ಬಾಹ್ಯಾಕಾಶದಲ್ಲಿರುವ ಅಪ್ಪನಿಗೆ ಮಗಳ ಗಿನ್ನೆಸ್ ದಾಖಲೆಯ ಸಂದೇಶ

ಈ ಮಹತ್ವಾಂಕಾಕ್ಷೆಯ ಯೋಜನೆಯನ್ನು ಕೈಗೆತ್ತಿಕೊಂಡಿರುವ ಹ್ಯುಂಡೈ ತಂಡವು ವಿಸ್ತಾರವಾಗಿ ಹರಡಿರುವ ನೆವೆಡಾ ಮರುಭೂಮಿಯಲ್ಲಿ 5.55 ಕೀ.ಮೀ. ಸುತ್ತಳತೆಯಲ್ಲಿ (5,556,411.86 m² (59,808,480.26 ft²)) ಮಗಳ ಸಂದೇಶವನ್ನು ಚಿತ್ರ ರೂಪದಲ್ಲಿ ರಚಿಸುತ್ತದೆ.

ಈ ಬೃಹತ್ ಯೋಜನೆಗೆ 11 ಹ್ಯಂಡೈ ಜೆನಿಸಿಸ್ ಕಾರುಗಳನ್ನು ಬಳಕೆ ಮಾಡಲಾಗಿದೆ. ಅಲ್ಲದೆ ಮಗಳ ಸಂದೇಶವನ್ನು ಬಾಹ್ಯಾಕಾಶದಲ್ಲೇ ಇದ್ದುಕೊಂಡು ಅಪ್ಪ ಓದುತ್ತಾರೆ. ಅದು ಈ ರೀತಿಯಲ್ಲಿತ್ತು "ಸ್ಟೆಫ್ ಲವ್ಸ್ ಯು" ('Steph ♥'s You').

ಹೌದು, ಎಂತಹ ಕಲ್ಲು ಹೃದಯವನ್ನೊಮ್ಮೆ ಮಿಡಿಯುವಂತೆ ಮಾಡುತ್ತಿದೆ ಈ ಅಪ್ಪ-ಮಗಳ ಪ್ರೀತಿ. ಅಲ್ಲದೆ 300 ಕೀ.ಮೀ. ದೂರದಲ್ಲಿನ ಅಂತರಾಷ್ಟ್ರೀಯ ಬಾಹ್ಯಾಕಾಶ ಕಕ್ಷೆಯಿಂದ ಈ ಸಂದೇಶವನ್ನು ಸ್ಪಷ್ಟವಾಗಿ ಕಾಣಬಹುದಾಗಿತ್ತು.

ಹ್ಯುಂಡೈನ ಈ ಬೃಹತ್ ಯೋಜನೆಗಾಗಿ ಕೊರಿಯಾ, ಯುರೋಪ್ ಹಾಗೂ ಅಮೆರಿಕದ ತಜ್ಞರು ಕೈಜೋಡಿಸಿಕೊಂಡಿದ್ದಾರೆ. ಅಷ್ಟೇ ಯಾಕೆ ಪ್ರಸ್ತುತ ರಚಿಸಿರುವ ಚಿತ್ರ ಸಂದೇಶವು ನ್ಯೂಯಾರ್ಕ್ ಸಿಟಿಯ ಸೆಂಟ್ರಾಲ್ ಪಾರ್ಕ್ ಗೆ ಸಮಾನವಾಗಿದೆ ಅಂದರೆ ನಂಬಬಹುದೇ ?

'ಮೆಸೇಜ್ ಟು ಸ್ಪೇಸ್' ಎಂಬ ಥೀಮ್ ನಲ್ಲಿ ರಚನೆಯಾದ ಈ 5.5 ಕೀ.ಮೀ. ವಿಸ್ತಾರದ ಟೈರ್ ಟ್ರ್ಯಾಕ್ ಚಿತ್ರವು ಪ್ರಸ್ತುತ ಗಿನ್ನೆಸ್ ದಾಖಲೆಯನ್ನು ಬರೆದಿದೆ.

ಪ್ರಸ್ತುತ ಚಿತ್ರ ಸಂದೇಶವನ್ನು ರಚಿಸಲು ಹ್ಯುಂಡೈಗೆ ಎದುರಾದ ಸವಾಲು ಅಷ್ಟಿಷ್ಟಲ್ಲ. ಆದರೆ ನಿಖರ ಯೋಜನೆ ಹಾಗೂ ಅವಿರತ ಪ್ರಯತ್ನದಿಂದಾಗಿ 12ರ ಬಾಲಕಿಯ ಕನಸು ನನಸಾಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಬಳಿಕ ಅತೀವ ಸಂಭ್ರಮ ವ್ಯಕ್ತಪಡಿಸಿದ ಬಾಲಕಿ ಸ್ಟೆಫಿನಿ, ಅಪ್ಪ ಬಾಹ್ಯಾಕಾಶದಲ್ಲಿ ಅನೇಕ ರೋಚಕ ಚಿತ್ರಗಳನ್ನು ಸೆರೆ ಹಿಡಿದಿರುತ್ತಾರೆ. ಆದರೆ ತಾವು ಕಳುಹಿಸಿರುವ ಸಂದೇಶವು ಅತ್ಯಂತ ವಿಶೇಷವಾಗಿರುತ್ತದೆ ಎಂದಿದ್ದಾರೆ.

ಇಷ್ಟೆಲ್ಲ ಆದ ಬಳಿಕ ಕಾರುಗಳಿಂದ ಬಾಹ್ಯಾಕಾಶಕ್ಕೆ ಸಂದೇಶ ರವಾನಿಸಲು ಸಾಧ್ಯವೇ ? ಎಂಬ ಪ್ರಶ್ನೆಗೂ ಉತ್ತರ ದೊರಕಿದಂತಾಗಿದೆ. ಕೊನೆಗೆ ನಮ್ಮಲ್ಲಿ ಮೂಡುವ ಭಾವನೆ ಈ ಪ್ರಪಂಚದಲ್ಲಿ ಅಸಾಧ್ಯವಾಗಿರುವುದು ಏನೂ ಇಲ್ಲ ಅಲ್ಲವೇ? ಈಗ ಈ ರೋಚಕ ವಿಡಿಯೋಗಾಗಿ ಮುಂದೆ ಕ್ಲಿಕ್ಕಿಸಿ...

ಬಾಹ್ಯಾಕಾಶದಲ್ಲಿರುವ ಅಪ್ಪನಿಗೆ ಮಗಳ ಸಂದೇಶ - ನೋಡಿ ರೋಚಕ ವಿಡಿಯೋ

ತೆರೆಯ ಹಿಂದೆ ನಡೆದಿದ್ದೇನು? ವೀಕ್ಷಿಸಿ ರೋಚಕ ವಿಡಿಯೋ