Click it and Unblock the Notifications
ವುಮೆನ್ಸ್ ಡೇ ಸ್ಪೆಷಲ್: ಈ ಮಹಿಳೆಯ ಸಾಧನೆಯನ್ನು ನೀವು ತಿಳಿಯಲೇಬೇಕು..
ಮಹಿಳೆಯರು ಇದೀಗ ಎಲ್ಲಾ ಕ್ಷೇತ್ರದಲ್ಲೂ ಸಬಲೀಕರಣ ಸಾಧಿಸುತ್ತಿದ್ದಾರೆ. ಒಂದೆಡೆ ಇಡೀ ಸಂಸಾರವನ್ನು ಸಂಭಾಳಿಸಿಕೊಂಡು ಇನ್ನೊಂದೆಡೆ ಉದ್ಯೋಗದ ಸ್ಥಳದಲ್ಲಿಯೂ ದಕ್ಷ ವಾಗಿ ಕಾರ್ಯ ನಿರ್ವಹಿಸುವ ಅವರ ಆತ್ಮಸ್ಥೈರ್ಯ ಪುರಷರಲ್ಲಿ ಬರಲಾರದು.
ಮಹಿಳೆಯರು ಇದೀಗ ಎಲ್ಲಾ ಕ್ಷೇತ್ರದಲ್ಲೂ ಸಬಲೀಕರಣ ಸಾಧಿಸುತ್ತಿದ್ದಾರೆ. ಒಂದೆಡೆ ಇಡೀ ಸಂಸಾರವನ್ನು ಸಂಭಾಳಿಸಿಕೊಂಡು ಇನ್ನೊಂದೆಡೆ ಉದ್ಯೋಗದ ಸ್ಥಳದಲ್ಲಿಯೂ ದಕ್ಷ ವಾಗಿ ಕಾರ್ಯ ನಿರ್ವಹಿಸುವ ಅವರ ಆತ್ಮಸ್ಥೈರ್ಯ ಪುರಷರಲ್ಲಿ ಬರಲಾರದು. ಇದಕ್ಕೆ ಸ್ಪಷ್ಟ ಉದಾಹರಣೆಯಾಗಿರುವ ಬೆಂಗಳೂರಿನ ಗ್ರಾಯಿತ್ರಿ ಅವರ ಸ್ಟೋರಿಯನ್ನು ಒಂದು ಬಾರಿ ಓದಲೇಬೇಕು.
ಬೆಂಗಳೂರಿನಲ್ಲೇ ಹುಟ್ಟಿ ಬೆಳೆದ ಗಾಯತ್ರಿ ಆರ್ಥಿಕವಾಗಿ ಕಡುಬಡತನ ಹುಟ್ಟಿಬೆಳೆದ ಮಹಿಳೆ. ಹೊಟ್ಟೆಪಾಡಿಗಾಗಿ ಮೊದಮೊದಲ ವೃತ್ತಿಯಲ್ಲಿ ಆಯಾ ಕೆಲಸಕ್ಕೆ ಸೇರಿದ್ದ ಗಾಯಾತ್ರಿ ಅವರು ನಂತರದ ದಿನಗಳಲ್ಲಿ ಕಾರು ಚಾಲಕಿ ವೃತ್ತಿಯನ್ನೇ ಆರಂಭಿಸಿದ್ದೇ ಒಂದು ರೋಚಕ.
Recommended Video
ದೇಶದಲ್ಲಿ ಸದ್ಯ ಮಹಿಳೆಯರ ಸ್ವಾವಲಂಬನೆ ಜೀವನಕ್ಕಾಗಿ ಸಹಾಯವಾಗಲು ನೂರಾರು ಎನ್ಜಿಒ ಸಂಸ್ಥೆಗಳು ಕಾರ್ಯನಿರ್ವಹಿಸುತ್ತಿವೆ. ಇವುಗಳಲ್ಲಿ ಮಾರುತಿ ಸುಜುಕಿ ಸಂಸ್ಥೆಯ ಅಧೀನದ 'ಉನ್ನತ್ತಿ' ಎಂಬ ಎನ್ಜಿಓ ಕೂಡಾ ಒಂದು.
ಕೇವಲ ವಾಹನ ತಯಾರಿಕೆಯಲ್ಲಿ ಮಾತ್ರವಲ್ಲದೆ ಮಹಿಳೆಯರು ಸ್ವಾವಲಂಬಿಯಾಗಿ ಜೀವನ ನಡೆಸಲು ನೇರವಾಗುತ್ತಿರುವ ಉನ್ನತ್ತಿ ಸಂಸ್ಥೆಯು, ಆಸಕ್ತ ಮಹಿಳೆಯರಿಗೆ ಚಾಲನಾ ತರಬೇತಿ ನೀಡುತ್ತಿರುವುದಲ್ಲದೇ ಚಾಲನಾ ವೃತ್ತಿಯನ್ನು ಹೇಗೆ ಸವಾಲಾಗಿ ಸ್ವಿಕರಿಸಬೇಕೆಂಬುವುದನ್ನು ತಿಳಿಸಿಕೊಡುತ್ತಿದೆ.
ಇದೇ ವೇಳೆ ಡ್ರೈವಿಂಗ್ ಸ್ಕೂಲ್ ಒಂದರಲ್ಲಿ ಆಯಾ ಕೆಲಸ ನಿರ್ವಹಿಸುತ್ತಿದ್ದ ಗಾಯಿತ್ರಿ ಅವರು ಚಾಲನಾ ವೃತ್ತಿಯನ್ನು ಮಾಡಲೇಬೇಕೆಂಬ ಹಠದೊಂದಿಗೆ ಉನ್ನತ್ತಿ ಸಂಸ್ಥೆಯಲ್ಲಿ ತರಬೇತಿ ಪಡೆದಿದ್ದಲ್ಲದೇ ಚಾಲನಾ ಕಲಿಕೆಯನ್ನೇ ವೃತ್ತಿಯಾಗಿ ಸ್ವಿಕರಿಸಿದ್ದಾರೆ.
ಬರೋಬ್ಬರಿ ಮೂರು ತಿಂಗಳು ಕಾಲ ಉನ್ನತ್ತಿ ಸಂಸ್ಥೆಯಲ್ಲಿ ತರಬೇತಿ ಪಡೆದ ಗಾಯತ್ರಿಯವರು ಸದ್ಯ ಡ್ರೈವಿಂಗ್ನಲ್ಲಿ ಉತ್ತಮ ಹಿಡಿತ ಸಾಧಿಸಿದ್ದು, ಖಾಸಗಿ ಸಂಸ್ಥೆಯೊಂದರ ಹೊಂಡಾ ಅರ್ಕಾರ್ಡ್ ಮತ್ತು ಆಡಿ ಕಾರುಗಳನ್ನು ಚಾಲನೆ ಮಾಡುತ್ತಿದ್ದಾರೆ.
ಅಂದು ಆಯಾ ವೃತ್ತಿಯಲ್ಲಿ ತಿಂಗಳಿಗೆ 1,500 ಸಂಪಾದನೆ ಮಾಡುತ್ತಿದ್ದ ಗಾಯಿತ್ರಿ ಅವರು ಇದು ತಿಂಗಳಿಗೆ 42,000 ಸಾವಿರಕ್ಕೂ ಹೆಚ್ಚು ಹಣವನ್ನು ಸಂಪಾದಿಸುತ್ತಿದ್ದಾರೆ.
ಬಡತನದಲ್ಲೇ ಹುಟ್ಟಿಬೆಳೆದರೂ ಹೆಣ್ಣುಮಕ್ಕಳ ಬಾಳಲ್ಲಿ ಕಂಡುಬರುವ ಅಡೆತಡೆಗಳನ್ನು ಲೆಕ್ಕಿಸದೆ ತನ್ನ ಆತ್ಮವಿಶ್ವಾಸ ಮತ್ತು ಸಾಮರ್ಥ್ಯದಿಂದ ಡ್ರೈವಿಂಗ್ ಕಲಿತ ಗಾಯತ್ರಿಯವರು, ಉತ್ತಮ ಗಳಿಕೆ ಮಾಡುತ್ತಿರುವುದಲ್ಲದೇ ಸ್ವಂತ ಕ್ಯಾಬ್ ಒಂದನ್ನು ಖರೀದಿಸುವ ಯೋಜನೆಯಲ್ಲಿದ್ದಾರೆ.
Continue with Google