ಯುವಿ ಕಾರೆಂಬ ಹೆಗ್ಗಳಿಕೆಗೆ ರೇಂಜ್ ರೋವರ್ ಪಾತ್ರವಾಗಿದೆ.

ಹಾದಿ ಎಷ್ಟು ಕ್ಲಿಷ್ಟಕರವಾಗಿತ್ತೆಂದರೆ ವಾಹನಗಳ ಜತೆ ಇದರಲ್ಲಿನ ಸವಾರರು ಸಹ ಕನಿಷ್ಠ ಉಷ್ಣಪಾತ 10ಡಿಗ್ರಿಯಿಂದ ಹಿಡಿದು ಗರಿಷ್ಠ 43 ಡಿಗ್ರಿ ತಾಪಮಾನವನ್ನು ಅರಗಿಸಿಕೊಳ್ಳಬೇಕಾಗಿತ್ತು.

ಸಿಲ್ಕ್ ರೂಟ್, ವಿಶ್ವದ ಅತ್ಯಂತ ಕಠಿಣ ಹಾದಿಯನ್ನು ಹೊಂದಿರುವ ಭೂಪ್ರದೇಶವಾಗಿದೆ. ಇದು ಅಡ್ಡಾದಿಡ್ಡಿ ರಸ್ತೆ, ಆಳವಾದ ಗುಂಡಿ, ಬಿಸಿ ಬಿಸಿ ಮರುಭೂಮಿ, ಧೂಳಿನಿಂದ ಆವೃತವಾದ ರಸ್ತೆ, ಮಣ್ಣಿನ ಹಲವಾರು ಶೈಲಿಯ ರಸ್ತೆ, ಜಲ್ಲಿಯಿಂದ ಕೂಡಿದ ರಸ್ತೆ ಹಾಗೆಯೇ ಜಾನುವಾರು ಜಾಡುಗಳನ್ನು ಹೊಂದಿತ್ತು.

ಪ್ರಸ್ತುತ ತಂಡವು ಅಪಾಯಕಾರಿ ಪರ್ವತಗಳನ್ನು ಹೇಗೆ ದಾಟುತ್ತದೆಯೋ ಅದೇ ರೀತಿ ನದಿಯನ್ನು ಹಾದು ಹೋಗಬೇಕಾಗಿತ್ತು. ಹಾಗೆಯೇ ಅತ್ಯಂತ ಎತ್ತರದಲ್ಲಿ ತೆಳು ಗಾಳಿಯ ಅನುಭವ ಇನ್ನಷ್ಟು ಸುಖಕರವಾಗಿತ್ತು.

ಸಮುದ್ರ ಮಟ್ಟದಿಂದ 3,350ರಿಂದ 5,379 ಮೀಟರ್ ಎತ್ತರ ಪರ್ವತ ಶಿಖರದಲ್ಲೂ ಆಮ್ಲಕನಕ ಅಂಶ ಶೇಕಡಾ 10ರಷ್ಟು ಅಭಾವವಿದ್ದರೂ ಸಾಹಸಿಕರಿಗೆ ಇಂದೊಂದು ಸಮಸ್ಯೆಯಾಗಿರಲಿಲ್ಲ.

ಅದೇ ರೀತಿ 5,300 ಮೀಟರ್ ಎತ್ತರದಲ್ಲಿರುವ ಚೀನಾದ ಕ್ಸಿನ್‌ಜಿಯಾಂಗ್ ಟಿಬೆಟ್ ಹೆದ್ದಾರಿಯಲ್ಲಿ ಪಯಣಿಸಿದ ರೇಂಜ್ ರೋವರ್ ಹೈಬ್ರಿಡ್, ಈ ಹಾದಿಯಲ್ಲಿ ಸಾಗಿದ ಮೊದಲ ವಿದೇಶಿ ದಾಖಲಾತಿ ಹೊಂದಿದ ಕಾರೆಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು.

ಅಂದ ಹಾಗೆ ರೇಂಜ್ ರೋವರ್ ಹೈಬ್ರಿಡ್ ಎಸ್‌ಯುವಿ ಟಿಡಿವಿ6 3.0 ಲೀಟರ್ ಟರ್ಬೊ ಎಂಜಿನ್‌ನಿಂದ ನಿಯಂತ್ರಿಸ್ಪಡುತ್ತದೆ. ಹಾಗೆಯೇ 35 ಕೆಡಬ್ಲ್ಯು ಎಲೆಕ್ಟ್ರಿಕ್ ಮೋಟಾರ್ ಸಹ ಹೊಂದಿದೆ.

ಈ ಮೂಲಕ ರೇಂಜ್ ರೋವರ್ ಹೈಬ್ರಿಡ್ ಕಾರುಗಳು ಗರಿಷ್ಠ ನಿರ್ವಹಣೆ ನೀಡುವಲ್ಲಿ ಯಶಸ್ಸನ್ನು ಕಂಡಿದೆ. ಖಂಡಿತ ಭವಿಷ್ಯದ ಸಂಚಾರದಲ್ಲಿ ಇದು ದೊಡ್ಡ ಪರಿಣಾಮ ಬೀರಲಿದೆ.

ಈ ಎಲ್ಲದರ ನಡುವೆಯೂ ಪ್ರತಿ ಲೀಟರ್‌ಗೆ 15.3 ರಿಂದ 15.7 ಕೀ.ಮೀ. ಮೈಲೇಜ್ ಕಾಪಾಡುವಲ್ಲಿ ರೇಂಜ್ ರೋವರ್ ಯಶಸ್ವಿಯಾಗಿರುವುದು ಇನ್ನೊಂದು ವಿಶೇಷವಾಗಿದೆ.

ಕೆಲವೊಂದು ಸಣ್ಣಪುಟ್ಟ ಸವಾಲುಗಳನ್ನು ಎದುರಿಸಿದನ್ನು ಬಿಟ್ಟರೆ ರೇಂಜ್ ರೋವರ್ ರಾಲಿಯು ಸಂಪೂರ್ಣ ಯಶಸ್ಸನ್ನು ಕಂಡಿತ್ತು.

ಹಾಗೆಯೇ ರೇಂಜ್ ರೋವರ್ ಹೈಬ್ರಿಡ್‌ನಲ್ಲಿ ಲಗತ್ತಿಸಲಾಗಿದ್ದ ಡಾಟಾ ಲಾಗರ್ ನೆರವಿನಿಂದ ಬ್ರಿಟನ್‌ನಲ್ಲಿ ಕಾರ್ಯನಿರತವಾಗಿದ್ದ ಎಂಜಿನಿಯರುಗಳಿಗೆ ತಾಂತ್ರಿಕ ಮಾಹಿತಿಯನ್ನು ರವಾನಿಸುತ್ತಿತ್ತು.

ಇದು ಎಲ್ಲ ತರಹದ ಭೂಪ್ರದೇಶದಲ್ಲೂ ಅತ್ಯಧಿಕ ತಾಪಮಾನದಲ್ಲೂ ಎಂಜಿನ್ ಹಾಗೂ ಟ್ರಾನ್ಸ್‌ಮಿಷನ್‌ಗಳ ಗರಿಷ್ಠ ನಿರ್ವಹಣೆಯನ್ನು ಖಾತ್ರಿಪಡಿಸುತ್ತಿದ್ದವು.

ಒಟ್ಟಿನಲ್ಲಿ ಇಂಧನ ಕ್ಷಮತೆಯಲ್ಲಿ ಯಾವುದೇ ರಾಜಿಗೂ ತಯಾರಾಗದ ರೇಂಜ್ ರೋವರ್ ಹೈಬ್ರಿಡ್ ಕಾರುಗಳು, ದೀರ್ಘ ದೂರದ ಐಷಾರಾಮಿ ಪಯಣದ ಅನುಭವನವನ್ನು ಇಡೀ ಜಗತ್ತಿಗೆ ಸಾರಿಗೆ. ಎಲ್ಲ ಯಾತ್ರಿಕರಿಗೂ ಇಂದೊಂದು ಸ್ಮರಣೀಯ ಅನುಭವವಾಗಿತ್ತು.