ಹ್ಯುಂಡೈ ಹೊರತರಲಿದೆ ಎಲಂಟ್ರಾ ಮತ್ತು ಸೊನಾಟಾ

"ನಾವು ಪ್ರೀಮಿಯಂ ಕಾರು ಮಾರುಕಟ್ಟೆಯೊಳಗೆ ಹೊಸ ಎರಡು ಕಾರುಗಳ ಮೂಲಕ ಈ ವರ್ಷ ಪ್ರವೇಶಿಸಲಿದ್ದೇವೆ" ಎಂದು ಹ್ಯುಂಡೈ ಮೋಟರ್ ಇಂಡಿಯಾದ ನಿರ್ದೇಶಕರಾದ ಅರವಿಂದ್ ಸಕ್ಸೆನಾ ಹೇಳಿದ್ದಾರೆ.

ಕೊರಿಯಾದ ಕಾರು ಕಂಪನಿ ಹ್ಯುಂಡೈ ಸೊನಾಟಾ ಕಾರನ್ನು ಫೆಬ್ರವರಿ ತಿಂಗಳ ಅಂತ್ಯದಲ್ಲಿಯೇ ಪರಿಚಯಿಸಲಿದೆ. ಈ ಕಾರು ಹೋಂಡಾ ಸಿವಿಕ್, ಟೊಯೊಟಾ ಕೊರೊಲಾ, ಜಿಎಂ ಕ್ರೂಝ್ ಮತ್ತು ಫೋಕ್ಸ್ ವ್ಯಾಗನ್ ಜೆಟ್ಟಾ ಕಾರುಗಳಿಗೆ ಪೈಪೋಟಿ ನೀಡುವ ನಿರೀಕ್ಷೆಯಿದೆ. ನೂತನ ಎಲಂಟ್ರಾ ಕಾರಿನ ದರ ಸುಮಾರು 10-13 ಲಕ್ಷ ರುಪಾಯಿ ಆಸುಪಾಸಿನಲ್ಲಿರುವ ನಿರೀಕ್ಷೆಯಿದೆ.

ಈಗಾಗಲೇ ಪಸ್ಸಾಟ್, ಹೋಂಡಾ ಅಕಾರ್ಡ್ ಮತ್ತು ಹೋಂಡಾ ಸೂಪರ್ಬ್ ಕಾರುಗಳು ಪ್ರೀಮಿಯಂ ಕಾರು ಮಾರುಕಟ್ಟೆಯನ್ನು ಆಳುತ್ತಿದೆ. ಈ ಸೆಗ್ಮೆಂಟಿನಲ್ಲಿ ಪ್ರತಿ ವರ್ಷ ಸುಮಾರು 15 ಸಾವಿರದಷ್ಟು ಪ್ರೀಮಿಯಂ ಕಾರುಗಳು ಮಾರಾಟವಾಗುತ್ತಿವೆ.