ಬರುತ್ತಿದೆ ಫೋಕ್ಸ್‌ವ್ಯಾಗನ್ ನೂತನ ಬಜೆಟ್ ಕಾರು ಬ್ರಾಂಡ್

ಗುಣಮಟ್ಟತೆ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಬಜೆಟ್ ಕಾರಿಗಿಂತಲೂ ಹೆಚ್ಚು ಖರ್ಚು ಮಾಡಬೇಕಾಗಿರುವುದು ಅನಿವಾರ್ಯ ಎಂಬುದು ಸಂಸ್ಥೆಗೆ ಮನವರಿಕೆಯಾಗಿತ್ತು.

ಆದರೆ ಮುಂದುವರಿದ ಬೆಳವಣಿಗೆಯಲ್ಲಿ ಕಾರ್ಯಸಾಧ್ಯವಾದ ಪ್ರಸ್ತಾಪವನ್ನು ಮುಂದುವರಿಸಲಿದ್ದು, ಅನುಮೋದನೆಗಾಗಿ ಕಾಯುತ್ತಿದೆ. ಅಂದರೆ ಎಲ್ಲವೂ ಅಂದುಕೊಂಡತೆ ನಡೆದ್ದಲ್ಲಿ ಪೋಕ್ಸ್‌ವ್ಯಾಗನ್‌ಗೆ ನೂತನ ಬಜೆಟ್ ಕಾರು ಬ್ರಾಂಡ್‌ ಸೇರ್ಪಡೆಯಾಗಲಿದೆ.

ಇದರೊಂದಿಗೆ ಫೋಕ್ಸ್‌ವ್ಯಾಗನ್ ಉಪ ಬ್ರಾಂಡ್‌ಗಳ ಸಂಖ್ಯೆ 13ಕ್ಕೆ ಏರಿಕೆಯಾಗಲಿದೆ. ಈ ಯೋಜನೆಗೆ ಅನುಮೋದನೆ ದೊರಕಿದ್ದಲ್ಲಿ 2016 ಅಥವಾ 2017ನೇ ಸಾಲಿನ ವರ್ಷಾರಂಭದಲ್ಲಿ ಎಲ್ಲ ಹೊಸತನದಿಂದ ಕೂಡಿದ ನೂತನ ಬ್ರಾಂಡ್ ಪರಿಚಯವಾಗಲಿದೆ.

ವರದಿಗಳ ಪ್ರಕಾರ ಫೋಕ್ಸ್‌ವ್ಯಾಗನ್ ಮೊದಲ ಬಜೆಟ್ ಕಾರು ಚೀನಾದಲ್ಲಿ ಉತ್ಪಾದನೆಯಾಗಲಿದೆ. ಇದಕ್ಕಾಗಿ ಅಲ್ಲಿನ ಸ್ಥಳೀಯ ಪಾಲುದಾರಿಕೆ ಹೊಂದಿರುವ ಎಸ್‌ಎಐಸಿ ಮತ್ತು ಎಫ್‌ಎಡಬ್ಲ್ಯು ನೆರವನ್ನು ಪಡೆಯಲಿದೆ.

ಅಂದ ಹಾಗೆ ಫೋಕ್ಸ್‌ವ್ಯಾಗನ್ ಬಜೆಟ್ ಕಾರುಗಳು ಐದರಿಂದ ಆರು ಲಕ್ಷ ರು.ಗಳಷ್ಟಿರಲಿದೆ. ಇದು ಕೇವಲ ಚೀನಾ ಮಾತ್ರವಲ್ಲ; ಭಾರತ ಸೇರಿದಂತೆ ಬೆಳೆದು ಬರುತ್ತಿರುವ ಏಷ್ಯಾ, ಲ್ಯಾಟಿನ್ ಅಮೆರಿಕಾ ಹಾಗೂ ಇತರ ಯುರೋಪ್ ರಾಷ್ಟ್ರಗಳಿಗೂ ಗುರಿಯಾಗಿರಿಸಿಕೊಳ್ಳಲಿದೆ.

ಸದ್ಯ ಫೋಕ್ಸ್‌ವ್ಯಾಗನ್ ಪೈಕಿ ದೇಶದಲ್ಲಿ ಅತ್ಯಂತ ಕಡಿಮೆ ದರದಲ್ಲಿ ಮಾರಾಟಕ್ಕೆ ಲಭ್ಯವಾಗುವ ಕಾರೆಂದರೆ ಪೊಲೊ. ಈ ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ಆರಂಭಿಕ ದರ ಆರು ಲಕ್ಷ ರು.ಗಳಷ್ಟು ದುಬಾರಿಯಾಗಿದೆ. ಹಾಗಾಗಿ ಬಜೆಟ್ ಕಾರು ಪರಿಚಯವಾದ್ದಲ್ಲಿ ದೇಶದ ಮಾರುಕಟ್ಟೆ ದೃಷ್ಟಿಕೋನದಲ್ಲಿ ಉತ್ತಮ ಬೆಳವಣಿಗೆಯಾಗಿರಲಿದೆ.