ಫೋಕ್ಸ್‌ವ್ಯಾಗನ್ ಗಾಲ್ಫ್ ಜಿಟಿಇ ಹೈಬ್ರಿಡ್ ಕಾರು

ಗಾಲ್ಫ್ ಜಿಟಿಇ ಕಾರಿನ ತೂಕವು ಫೋಕ್ಸ್‌ವ್ಯಾಗನ್ ಸಂಸ್ಥೆಯನ್ನು ಕಾಡುತ್ತಿರುವ ಪ್ರಮುಖ ಸಮಸ್ಯೆಯಾಗಿತ್ತು. ಇದು 1,524 ಕೆ.ಜಿಗಳಷ್ಟು ಭಾರ ಹೊಂದಿದೆ. ಆದರೆ ತಯಾರಕರ ಪ್ರಕಾರ ಒಮ್ಮೆ ಸಂಪೂರ್ಣ ಟ್ಯಾಂಕ್ ಭರ್ತಿ ಮಾಡಿದರೆ 583 ಮೈಲ್ ವರೆಗೆ ಸರಾಗವಾಗಿ ಚಲಿಸಬಹುದಾಗಿದೆ.

ಇದು 1.4 ಲೀಟರ್ 150 ಪಿಎಸ್ ಟಿಎಸ್‌ಐ ಡೈರಕ್ಟ್ ಇಂಜೆಕ್ಷನ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು ಜಂಟಿಯಾಗಿ 204 ಪಿಎಸ್ ಪವರ್ ಉತ್ಪಾದಿಸಲಿದೆ.

ಫೋಕ್ಸ್‌ವ್ಯಾಗನ್ ಗಾಲ್ಫ್ ಜಿಟಿಇ

ಮುಂದುಗಡೆಯಿಂದ ನೋಡುವಾಗ ನೂತನ ಗಾಲ್ಫ್ ಜಿಟಿಇ ಕೂಡಾ ಜಿಟಿಐ ಮತ್ತು ಜಿಟಿಡಿ ಆವೃತ್ತಿಗಳಿಗೆ ಸಮಾನವಾದ ವಿನ್ಯಾಸ ಪಡೆದುಕೊಂಡಿದೆ. ಹಾಗಿದ್ದರೂ ಸಿ ಆಕಾರದ ಎಲ್‌ಇಡಿ ಲೈಟ್ ಈ ಕಾರನ್ನು ಪ್ರತ್ಯೇಕಿಸಲಿದೆ.

ಇನ್ನು ಕಾರಿನ ಹಿಂದುಗಡೆಯೂ ಹೆಚ್ಚಿನ ಬದಲಾವಣೆ ತರಲಾಗಿಲ್ಲ. ಆದರೆ ಟೈಲ್ ಲೈಟ್ ಮತ್ತು ಡಬಲ್ ಬ್ಯಾರೆಲ್ ಎಕ್ಸಾಸ್ಟ್ ಹೆಚ್ಚು ಕ್ರೀಡಾತ್ಮಕ ಲುಕ್ ಪ್ರದಾನ ಮಾಡುತ್ತಿದೆ.

ಒಟ್ಟಿನಲ್ಲಿ ಹೇಳಬೇಕೆಂದರೆ ವಿನ್ಯಾಸದ ವಿಚಾರದಲ್ಲಿ ಈಗಿರುವ ಜಿಟಿಇ ಆವೃತ್ತಿಗಿಂತ ಹೆಚ್ಚಿನ ಬದಲಾವಣ ತರಲಾಗಿಲ್ಲ. ಆದರೆ ಶಕ್ತಿಯುತ ಹಾಗೂ ಗುಣಮಟ್ಟಕ್ಕೆ ಆದ್ಯತೆ ಕೊಡಲಾಗಿದೆ.

ಹಾಗೆಯೇ ಕಾರಿನ ಒಳಭಾಗವು ಶುಭ್ರವಾಗಿ ಗೋಚರಿಸುತ್ತಿದೆ. ಇಲ್ಲಿ 6.5 ಟಚ್‌ಸ್ಕ್ರೀನ್ ಪರದೆ ಸ್ಟಾಂಡರ್ಡ್ ಆಗಿ ದೊರಕಲಿದೆ. ಜತೆಗೆ ಐಷಾರಾಮಿ ಸೌಲಭ್ಯಗಳು ನಿಮ್ಮ ಹರಸಿಕೊಂಡು ಬರಲಿದೆ.

ಬ್ಯಾಟರಿ ಸಾಮರ್ಥ್ಯ

ನೂತನ ಗಾಲ್ಫ್ ಜಿಟಿಇ ಬ್ಯಾಟರಿ ಸಂಪೂರ್ಣ ಚಾರ್ಜ್ ಮಾಡಿಸಲು 3.5 ತಾಸು ತಗುಲಲಿದೆ. ಇದನ್ನು ಮನೆಯ ಸಾಮಾನ್ಯ ಪ್ಲಗ್ ಸಾಕೆಟ್‌ನಿಂದಲೇ ಚಾರ್ಜ್ ಮಾಡಿಸಬಹುದಾಗಿದೆ.

ಅಂತೆಯೇ ಅತಿ ವಿಶಿಷ್ಟ ಇ ಬಟನ್ ಲಗತ್ತಿಸಲಾಗಿದ್ದು, ಇದು ಹೊಗೆ ರಹಿತ ಪಯಣಯನ್ನು ಪ್ರೋತ್ಸಾಹಿಸಲಿದೆ. ಇದರಲ್ಲಿ ಜಿಟಿಇ ಡ್ರೈವ್ ಮೋಡ್ ಕೂಡಾ ಇದ್ದು, ಕ್ರೀಡಾತ್ಮಕ ಹಾಗೂ ರೋಮಾಂಚಕ ಚಾಲನೆಯ ಅನುಭವ ನೀಡಲಿದೆ.

ಪ್ರಸಕ್ತ ಸಾಲಿನಲ್ಲೇ ಗಾಲ್ಫ್ ಜಿಟಿಇ ಹೈಬ್ರಿಡ್ ಕಾರು ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದ್ದು, ಆಗಸ್ಟ್ ತಿಂಗಳಿಂದ ಬುಕ್ಕಿಂಗ್ ಪ್ರಕ್ರಿಯೆ ಆರಂಭವಾಗಲಿದೆ. ಇನ್ನು ದರದ ಬಗ್ಗೆ ಮಾತನಾಡುವುದಾದ್ದಲ್ಲಿ 30 ಲಕ್ಷಗಿಂತಲೂ ಹೆಚ್ಚು ದುಬಾರಿಯೆನಿಸಲಿದೆ.