ಆಡಿ ಕ್ಯೂ3 ತಮ್ಮದಾಗಿಸಿದ ಗಾಲ್ಫ್ ಚೆಲುವೆ ಶರ್ಮಿಳಾ

ದರ ಮಾಹಿತಿ

ಆಡಿ ಕ್ಯೂ3 ಬೆಂಗಳೂರು ಎಕ್ಸ್ ಶೋ ರೂಂ ದರ 25.52 ಲಕ್ಷ ರು.ಗಳಿಂದ 36.57 ಲಕ್ಷ ರು.ಗಳ ವರೆಗಿದೆ. ದೇಶದ ಐಷಾರಾಮಿ ಕಾರುಗಳಲ್ಲಿ ಆಡಿ ಕ್ಯೂ3 ತನ್ನದೇ ಆದ ವಿಶೇಷ ಸ್ಥಾನಮಾನವನ್ನು ಉಳಿಸಿಕೊಂಡಿದೆ.

ಎಂಜಿನ್

ಈ ಐದು ಸೀಟಿನ ಕಾಂಪಾಕ್ಟ್ ಎಸ್‌ಯುವಿ 2.0 ಟಿಎಫ್‌ಎಸ್‌ಐ ಪೆಟ್ರೋಲ್ ಮತ್ತು 2.0 ಟಿಡಿಐ ಎಂಜಿನ್‌ಗಳಲ್ಲಿ ಲಭ್ಯವಿದೆ.

ವಿನ್ಯಾಸ

ನೂತನ ಆಡಿ ಕ್ಯೂ3 ಕ್ರೀಡಾತ್ಮಕ ವಿನ್ಯಾಸ, ದಕ್ಷತೆ ಮತ್ತು ನಗರ ಪ್ರದೇಶಕ್ಕೆ ಸೂಕ್ತವಾಗಿರುವ ವಾಹನವಾಗಿದೆ. ಆಡಿ ಕಂಪನಿಯ ಕ್ಯೂ5 ಮತ್ತು ಕ್ಯೂ7 ಮುಂತಾದ ಬೃಹತ್ ಗಾತ್ರದ ಕಾರುಗಳಿಗೆ ಹೋಲಿಸಿದರೆ ಕ್ಯೂ3 ಸಣ್ಣಗಾತ್ರ ಹೊಂದಿದೆ. ಹಾಗೆಯೇ ಸ್ಮರ್ಧಾತ್ಮಕ ದರಗಳಲ್ಲಿ ಬಿಡುಗಡೆ ಮಾಡಲು ಸಂಸ್ಥೆ ಯಶಸ್ವಿಯಾಗಿದೆ.

ತಂತ್ರಜ್ಞಾನ

ಆಡಿ ಕ್ಯೂ3 ಯುವ ಜನಾಂಗಕ್ಕೆ ಇಷ್ಟವಾಗುವಂತಹ ವಿನ್ಯಾಸ ಪಡೆದುಕೊಂಡಿದೆ. ಇದರಲ್ಲಿರು ತಂತ್ರಜ್ಞಾನ ಬೆರಗು ಹುಟ್ಟಿಸುತ್ತದೆ. ಅದರ ಸದೃಢ ಗಂಭೀರ ಆಕರ್ಷಕ ಬಾಡಿ ವಿನ್ಯಾಸ, ಡ್ರೈವ್ ಟ್ರೈನ್, ಚಾಸೀ ಮತ್ತು ಮಲ್ಟಿಮೀಡಿಯಾ ಕಾರು ಪ್ರಿಯರಿಗೆ ಇಷ್ಟವಾಗುವಂತಿದೆ.

ಐಷಾರಾಮಿ ಇಂಟಿರಿಯರ್

ವಿಶೇಷವೆಂದರೆ ಆಡಿ ಕಂಪನಿಯ ಬೃಹತ್ ಕಾರುಗಳಿಗಿಂತ ನೂತನ ಕ್ಯೂ3 ಕ್ರಾಸೊವರ್ ಹೆಚ್ಚು ವಿಶೇಷ ಲುಕ್ಕಿನಿಂದ ಕಂಗೊಳಿಸುತ್ತದೆ. ಆಡಿ ಕ್ಯೂ3 ಕಾರು ಅತ್ಯಧಿಕ ಗ್ರೌಂಡ್ ಕ್ಲೀಯರೆನ್ಸ್ ಹೊಂದಿದೆ. ಕ್ಯೂ3 ಇಂಟಿರಿಯರ್ ಐಷಾರಾಮಿ ಫೀಚರುಗಳಿಂದ ಶ್ರೀಮಂತವಾಗಿದೆ.

ಆರಾಮ ಸವಾರಿ

ಕಾರಿನೊಳಗೆ ಗುಣಮಟ್ಟದ ಸೀಟ್, ಪವರ್ ಸ್ಟಿಯರಿಂಗ್, ಪವರ್ ವಿಂಡೋಸ್, ದಕ್ಷತೆಯ ಏರ್ ಕಂಡಿಷನರ್ ಮತ್ತು ಹೀಟರ್ ಇತ್ಯಾದಿ ಹತ್ತು ಹಲವು ಫೀಚರುಗಳಿವೆ. ಕಾರಿನ ಲಗೇಜ್ ಸ್ಥಳಾವಕಾಶವೂ ವಿಶಾಲವಾಗಿದೆ. ಕ್ಯಾಬಿನ್ ಕೂಡ ವಿಶಾಲವಾಗಿದ್ದು, ಆರಾಮವಾಗಿ ಸವಾರಿ ಮಾಡಬಹುದಾಗಿದೆ.