ಮಾಜಿ ಮಿಸ್ ಇಂಡಿಯಾ ಗುಲ್ ಪನಾಗ್‌ರವರ ಜನಸಾಮಾನ್ಯ ಕಾರು

ವಿಶೇಷವಾಗಿ ಸಾಹಸ ಪಯಣ ಇಷ್ಟಪಡುವ ಗುಲ್ ಪನಾಗ್ ಅವರಿಗಾಗಿ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯು ತನ್ನ ಜನಪ್ರಿಯ ಸ್ಕಾರ್ಪಿಯೊ ಕಾರನ್ನು ಪರಿಷ್ಕೃತಗೊಳಿಸಿತ್ತು.

ಈ ನೂತನ ಆಫ್ ರೋಡ್ ಕಾರಿಗೆ ಸೂಪರ್ ಮೈಲೊ ಎಂದು ಹೆಸರಿಸಲಾಗಿದೆ. ಹಾಗೆಯೇ ವಿಶೇಷ ಆಫ್ ರೋಡಿಂಗ್ ಸಾಮರ್ಥ್ಯವನ್ನು ಇದು ಹೊಂದಿದೆ.

ಹಿಮಾಚಲ ಪ್ರದೇಶದ ಲಹೌಲ್-ಸ್ಪಿಟಿ ಜಿಲ್ಲೆಗಳಿಗೆ ಗುಲ್ ಪನಾಗ್ ಸಾಹಸ ಪಯಣ ಹಮ್ಮಿಕೊಂಡಿದ್ದರು. ಈ ವೇಳೆ ಸೂಪರ್ ಮೈಲೊ ಕಾರನ್ನು ಬಳಕೆ ಮಾಡಿದ್ದರು.

ಈ ಬಗ್ಗೆ ತಮ್ಮ ಅನುಭವ ಹಂಚಿಕೊಂಡಿರುವ ಪನಾಗ್, ಇತ್ತೀಚೆಗಷ್ಟೇ ನಾವು ಹಿಮಾಚಲ ಪ್ರದೇಶದ ಲಹೌಲ್ ಕಣಿವೆ ಪ್ರದೇಶಕ್ಕೆ ರಸ್ತೆ ಮಾರ್ಗವಾಗಿ ಪಯಣ ಹಮ್ಮಿಕೊಂಡಿದ್ದೆವು. ಈ ಸಾಹಸ ಯಾತ್ರೆ ಐದು ದಿನಗಳ ಪರ್ಯಂತ ಸಾಗಿತ್ತು ಎಂದಿದ್ದಾರೆ.

ನಮ್ಮ ತಂಡದಲ್ಲಿ ಒಟ್ಟು ಆರು ಮಂದಿ ಇದ್ದಿದ್ದರಿಂದ ಎರಡು ಮೋಡಿಫೈಡ್ ಕಾರನ್ನು ಬಳಕೆ ಮಾಡಲಾಗಿತ್ತು. ನಿಜಕ್ಕೂ ಇಂದೊಂದು ಅದ್ಭುತ ಅನುಭವ ಎಂದಿದ್ದಾರೆ.

ಆಫ್ ರೋಡ್ ಪಯಣ ಕೈಗೊಳ್ಳಲು ನಿರ್ಧಾರ ಕೈಗೊಂಡಾಗ ಯಾವ ಕಾರನ್ನು ಆಯ್ಕೆ ಮಾಡಲಿ ಎಂಬ ಗೊಂದಲ ಕಾಡುತ್ತಿತ್ತು. ಹಾಗಾಗಿ ಕಸ್ಟಮೈಸ್ಡ್ ಕಾರನ್ನು ಆಯ್ಕೆ ಮಾಡಲು ಪ್ರೇರಣೆಯಾಗಿತ್ತು ಎಂದಿದ್ದಾರೆ.

ಇದಕ್ಕಾಗಿ ಕ್ರೀಡಾ ಬಳಕೆ ವಾಹನ (ಎಸ್‌ಯುವಿ) ಕಾರನ್ನು ಆಯ್ಕೆ ಮಾಡಬೇಕೆಂಬುದು ಪನಾಗ್ ಬಯಕೆಯಾಗಿತ್ತು. ಈ ಎಲ್ಲ ಪರಿಷ್ಕೃತ ಕೆಲಸ ಪೂರ್ಣಗೊಳ್ಳಲು ಆರು ತಿಂಗಳಷ್ಟು ಸಮಯ ತಗಲಿತ್ತು ಎಂದಿದ್ದಾರೆ.

ಇಲ್ಲಿ ಬಹುತೇಕ ಬಿಡಿಭಾಗಗಳನ್ನು ಆಮದು ಮಾಡಲಾಗಿತ್ತು. ಇದರಲ್ಲಿ ರೂಫ್, ಹೈ ಲಿಫ್ಟ್ ಜ್ಯಾಕ್, ಹೆಚ್ಚುವರಿ ಲೈಟಿಂಗ್ಸ್, ಡ್ಯುಯಲ್ ಬ್ಯಾಟರಿ ನಿರ್ವಹಣಾ ವ್ಯವಸ್ಥೆಗಳಂತಹ ಸೌಲಭ್ಯಗಳನ್ನು ಆಳವಡಿಸಲಾಗಿತ್ತು.

ಒಟ್ಟಿನಲ್ಲಿ ಆಮ್ ಆದ್ಮಿ ಪಕ್ಷದ ನಾಯಕಿ ಗುಲ್ ಪನಾಗ್ ರಾಜಕೀಯ ಜೀವನ ಎತ್ತ ಸಾಗಲಿದೆ ಎಂಬುದಕ್ಕೆ ಮುಂದಿನ ಲೋಕಸಭಾ ಚುನಾವಣೆ ಉತ್ತರ ನೀಡಲಿದೆ. ಆದರೆ ಅವರ ಸಾಹಸ ಯಾತ್ರೆಯಂತೂ ಇಲ್ಲಿ ಕೊನೆಗೊಳ್ಳುವುದಿಲ್ಲ.