ಐಷಾರಾಮಿ ಬೆಂಝ್ ಗಾಡಿ ಒಂದು ಕೋಳಿಗೆ ಸಮವಂತೆ?

ಸಸ್ಫೆಷನ್

ಸುಲಭವಾಗಿ ವಿವರಿಸಬಹುದಾದರೆ ಒರಟು ರಸ್ತೆಯಲ್ಲಿ ಚಲಿಸುವಾಗ ಘರ್ಷಣೆಯನ್ನು ತಗ್ಗಿಸಲು ವಾಹನದ ಚಕ್ರಗಳಿಗೆ ಅಳವಡಿಸಲಾದ ಸಲಕರಣೆಯನ್ನು ಸಸ್ಫೆಷನ್ ಎನ್ನುತ್ತಾರೆ. ಇದು ಪ್ರಯಾಣಿಕರಿಗೆ ಆರಾಮದಾಯಕ ಪ್ರಯಾಣವನ್ನು ಖಾತ್ರಿಪಡಿಸುತ್ತದೆ.

ಇದೀಗ 2014 ಮರ್ಸಿಡಿಸ್ ಬೆಂಝ್ ಎಸ್‌550 ಕಾರಿಗೆ ನೂತನ ಸಸ್ಫೆಷನ್ ತಂತ್ರಜ್ಞಾನವನ್ನು ಆಳವಡಿಸಲಾಗುತ್ತಿದೆ.

ಇದರಂತೆ ಬೆಂಝ್ ಬಿಡುಗಡೆ ಮಾಡಿರುವ ತಾಜಾ ಜಾಹೀರಾತಿನಲ್ಲಿ ಕೋಳಿಗಳನ್ನು ಮೇಲಕ್ಕೂ ಕೆಳಕ್ಕೂ ಆಡಿಸುವ ಮೂಲಕ ನೂತನ ಸಸ್ಫೆಷನ್ ತಂತ್ರಜ್ಞಾನವನ್ನು ಉತ್ತೇಜಿಸುವ ಪ್ರಯತ್ನ ಮಾಡಲಾಗಿದೆ.

ಬೆಂಝ್ ನೂತನ ಯೋಜನೆಗೆ ಸಾಮಾಜಿಕ ತಾಲತಾಣಗಳಲ್ಲಿ ಉತ್ತಮ ಪ್ರತಿಕ್ರಿಯೆ ದೊರಕುತ್ತಿದ್ದು, ಜಾಹಿರಾತಿಗಾಗಿ ವಿಶೇಷವಾಗಿ ರೂಪಿಸಲಾದ ಆಡಿಯೋ ಸಿಸ್ಟಂ ಮನಸೆಳೆಯುತ್ತಿದೆ.

ಒಟ್ಟಿನಲ್ಲಿ ಬೆಂಝ್‌ನ ನೂತನ ಮ್ಯಾಜಿಕ್ ಬಾಡಿ ಕಂಟ್ರೋಲ್ ಪ್ರಯಾಣಿಕರಿಗೆ ಆರಾಮದಾಯಕ ಪಯಾಣವನ್ನು ಖಾತ್ರಿಪಡಿಸುತ್ತಿದೆ.

ಬೆಂಝ್ ಮ್ಯಾಜಿಕ್ ಬಾಡಿ ಕಂಟ್ರೋಲ್ ಎಲ್ಲ ರಸ್ತೆದಲ್ಲಿಯೂ ಪ್ರಯಾಣಿಕರಿಗೆ ಸ್ಥಿರತೆಯ ಪ್ರಯಾಣದ ಅನುಭವ ನೀಡುತ್ತದೆ.

ಈ ಮೂಲಕ ಬೆಂಝ್ ಇಂಟೆಲಿಜೆಟ್ ಡ್ರೈವ್ ಪ್ರಚಾರ ಮಾಡುವ ಪ್ರಯತ್ನ ಮಾಡಲಾಗಿದೆ.

ಅದೇ ಹೊತ್ತಿಗೆ ಬೆಂಝ್ ಮ್ಯಾಜಿಕ್ ರೈಡ್ ಕಂಟ್ರೋಲ್, ರಸ್ತೆಗಳಲ್ಲಿ ಉಬ್ಬು ಮುಂತಾದ ಇಕ್ಕಟ್ಟಾದ ಪ್ರದೇಶದ ಎದುರಾದಾಗ ಚಾಲಕ ಹಾಗೂ ವಾಹನ ಚಾಸೀಸ್‌ಗೆ ಸ್ಥಿರತೆ ಪ್ರದಾನ ಮಾಡುತ್ತದೆ.

ರಸ್ತೆ ಅಡ್ಡಾದಿಡ್ಡಿಗಳನ್ನು ಕ್ಷಿಪ್ರವಾಗಿ ವೀಕ್ಷಿಸುವ ನಿಟ್ಟಿನಲ್ಲಿ ವಿಂಡ್ ಶೀಲ್ಡ್ ಮೇಲ್ಗಡೆ ಸೆನ್ಸಾರ್, ಮ್ಯಾಗ್ನಿಟಿಕ್ ಡ್ಯಾಂಪರ್ ಹಾಗೂ ಕ್ಯಾಮೆರಾಗಳನ್ನು ಲಗತ್ತಿಸಲಾಗಿರುತ್ತದೆ. ಇದು ಪ್ರತಿ ಸೆಕೆಂಡುನಲ್ಲೂ ಸಸ್ಫೆಷನ್ 100ಕ್ಕಿಂತಲೂ ಹೆಚ್ಚು ಸಲ ಹೊಂದಾಣಿಸಲು ನೆರವಾಗಲಿದೆ. ಒಟ್ಟಿನಲ್ಲಿ 60 ಲಕ್ಷದಷ್ಟು ದುಬಾರಿ ಬೆಲೆಬಾಳುವ ಬೆಂಝ್‌ಗೆ ಚಿಕನ್ ತಂತ್ರಜ್ಞಾನ ಆಳವಡಿಸಲಾಗುತ್ತಿದೆ.

ವೀಡಿಯೊ ವೀಕ್ಷಿಸಿ