ಟಾಟಾ ನೆಕ್ಸಾನ್‌ ಸನ್‌ರೂಫ್‌ ಮೇಲೆ ಮಗುವನ್ನು ಕುಳ್ಳಿರಿಸಿದ ಭೂಪ: ಈ ತಪ್ಪು ಮಾತ್ರ ಯಾರೂ ಮಾಡಬೇಡಿ!

ಭಾರತೀಯರಲ್ಲಿ ಹಲವರಿಗೆ ಯಾವುದನ್ನು ಹೇಗೆ ಮತ್ತು ಎಲ್ಲಿ ಉಪಯೋಗಿಸಬೇಕು ಎಂಬ ಸಾಮಾನ್ಯ ಜ್ಞಾನ ಇರುವುದಿಲ್ಲ. ಅದರಲ್ಲೂ ಕಾರಲ್ಲಿರುವ ಹಲವು ಫೀಚರ್‌ಗಳನ್ನು ದುರುಪಯೋಗ ಪಡಿಸಿಕೊಳ್ಳುವವರೇ ಹೆಚ್ಚು. ನಮ್ಮಲ್ಲಿ ಹಲವರು ಈಗ ಕಾರು ತೆಗೆದುಕೊಳ್ಳುವಾಗ ಅದರಲ್ಲಿ ಸನ್‌ರೂಫ್‌ ಇರುವುದನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಚಲಿಸುತ್ತಿರುವಾಗ ಸನ್‌ರೂಫ್‌ ಅನ್ನು ತೆರೆದು ಅದರಲ್ಲಿ ತಲೆ ಹೊರಗೆ ಹಾಕಿ ಖುಷಿ ಪಡುವುದನ್ನು ನಾವು ಸಾಕಷ್ಟು ಕಡೆ ನೋಡಿದ್ದೇವೆ. ಹೀಗೆ ಮಾಡುವುದು ಕಾನೂನು ಬಾಹಿರ ಎಂದು ಗೊತ್ತಿದ್ದರೂ ಹಲವರು ಇದನ್ನು ಅನುಸರಿಸುತ್ತಲೇ ಇರುತ್ತಾರೆ ಎಂಬುದನ್ನು ನಾವಿಲ್ಲಿ ವಿಶೇಷವಾಗಿ ಹೇಳಬೇಕಿಲ್ಲ.

ಸನ್‌ರೂಫ್‌ ಒಂದು ಕಾಲದಲ್ಲಿ ಐಷಾರಾಮಿ ಕಾರುಗಳಲ್ಲಿ ಮಾತ್ರ ನೀಡಲಾಗುವ ಪ್ರೀಮಿಯಂ ವೈಶಿಷ್ಟ್ಯವಾಗಿತ್ತು. ಆದಾಗ್ಯೂ, ವರ್ಷಗಳಲ್ಲಿ, ಇದು ಕೈಗೆಟುಕುವ ಕಾರುಗಳಲ್ಲಿಯೂ ಲಭ್ಯವಿದೆ. ಸನ್‌ರೂಫ್ ಹೊಂದಿರುವ ಕಾರುಗಳನ್ನು ಖರೀದಿಸಿದ ಹೆಚ್ಚಿನ ಗ್ರಾಹಕರಿಗೆ ಅವುಗಳನ್ನು ಸರಿಯಾಗಿ ಬಳಸುವುದು ಹೇಗೆ ಎಂದು ತಿಳಿದಿರುವುದಿಲ್ಲ. ಹೆಚ್ಚಿನವರು ಕಾರು ಚಲಿಸುತ್ತಿರುವಾಗ ಎದ್ದು ಕಾಣಲು ಇದನ್ನು ಬಳಸುತ್ತಾರೆ.

ಇಲ್ಲೊಂದು ಕಡೆ 5-ಸ್ಟಾರ್ ಸೇಫ್ಟಿ ರೇಟಿಂಗ್‌ ಟಾಟಾ ನೆಕ್ಸಾನ್ ಇವಿ ಖರೀದಿಸಿದ ವ್ಯಕ್ತಿಯೊಬ್ಬರು ತನ್ನ ಮಗುವನ್ನು ಚಾಲನೆ ಮಾಡುವಾಗ ಎಸ್ಯುವಿಯ ಛಾವಣಿಯ ಮೇಲೆ ಕುಳಿತುಕೊಳ್ಳುವಂತೆ ಮಾಡಿದ ವೀಡಿಯೊವನ್ನು ಒಂದು ವೈರಲ್‌ ಆಗುತ್ತಿದೆ. ಇದು ಹೇಗಿದೆ ಎಂದರೆ ನೋಡಿದರೆ ನಮಗೇನೆ ಭಯವಾಗುವ ರೀತಿಯಲ್ಲಿದೆ.

ಈ ವೀಡಿಯೊದಲ್ಲಿ, ಟಾಟಾ ನೆಕ್ಸಾನ್ ಇವಿ ಬೆಂಗಳೂರಿನ ಜನನಿಬಿಡ ರಸ್ತೆಗಳಲ್ಲಿ ಚಲಿಸುತ್ತಿರುವುದನ್ನು ನಾವು ನೋಡುತ್ತೇವೆ. ಇದು ಪ್ರಿ-ಫೇಸ್‌ಲಿಫ್ಟ್ ಆವೃತ್ತಿಯಾಗಿದ್ದು, ವೀಡಿಯೊದಲ್ಲಿ, ಸನ್‌ರೂಫ್‌ನಿಂದ ಎಸ್‌ಯುವಿಯ ಛಾವಣಿಯ ಮೇಲೆ ಮಗು ಕುಳಿತಿರುವುದನ್ನು ನಾವು ಕಾಣಬಹುದಾಗಿದೆ. ವೀಡಿಯೊವನ್ನು ಆನ್ ‌ಲೈನ್‌ನಲ್ಲಿ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಲಾಗಿದೆ.

ನಾವೆಲ್ಲರೂ ಕಾರಿನ ಸನ್‌ರೂಫ್ ಮೇಲೆ ನಿಂತಿರುವ ಮಕ್ಕಳನ್ನು ನೋಡಿದ್ದೇವೆ, ಆದರೆ ಇಲ್ಲಿ ಇದು ನೋಡುವವರೇ ಹೆದರುವ ರೀತಿಯಲ್ಲಿ - ಸನ್‌ರೂಫ್ ಮೇಲೆ ಕುಳಿತಿರುವ ಮಗು! ಇಂತಹ ಸಂಧರ್ಭದಲ್ಲಿ ಡ್ರೈವರ್‌ ಏನಾದರೂ ಹಠಾತ್‌ ಬ್ರೇಕ್‌ ಹಾಕಿದರೆ ಮಗು ಮುಂದಕ್ಕೆ ಬೀಳುವುದು ಖಂಡಿತಾ. ನೀವು ಈ ರೀತಿ ಮಾಡಬೇಡಿ ಎಂಬ ತಲೆಬರಹವನ್ನು ಕಾಣಬಹುದು.

ನೆಕ್ಸಾನ್‌ ಇವಿ ಬಗ್ಗೆ ನೋಡುವುದಾದರೆ ಪ್ರೈಮ್‌ನಲ್ಲಿ ನಿಮಗೆ 30.2kWh ಬ್ಯಾಟರಿ ಪ್ಯಾಕ್‌ ಸಿಗಲಿದ್ದು, ಈ ಕಾರಿನಲ್ಲಿ ಸುಮಾರು 129 ಹೆಚ್‌ಪಿ ಎಲೆಕ್ಟ್ರಿಕ್‌ ಮೋಟಾರ್‌ ಸಿಗುತ್ತದೆ. ARAI ಪ್ರಕಾರ ಈ ಕಾರು 312 ಕಿಮೀ ರೇಂಜ್‌ ನೀಡುತ್ತದೆ. ಅದೇ ರೀತಿ ಸುಮಾರು 143 ಹೆಚ್‌ಪಿ ಮೋಟಾರ್‌ ಜೊತೆಗೆ ಬರುವ ಟಾಟಾ ನೆಕ್ಸಾನ್‌ ಇವಿ ಮ್ಯಾಕ್ಸ್ ARAI ಪ್ರಕಾರ‌ ಸುಮಾರು 437 ಕಿಮೀ ರೇಂಜ್‌ ಅನ್ನು ನೀಡುತ್ತದೆ.

ಇನ್ನು ಹೊಸ ನೆಕ್ಸಾನ್‌ ಫೇಸ್‌ಲಿಫ್ಟ್‌ನ ವಿಶೇಷತೆಗಳನ್ನು ನೋಡುವುದಾದರೆ, ನೆಕ್ಸಾನ್ ಇವಿಯೂ ಕಂಪನಿಯ ಕರ್ವ್ವ್ (ಕಾನ್ಸೆಪ್ಟ್) ಎಸ್‌ಯುವಿಯ ವಿನ್ಯಾಸವನ್ನು ಆಧರಿಸಿದೆ. ಅತ್ಯಾಧುನಿಕ ಸ್ಲಿಕ್ ಸ್ಪ್ಲಿಟ್ ಹೆಡ್‌ಲ್ಯಾಂಪ್, ಎಲ್ಇಡಿ ಲೈಟ್ ಸ್ಟ್ರಿಪ್‌, ನೂತನ ಕನೆಕ್ಟ್ದ್ ರೇರ್ ಲೈಟ್ಸ್, ರೂಫ್-ಮೌಂಟೆಡ್ ಸ್ಪಾಯ್ಲರ್ ಅನ್ನು ಒಳಗೊಂಡಿದೆ. ಜೊತೆಗೆ, ಎಂಪವರ್ಡ್ ಆಕ್ಸೈಡ್, ಪ್ರಿಸ್ಟಿನ್ ವೈಟ್ ಫ್ಲೇಮ್ ರೆಡ್ ಸೇರಿದಂತೆ ಏಳು ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿದೆ.

ಈ ಕಾರು, ಯುವ ಗ್ರಾಹಕರನ್ನು ಆಕರ್ಷಿಸುವ ವೈಶಿಷ್ಟ್ಯಗಳನ್ನು ಪಡೆದಿದ್ದು, ಮುಖ್ಯವಾಗಿ 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 10.25-ಇಂಚಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಸ್ಟೀರಿಂಗ್-ಮೌಂಟೆಡ್ ಪ್ಯಾಡಲ್ ಶಿಫ್ಟರ್, 360-ಡಿಗ್ರಿ ಕ್ಯಾಮೆರಾ, ಬ್ಲೈಂಡ್ ಸ್ಪಾಟ್ ಮಾನಿಟರ್, ವೈರ್‌ಲೆಸ್ ಸ್ಮಾರ್ಟ್‌ಫೋನ್ ಚಾರ್ಜರ್, ವಾಯ್ಸ್ ಕಮಾಂಡ್ ಫಂಕ್ಷನ್, ಏರ್ ಪ್ಯೂರಿಫೈಯರ್, JBL ಆಡಿಯೊ ಸಿಸ್ಟಮ್ ಮತ್ತು ಸನ್‌ರೂಫ್ ಅನ್ನು ಹೊಂದಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.