ವ್ಯಾಗನಾರ್ 7 ಸೀಟುಗಳ ಎಂಪಿವಿ ಅನಿರೀಕ್ಷಿತ ಎಂಟ್ರಿ

ವ್ಯಾಗನಾರ್ ಫ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಾಣವಾಗಲಿರುವ ನೂತನ ಎಂಪಿವಿ, ಮೂರು ಸಾಲುಗಳ ಸಿಟ್ಟಿಂಗ್ ವ್ಯವಸ್ಥೆಯನ್ನು ಹೊಂದಿದ್ದು, ಏಳು ಜನರಿಗೆ ಆರಾಮದಾಯಕವಾಗಿ ಕುಳಿತುಕೊಳ್ಳಬಹುದಾಗಿದೆ.

ಮೂರನೇ ಸಾಲಿನಲ್ಲಿ ಆರಾಮದಾಯಕ ಸಿಟ್ಟಿಂಗ್‌ಗಾಗಿ ಕಾರಿನ ಗಾತ್ರವನ್ನು ಹೆಚ್ಚಳಗೊಳಿಸಲಾಗಿದೆ. ಹಾಗೆಯೇ ಮ್ಯಾಜಿಕಲ್ 4 ಮೀಟರ್‌ನೊಳಗೆ ಕಾರು ರಸ್ತೆ ಪ್ರವೇಶಿಸಲಿದೆ.

ಹಾಗಿದ್ದರೂ ಕಾರಿನ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಕಂಪನಿ ಹೊರಗೆಡವಿಲ್ಲ. ಸದ್ಯ ಕಾನ್ಸೆಪ್ಟ್ ಹಂತದಲ್ಲಿರುವ ಕಾರು ಇನ್ನಷ್ಟೇ ಉತ್ಪಾದಕ ವರ್ಷನ್ ಪಡೆದುಕೊಳ್ಳಬೇಕಾಗಿದೆ.

ಇಂಡೋನೇಷ್ಯಾದಲ್ಲಿ ಕಡಿಮೆ ವೆಚ್ಚದ ಹಸಿರು ಕಾರು ಯೋಜನೆಯಡಿಯಲ್ಲಿ ಗುರುತಿಸಿಕೊಳ್ಳಲಿರುವ ವ್ಯಾಗನಾರ್, ತೆರಿಗೆ ವಿನಾಯಿತಿ ಗಿಟ್ಟಿಸಿಕೊಳ್ಳಲಿದೆ.

ಸದ್ಯ ಬಂದಿರುವ ಮಾಹಿತಿಗಳ ಪ್ರಕಾರ ವ್ಯಾಗನಾರ್ ಎಂಪಿವಿ 5.3 ಲಕ್ಷ ರು.ಗಳ ಅಸುಪಾಸಿನಲ್ಲಿ ಆಗಮವಾಗುವ ಸಾಧ್ಯತೆಯಿದೆ. ಇದು ನಿಜಕ್ಕೂ ಎಂಪಿವಿ ಸೆಗ್ಮೆಂಟ್‌ನಲ್ಲಿ ಕ್ರಾಂತಿಕಾರಿ ಬೆಳವಣಿಗೆಗಳಿಗೆ ಕಾರಣವಾಗಲಿದೆ.

ಇನ್ನಷ್ಟೇ ಆಗಮನವಾಗಬೇಕಾಗಿರುವ ದಟ್ಸನ್ ಗೊ ಪ್ಲಸ್ ಕೂಡಾ ಇದೇ ಸೆಗ್ಮೆಂಟ್‌ನಲ್ಲಿ ಗುರುತಿಸಿಕೊಂಡಿದ್ದು, ನೇರ ಪೈಪೋಟಿಗೆ ಆಣಿಯಾಗಲಿದೆ.

ಸಾಮಾನ್ಯ ವ್ಯಾಗನಾರ್ 3595ಎಂಎಂ ಉದ್ದವಿದೆ. ಆದರೆ ನೂತನ ಕರಿಮೂನ್ (karimun) ವ್ಯಾಗನಾರ್ ಆರ್ 3 ಕಾನ್ಸೆಪ್ಟ್ ಇದಕ್ಕಿಂತಲೂ ಹೆಚ್ಚು ಉದ್ದವಾಗಿರಲಿದೆ.

ಆದರೆ ಮೂರನೇ ಸಾಲಿನಲ್ಲಿ ಆರಾಮದಾಯಕ ಸಿಟ್ಟಿಂಗ್ ವ್ಯವಸ್ಥೆಯಿರಲಿದೆಯೇ ಎಂಬುದು ಇನ್ನೂ ಸಂಶಯಕ್ಕೆ ಕಾರಣವಾಗಿದೆ. ಯಾಕೆಂದರೆ ಇದು ಇಕ್ಕಟ್ಟಾಗಿ ಗೋಚರವಾಗುತ್ತಿದ್ದು, ಮಕ್ಕಳಿಗೆ ಮಾತ್ರ ಹೆಚ್ಚು ಆರಾಮದಾಯಕವೆನಿಸಲಿದೆ.

ವ್ಯಾಗನಾರ್ ನೂತನ ಎಂಪಿವಿ ಮುಂದಿನ ವರ್ಷ ಭಾರತ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಇದು ಎರ್ಟಿಗಾ ಲೈಫ್ ಯುಟಿಲಿಟಿ ವೆಹಿಕಲ್ ಕೆಳಗಡೆ ಗುರುತಿಸಿಕೊಳ್ಳಲಿದೆ.