ಜಿನೆವಾದಲ್ಲಿ ದಿವ್ಯ ದರ್ಶನ ನೀಡಿದ ರೋಲ್ಸ್ ರಾಯ್ಸ್ ಎಂಬ ಅದ್ಭುತ

ಐಕಾನಿಕ್ ರೋಲ್ಸ್ ರಾಯ್ಸ್ ಕಾರುಗಳನ್ನು ನೋಡುವುದೇ ಮನಸ್ಸಿಗೆ ಒಂಥರ ಖುಷಿ. ನೂತನ ಸೆರೆನಿಟಿ ಮಾದರಿಯಲ್ಲೂ ಸಂಸ್ಥೆಯು ಇಂತಹದೊಂದು ರೋಚಕತೆಯನ್ನು ಕಾಯ್ದುಕೊಂಡಿದೆ.

ಇದೀಗ 2015 ಜಿನೆವಾ ಮೋಟಾರು ಶೋದಲ್ಲಿ ಭರ್ಜರಿ ಪ್ರದರ್ಶನ ಕಂಡಿರುವ ಈ ಐಷಾರಾಮಿ ಕಾರನ್ನು ತನ್ನದೇ ಗರಡಿಯಲ್ಲಿ ಕಸ್ಟಮೈಸ್ಡ್ ಮಾಡಲಾಗಿದೆ.

ನಿಜಕ್ಕೂ ರೋಲ್ಸ್ ರಾಯ್ಸ್ ಫಾಟಂ ಕಾರಿಗೆ ನೀಡಿರುವ ಹೊಸ ಸ್ಪರ್ಶ ಶ್ಲಾಘನೀಯ. ಇದು ರೋಲ್ಸ್ ರಾಯ್ಸ್ ಮಾಲಿಕರಿಗೆ ಅದ್ಭುತ ಅನುಭವ ನೀಡಲಿದೆ.

ರೋಲ್ಸ್ ರಾಯ್ಸ್ ತತ್ವಶಾಸ್ತ್ರವೇ ಸೆರೆನಿಟಿ ಕಾರಿಗೆ ಸ್ಪೂರ್ತಿದಾಯಕವಾಗಿದೆ. "ಅಂತದದೊಂದು ಸೃಷ್ಟಿ ಅಸ್ತಿತ್ವದಲ್ಲಿಲ್ಲದಿದ್ದರೆ ವಿನ್ಯಾಸಗೊಳಿಸಿ" ಎಂಬುದೇ ಇದರ ಧ್ಯೇಯವಾಗಿದೆ. ಇದರೊಂದಿಗೆ ರೋಲ್ಸ್ ರಾಯ್ಸ್ ದೀರ್ಘ ಕಾಯುವಿಕೆಗೆ ಅಂತ್ಯವಾಗಿದೆ.

ರೋಲ್ಸ್ ರಾಯ್ಸ್ ಸೆರೆನಿಟಿ ಕಾರಿನಲ್ಲಿ ರೇಷ್ಮೆ ಸ್ಪರ್ಶವನ್ನು ಅನುಭವಿಸಬಹುದಾಗಿದೆ. ವಿಶೇಷವೆಂದರೆ ಇದರ ಕೇವಲ ಒಂದು ಮಾದರಿ ಮಾತ್ರ ನಿರ್ಮಾಣವಾಗಲಿದೆ.

ಅಂದ ಹಾಗೆ ಇದರಲ್ಲಿ ವಿ12 ಎಂಜಿನ್ ಆಳವಡಿಸಲಾಗಿದ್ದು, ಎಂಟು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಕೂಡಾ ಇರಲಿದೆ.

ಒಟ್ಟಿನಲ್ಲಿ ಜಿನೆವಾದಲ್ಲಿ ಸೇರಿರುವ ರೋಲ್ಸ್ ರಾಯ್ಸ್ ಅಭಿಮಾನಿಗಳಲ್ಲಂತೂ ರೋಚಕತೆಯನ್ನು ಸೃಷ್ಟಿ ಮಾಡುವಲ್ಲಿ ಸೆರೆನಿಟಿ ಯಶಸ್ವಿಯಾಗಿದೆ.