ಪೋರ್ಷೆಗೆ ಮತ್ತಷ್ಟು ಕಗ್ಗಂಟ್ಟು; ವಾಕರ್ ಸಾವಿನ ಪ್ರಕರಣಕ್ಕೆ ಮರುಜೀವ

ಈಗ ಫಾಸ್ಟ್ ಆ್ಯಂಡ್ ಫ್ಯೂರಿಯಸ್ ನಾಯಕನ ಅಪ್ಪ ಕೂಡಾ ಇದಕ್ಕೆ ಸಮಾನವಾದ ಆರೋಪಗಳೊಂದಿಗೆ ಮುಂದೆ ಬಂದಿದ್ದು, ಪೋರ್ಷೆ ಕಡೆಗಣನೆಯಿಂದಾಗಿ ನಡೆಯಬಾರದ ದುರಂತ ನಡೆದು ಹೋಗಿದೆ ಎಂದು ಆಪಾದಿಸಿದ್ದಾರೆ.

ಅಪಘಾತದ ವೇಳೆ ಪಾಲ್ ವಾಕರ್ ಸಂಚರಿಸುತ್ತಿದ್ದ ಪೋರ್ಷೆ ಕರೆರಾ ಜಿಟಿ ಕಾರಿನಲ್ಲಿ ಅಗತ್ಯ ಸುರಕ್ಷಾ ಮಾನದಂಡಗಳನ್ನು ಪಾಲಿಸಲಾಗಿಲ್ಲ. ಇಲ್ಲವಾದ್ದಲ್ಲಿ ವಾಕರ್ ಜೀವವನ್ನು ರಕ್ಷಿಸಬಹುದಾಗಿತ್ತು ಎಂದು ತಂದೆಯವರು ದಾಖಲಿಸಿದ ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಹಿನ್ನೆಲೆ

2013ರಲ್ಲಿ ಸ್ನೇಹಿತ ರೋಜರ್ ರೋಡಾಸ್ ಜೊತೆ ಸಹ ಪ್ರಯಾಣಿಕನಾಗಿ ಪ್ರಯಾಣಿಸುತ್ತಿದ್ದ ಪಾಲ್ ವಾಕರ್ ಅವರ 2005 ಪೋರ್ಷೆ ಕರೆರಾ ಜಿಟಿ ಅಮಿತ ವೇಗದಿಂದಾಗಿ ನಿಯಂತ್ರಣ ತಪ್ಪಿ ರಸ್ತೆ ಬದಿಯಲ್ಲಿದ್ದ ಕಂಬಕ್ಕೆ ಬಲವಾಗಿ ಢಿಕ್ಕಿ ಹೊಡೆದ ಪರಿಣಾಮ ಬೆಂಕಿ ಹೊತ್ತಿಕೊಂಡಿದ್ದ ಪರಿಣಾಮ ಸ್ಥಳದಲ್ಲೇ ಇರ್ವರು ಸಾವನ್ನಪ್ಪಿದ್ದರು

ವಾಕರ್ ಅಪ್ಪ ದಾಖಲಿಸಿರುವ ದೂರಿನಲ್ಲಿ ಪೋರ್ಷೆ ಕರೆರಾ ಜಿಟಿ ಕಾರಿನಲ್ಲಿ ಸ್ಥಿರತೆ ನಿಯಂತ್ರಣ ವ್ಯವಸ್ಥೆ, ಸೈಡ್ ಡೋರ್ ಬಲವರ್ಧನೆ ಮುಂತಾದ ಭದ್ರತಾ ವೈಶಿಷ್ಟ್ಯಗಳ ವೈಫಲ್ಯ ಅನುಭವಿಸಿದೆ ಎಂದಿದ್ದಾರೆ.

ಈಗ ಪೋರ್ಷೆ ಭದ್ರತಾ ದೋಷದ ಬಗ್ಗೆ ನಿಖರ ತನಿಖೆಯಾಗುವುಗುದು ಬಹುತೇಕ ಖಚಿತವೆನಿಸಿದೆ. ಇಲ್ಲಿ ಪೋರ್ಷೆ ನಿಜಕ್ಕೂ ಲೋಪ ಎಸಗಿದೆಯೇ ಎಂಬುದಕ್ಕೆ ಮುಂದಿನ ದಿನಗಳಲ್ಲಿ ಸ್ಪಷ್ಟ ಉತ್ತರ ದೊರಕಲಿದೆ.