ರಜನಿ ಸ್ಟೈಲ್‌ನಲ್ಲಿ ಮಾರುತಿ ಸುಜುಕಿ ಸ್ವಿಫ್ಟ್ 'ಕಬಾಲಿ ಎಡಿಷನ್'

ಮಾರುತಿ ಸುಜುಕಿ ಸ್ವಿಫ್ಟ್ 'ಕಬಾಲಿ ಎಡಿಷನ್' ಎಂದೇ ಗುರುತಿಸಿಕೊಂಡಿರುವ ಕಾರಿನ ಹೊರಮೈಯಲ್ಲಿ ಕಬಾಲಿ ಪೋಸ್ಟರ್ ಗಳನ್ನು ಅಂಚಿಸಲಾಗಿದೆ.

ಭಾರತ ಸೇರಿದಂತೆ ಜಾಗತಿಕ ಚಿತ್ರರಂಗದಲ್ಲಿ ಹೆಸರು ಮಾಡಿರುವ ತಮ್ಮ ಮೆಚ್ಚಿನ ನಾಯಕ ರಜನಿಕಾಂತ್ ಮೇಲಿನ ಅಪಾರ ಪ್ರೀತಿಯಿಂದಲೇ ಕಬಾಲಿ ಎಡಿಷನ್ ಸ್ವಿಫ್ಟ್ ಕಾರನ್ನು ವಿನ್ಯಾಸಗೊಳಿಸಲಾಗಿದೆ.

ಹೊಸೂರು ಮೂಲದ ಮಾರುತಿ ಡೀಲರ್ ಆಗಿರುವ ಶ್ರೀ ಅಮ್ಮನ್ ಕಾರ್ಸ್ ಸ್ವಿಫ್ಟ್ ಕಬಾಲಿ ಎಡಿಷನ್ ತಯಾರಿಸಿದೆ. ಮುಂಭಾಗದಲ್ಲಿ ಕಾರಿನ ಬೊನೆಟ್, ಮೇಲ್ಚಾವಣಿ ಹಾಗೂ ಬದಿಯಲ್ಲಿ ಕಬಾಲಿ ಗ್ರಾಫಿಕ್ಸ್ ಗಳನ್ನು ಲಗತ್ತಿಸಲಾಗಿದೆ.

ಹಿಂಭಾಗದಲ್ಲಿ ಕಬಾಲಿ ಚಿತ್ರದ ಡೈಲಾಗ್ ಗಳನ್ನು ತಮಿಳಿನಲ್ಲಿ ಉಲ್ಲೇಖಿಸಲಾಗಿದೆ. ಆದರೆ ಕಾರಿನೊಳಗೆ ಹೆಚ್ಚಿನ ಬದಲಾವಣೆಗಳನ್ನು ತರಲಾಗಿಲ್ಲ.

ದೇಶದ ಜನಪ್ರಿಯ ಹ್ಯಾಚ್ ಬ್ಯಾಕ್ ಕಾರುಗಳಲ್ಲಿ ಒಂದಾಗಿರುವ ಮಾರುತಿ ಸುಜುಕಿ ಸ್ವಿಫ್ಟ್, 1.2 ಲೀಟರ್ ಕೆ ಸಿರೀಸ್ ಪೆಟ್ರೋಲ್ ಹಾಗೂ 1.3 ಲೀಟರ್ ಡಿಡಿಐಎಸ್ 190 ಡೀಸೆಲ್ ಎಂಜಿನ್ ಗಳಿಂದ ನಿಯಂತ್ರಿಸಲ್ಪಡಲಿದೆ.

ಅಂದ ಹಾಗೆ ಕಬಾಲಿ ವಿಶೇಷ ಎಡಿಷನ್ ಮಾರುತಿ ಅಧಿಕೃತವಾಗಿ ಬಿಡುಗಡೆ ಮಾಡಿರುವ ಕಾರಲ್ಲ. ಬದಲಾಗಿ ಡೀಲರ್ ಗಳು ತಾವಾಗಿ ಮುಂದೆ ಬಂದು ಬಂದು ವಿಶಿಷ್ಟ ಗ್ರಾಫಿಕ್ಸ್ ಗಳನ್ನು ಅಂಟಿಸಿದೆ.