ಕಾರಿನ ಸ್ಟೀಯರಿಂಗ್ ವ್ಹೀಲ್ ಶೇಕ್ ಆಗಲು ಕಾರಣಗಳಿವು

ಒಂದು ವೇಳೆ ಸ್ಟೀಯರಿಂಗ್ ವ್ಹೀಲ್ ಅಲುಗಾಡುತ್ತಿರುವುದು ಗಮನಕ್ಕೆ ಬಂದರೆ ಪರಿಸ್ಥಿತಿ ಹದಗೆಡುವ ಮೊದಲು ಅದನ್ನು ಸರಿಪಡಿಸುವುದು ಒಳ್ಳೆಯದು. ಕಾರಿನ ಸ್ಟೀಯರಿಂಗ್ ವ್ಹೀಲ್ ಅಲುಗಾಡಲು ಹಲವು ಕಾರಣಗಳಿರುತ್ತವೆ. ಆ ಕಾರಣಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.

ಟಯರ್ ಜೋಡಣೆ

ಕಾರಿನ ಟಯರ್‌ಗಳನ್ನು ಸರಿಯಾಗಿ ಜೋಡಿಸದಿದ್ದರೆ ಸ್ಟೀಯರಿಂಗ್ ವ್ಹೀಲ್ ಅಲುಗಾಡಬಹುದು. ಸ್ಟೀರಿಂಗ್ ವೀಲ್ ಅಲುಗಾಡಲು ಇದು ಪ್ರಮುಖ ಕಾರಣವಾಗಿದೆ. ಟಯರ್‌ಗಳ ಜೋಡಣೆ ಸರಿಯಾಗಿಲ್ಲದಿದ್ದರೆ ಕಾರು ಕಡಿಮೆ ವೇಗದಲ್ಲಿ ಚಲಿಸುವಾಗ ಸ್ಟೀಯರಿಂಗ್ ವ್ಹೀಲ್ ಅಲುಗಾಡುವುದಿಲ್ಲ.

ಕಾರು ಹೆಚ್ಚು ವೇಗದಲ್ಲಿ ಚಲಿಸುವಾಗ ಮಾತ್ರ ಸ್ಟೀಯರಿಂಗ್ ವ್ಹೀಲ್ ಅಲುಗಾಡುತ್ತದೆ. ಗಂಟೆಗೆ 85 ಕಿ.ಮೀ ಅಥವಾ ಅದಕ್ಕಿಂತ ಹೆಚ್ಚಿನ ವೇಗದಲ್ಲಿ ಚಲಿಸುವಾಗ, ಸ್ಟೀಯರಿಂಗ್ ವ್ಹೀಲ್ ಅಲುಗಾಡಬಹುದು.

ನೀವು ಈ ಸಮಸ್ಯೆಯನ್ನು ಎದುರಿಸಿದರೆ ಎಲ್ಲಾ ಟಯರ್‌ಗಳ ಜೋಡಣೆ ಸರಿಯಾಗಿದೆಯೇ ಎಂಬುದನ್ನು ಪರೀಕ್ಷಿಸಿ. ಜೊತೆಗೆ ಟಯರ್‌ಗಳಲ್ಲಿನ ಥ್ರೆಡ್ ಅನ್ನು ಪರಿಶೀಲಿಸಿ. ದೊಡ್ಡ ಸಮಸ್ಯೆಗಳಿದ್ದರೆ ಟಯರ್‌ಗಳನ್ನು ಬದಲಾಯಿಸುವುದು ಸೂಕ್ತ.

ಇದರಿಂದ ಕಾರು ಸುಗಮವಾಗಿ, ಸುರಕ್ಷಿತವಾಗಿ ಚಲಿಸಲು ಸಾಧ್ಯವಾಗುತ್ತದೆ. ಟಯರ್‌ಗಳು ಸರಿಯಾಗಿದ್ದು, ಸಮಸ್ಯೆ ಇನ್ನೂ ಮುಂದುವರೆದರೆ ಆಕ್ಸಲ್'ಗೆ ಹಾನಿಯಾಗಿರುವ ಸಾಧ್ಯತೆಗಳಿರುತ್ತವೆ.

ಇದು ಟಯರ್ ಹಾಗೂ ಸ್ಟೀಯರಿಂಗ್ ವ್ಹೀಲ್ ಸರಿಯಾಗಿ ಕಾರ್ಯನಿರ್ವಹಿಸುವುದನ್ನು ತಡೆಯುತ್ತದೆ. ಸ್ಟೀಯರಿಂಗ್ ವ್ಹೀಲ್'ನಲ್ಲಿ ಹಠಾತ್ ಎಳೆತ ಕಂಡು ಬಂದರೆ ದೊಡ್ಡ ಸಮಸ್ಯೆಗೆ ಕಾರಣವಾಗಬಹುದು.

ಬ್ರೇಕ್ ರೋಟರ್

ಬ್ರೇಕ್‌ ಹಾಕಿದಾಗ ಸ್ಟೀಯರಿಂಗ್ ವ್ಹೀಲ್ ಹೆಚ್ಚು ಅಲುಗಾಡಿದರೆ ಬ್ರೇಕ್ ರೋಟರ್‌ಗಳಲ್ಲಿ ಸಮಸ್ಯೆ ಇರಬಹುದು. ಬ್ರೇಕ್ ರೋಟರ್‌ಗಳು ತಮ್ಮ ಆಕಾರವನ್ನು ಕಳೆದು ಕೊಳ್ಳುತ್ತಿದ್ದು, ಹಾನಿಗೊಳಗಾಗುತ್ತಿವೆ ಎಂದು ತಿಳಿಯಬಹುದು.

ಈ ರೀತಿಯಾದರೆ ಬ್ರೇಕ್ ಪೆಡಲ್ ಮೇಲೆ ಕಾಲು ಹಾಕಿದಾಗಲೆಲ್ಲಾ ವೈಬ್ರೇಷನ್ ಅನ್ನು ಗಮನಿಸಬಹುದು. ವಾಹನಗಳಲ್ಲಿ ಬ್ರೇಕ್ ಅಗತ್ಯವಾಗಿರುವ ಕಾರಣ ಈಸಮಸ್ಯೆಯನ್ನು ತಕ್ಷಣವೇ ಸರಿಪಡಿಸಿಕೊಳ್ಳುವುದು ಬಹಳ ಮುಖ್ಯ.

ಹೊಸ ಬ್ರೇಕ್ ಅಳವಡಿಸಿದರೂ ವೈಬ್ರೇಷನ್ ಕಂಡು ಬಂದರೆ ರೋಟಾರ್‌ಗಳನ್ನು ಸರಿಯಾಗಿ ಅಳವಡಿಸಲ್ಲವೆಂದು ಅರ್ಥ. ಈ ಸಮಸ್ಯೆ ಕಂಡು ಬಂದರೆ ತಕ್ಷಣವೇ ವಾಹನವನ್ನು ಮೆಕ್ಯಾನಿಕ್ ಬಳಿ ಕೊಂಡೊಯ್ಯಿರಿ.