ಭಾರತೀಯ ವಾಯು ಸೇನೆಯಿಂದ 'ಗಾರ್ಡಿಯನ್ ಆಫ್ ದಿ ಸ್ಕೈಸ್' ಬಿಡುಗಡೆ

ಯುವ ಜನಾಂಗವನ್ನು ವಾಯು ಪಡೆಗೆ ಹೆಚ್ಚೆಚ್ಚು ಆಕರ್ಷಿಸುವ ನಿಟ್ಟಿನಲ್ಲಿ ಭಾರತೀಯ ವಾಯು ಸೇನೆಯು ಹೊಸತಾದ 'ಗಾರ್ಡಿಯನ್ ಆಫ್ ದಿ ಸ್ಕೈಸ್' ಎಂಬ ತ್ರಿಡಿ ಮೊಬೈಲ್ ಫೋನ್‌ ಗೇಮ್ ಬಿಡುಗಡೆಗೊಳಿಸಿದೆ.

ಭಾರತೀಯ ವಾಯು ಸೇನೆಗೆ ಸೇರ್ಪಡೆಯಾಗಲು ಯುವಕರನ್ನು ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಗಾರ್ಡಿಯನ್ ಆಫ್ ದಿ ಸ್ಕೈಸ್ ತ್ರಿಡಿ ಗೇಮ್ ಪ್ರಮುಖ ಪಾತ್ರ ವಹಿಸಲಿದೆ ಎಂದು ಸೇನೆ ಅಭಿಪ್ರಾಯಪಟ್ಟಿದೆ.

ಗಾರ್ಡಿಯನ್ ಆಫ್ ದಿ ಸ್ಕೈಸ್ ತ್ರಿಡಿ ಮೊಬೈಲ್ ಗೇಮ್‌ನ ಮೊದಲ ಅವತರಣಿಕೆಯು ಇದೀಗ ಲಾಂಚ್ ಆಗಿದ್ದು, ಎರಡನೇ ಶ್ರೇಣಿಯು ಆಕ್ಟೋಬರ್ ತಿಂಗಳಲ್ಲಿ ಬಿಡುಗಡೆಯಾಗಲಿದೆ.

ಪ್ರಸ್ತುತ ಗೇಮ್‌ನಲ್ಲಿ Zaruzia ಎಂದು ಕರೆಯಲ್ಪಡುವ ಕೃತಕ ವಿರೋಧಿ ರಾಷ್ಟ್ರ ಸೃಷ್ಟಿಮಾಡಲಾಗಿದ್ದು, ಇದರ ವಿರುದ್ಧ ವಾಯುಸೇನೆಯ ಹೋರಾಟ ನಡೆಯಲಿದೆ.