ಅನಂತ್ ಅಂಬಾನಿ ಮದುವೆಗೆ ದುಬಾರಿ ಗಿಫ್ಟ್: ಇದು ಸಾಮಾನ್ಯ SUV ಅಲ್ಲ... ಬೆಲೆ ಕೇಳಿದ್ರೆ ಶಾಕ್ ಆಗ್ತೀರಾ!

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಮದುವೆ ಇಡೀ ದೇಶದಲ್ಲಿ ಭಾರೀ ಸದ್ದು ಮಾಡಿದೆ. ವಿಶ್ವದಲ್ಲೇ ಅತ್ಯಂತ ದುಬಾರಿ ಮದುವೆ ಎಂದು ಕೂಡ ಹೇಳಲಾಗುತ್ತಿದೆ. ಮದುವೆಗೆ ಬಂದ ಅಥಿತಿಗಳು ಕೋಟ್ಯಾಂತರ ರೂ. ಮೌಲ್ಯದ ಉಡುಗೊರೆಗಳನ್ನು ನೀಡಿದ್ದಾರೆ. ಇದರಲ್ಲಿ ಮನೆ, ಕಾರುಗಳು, ವಿಲ್ಲಾಗಳು ಕೂಡ ಸೇರಿವೆ. ಈ ಎಲ್ಲದರ ನಡುವೆ, ಅನಂತ್ ಅಂಬಾನಿಗೆ 13 ಕೋಟಿ ರೂ. ಮೌಲ್ಯದ ಅಲ್ಟ್ರಾ ಐಷಾರಾಮಿ ಎಸ್‌ಯುವಿಯನ್ನು ಉಡುಗೊರೆಯಾಗಿ ನೀಡಲಾಗಿದೆ ಎಂದು ವರದಿಯೊಂದು ಬಹಿರಂಗಪಡಿಸಿದೆ. ವರದಿಗಳ ಪ್ರಕಾರ, ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಮದುವೆಯಲ್ಲಿ ಡಾರ್ಟ್ಜ್ ಎಸ್‌ಯುವಿ (Dartz SUV)ಯನ್ನು ಉಡುಗೊರೆಯಾಗಿ ನೀಡಲಾಗಿದೆ.

ಹೌದು, ಅನಂತ್ ಅಂಬಾನಿ ಮದುವೆಗೆ ಹಲವು ಉಡುಗೊರೆಗಳು ಬಂದಿವೆ, ದೇಶ-ವಿದೇಶಗಳಿಂದ ಆಗಮಿಸಿದ್ದ ಸೆಲೆಬ್ರಿಟಿಗಳು, ಉದ್ಯಮಿಗಳಿಂದ ದುಬಾರಿ ಕಾರುಗಳು ಸಿಕ್ಕಿವೆ. ನಟ ಹಾಗೂ ಒಂದು ಕಾಲದ WWE ಚಾಂಪಿಯನ್ ಜಾನ್ ಸೆನಾ ಅವರಿಂದ ಲ್ಯಾಂಬೊರ್ಗಿನಿಯಂತಹ ಐಷಾರಾಮಿ ಕಾರು ಮತ್ತು ಅಮೆಜಾನ್ ಮಾಲೀಕ ಜೆಫ್ ಬೆಜೋಸ್ ಅವರಿಂದ ಬುಗಾಟಿ ಸೇರಿದಂತೆ ಅನೇಕ ದುಬಾರಿ ಉಡುಗೊರೆಗಳನ್ನು ಪಡೆದಿರುವುದಾಗಿ ವರದಿಯಾಗಿದೆ.

ಇವು ತಮ್ಮದೇ ಆದ ರೀತಿಯಲ್ಲಿ ಸ್ಮರಣೀಯವಾಗಿದ್ದರೂ, ಯಾರೋ ಅನಂತ್ ಅಂಬಾನಿಗೆ ವಿಶಿಷ್ಟವಾದ ಬುಲೆಟ್ ಪ್ರೂಫ್ ಡಾರ್ಟ್ಜ್ ಎಸ್‌ಯುವಿಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಇದು ವಿಶ್ವದ ಅತ್ಯಂತ ವಿಶಿಷ್ಟ ವಾಹನಗಳಲ್ಲಿ ಒಂದಾಗಿದ್ದು ಉನ್ನತ ಸೆಲೆಬ್ರಿಟಿಗಳಿಗಾಗಿ ವಿನ್ಯಾಸಗೊಳಿಸಲಾಗುವ ಈ ಕಾರು ಆಟೋ ಉದ್ಯಮದಲ್ಲಿ ತನ್ನದೇ ಆದ ವಿಶಿಷ್ಟತೆಯನ್ನು ಪಡೆದುಕೊಂಡಿದೆ.

ಈ ಐಷಾರಾಮಿ ಡಾರ್ಟ್ಜ್ ಎಸ್‌ಯುವಿ ಬೆಲೆಯು $ 1.6 ಮಿಲಿಯನ್ (13.39 ಕೋಟಿ ರೂ.) ಎಂದು ಹೇಳಲಾಗುತ್ತಿದೆ. ಈ ಐಷಾರಾಮಿ ಎಸ್‌ಯುವಿಯಲ್ಲಿ 8 ಸಿಲಿಂಡರ್ ಮರ್ಸಿಡಿಸ್ ಮೇಬ್ಯಾಕ್ ಎಎಂಜಿ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 800 ಬಿಹೆಚ್‌ಪಿ ಪವರ್ ಮತ್ತು 1000 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 280 ಕಿ.ಮೀ., ಕೇವಲ 3.8 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗವನ್ನು ತಲುಪಬಲ್ಲದು.

ವೈಶಿಷ್ಟ್ಯಗಳು: ಮೆಟಾಕ್ಸಸ್ & ಸಿನ್ಸ್‌ನ ರೀಲ್ 2 ರೀಲ್ ಆಡಿಯೋ, ಡೈಮಂಡ್ ವಾಟರ್ ಫಿಲ್ಟರ್, ಬಯೋಮೆಟ್ರಿಕ್ AK74 ಸುರಕ್ಷತೆ, ಬಯೋಮೆಟ್ರಿಕ್ ಕತ್ತಿಯ ಸುರಕ್ಷತೆ, ಅಲಿಗೇಟರ್ ಅಥವಾ ಪೈಥಾನ್ ಚರ್ಮದಿಂದ ಗುಂಡು ನಿರೋಧಕ ಛತ್ರಿ, ಬುಲೆಪ್ಟ್ರೂಫ್ DARTZ ವಾಡೆರ್ ಹೆಲ್ಮೆಟ್, ಬಯೋಮೆಟ್ರಿಕ್ ಹ್ಯಾಂಡ್‌ಗನ್ ಸುರಕ್ಷಿತೆಯಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.

ಇವಿಷ್ಟೇ ಅಲ್ಲದೇ ಬಯೋಮೆಟ್ರಿಕ್ ಆರ್ದ್ರಕ ಸುರಕ್ಷತೆ, ಬಯೋಮೆಟ್ರಿಕ್ ಮೇಕ್-ಅಪ್ ಸುರಕ್ಷತೆ, ಬಯೋಮೆಟ್ರಿಕ್ ಅಲ್ಲದೀನ್ ಸುರಕ್ಷತೆ, ಆರ್ಮರ್ ಜಿಬಿಒಎಲ್ ತಂತ್ರಜ್ಞಾನ, BR2 ರಕ್ಷಾಕವಚ, ಸ್ಟ್ಯಾಂಗ್ 2 ನಂತಹ ಶಸ್ತ್ರಸಜ್ಜಿತವಾಗಿಯೂ ಬರುತ್ತದೆ. ಇವೆಲ್ಲವನ್ನು ಕಂಪನಿ ನೀಡುತ್ತವೆಯಾದರೂ, ಭಾರತ ಸರ್ಕಾರ ಇವುಗಳೊಂದಿಗೆ ಓಡಾಡಲು ಅನುಮತಿ ನೀಡುವುದಿಲ್ಲ. ಹಾಗಾಗಿ ಇದನ್ನು ಸಾಮಾನ್ಯ ಕಾರಾಗಿ ಬಳಸಬಹುದು ಎಂಬುದು ನಮ್ಮ ಅನಿಸಿಕೆ.

ರಿಟರ್ನ್ ಗಿಫ್ಟ್ ಕೊಟ್ಟಿದ್ದಾರೆ: ಇತ್ತ ಅನಂತ್-ರಾಧಿಕಾ ತಮ್ಮ ಆಪ್ತರಿಗೆ ಐಷಾರಾಮಿ ಗಡಿಯಾರಗಳನ್ನು ರಿಟರ್ನ್ ಗಿಫ್ಟ್ ಆಗಿ ನೀಡಿದ್ದಾರೆ. ಅನಂತ್ ಅಂಬಾನಿ ತಮ್ಮ ಆಪ್ತರಿಗೆ ಐಷಾರಾಮಿ ವಾಚ್ ಆಡೆಮಾರ್ಸ್ ಪಿಗುಯೆಟ್ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಇದರ ಬೆಲೆ ಸುಮಾರು ಎರಡು ಕೋಟಿ ರೂಪಾಯಿಗಳು ಎನ್ನಲಾಗಿದೆ. ಈ ಗಡಿಯಾರವನ್ನು ಅನೇಕ ಬಾಲಿವುಡ್ ತಾರೆಯರು ರಿಟರ್ನ್ ಉಡುಗೊರೆಯಾಗಿ ಸ್ವೀಕರಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.