ಕಾರಿನ ಡ್ಯಾಶ್ ಕ್ಯಾಮೆರಾದಲ್ಲಿ ಸೆರೆಯಾಯ್ತು ಪ್ಯಾರಿಸ್ ಭೀಕರ ದಾಳಿ

ಪ್ಯಾರಿಸ್‌ನಲ್ಲಿರುವ ರೂ ಡೆ ಕರೊನ್ನೆ ರೆಸ್ಟೋರೆಂಟ್ ಅಸುಪಾಸಿನಲ್ಲಿ ಟ್ಯಾಕ್ಸಿ ಚಲಾಯಿಸುತ್ತಿದ್ದ ಟ್ಯಾಕ್ಸಿ ಚಾಲಕನ ಕಾರಿನ ಡ್ಯಾಶ್ ಬೋರ್ಡ್ ಕ್ಯಾಮೆರಾದಲ್ಲಿ ಈ ಭೀಕರ ದೃಶ್ಯಾವಳಿಗಳು ಸೆರೆಯಾಗಿದೆ.

ಕಾರಿನ ಡ್ಯಾಶ್ ಬೋರ್ಡ್ ಕ್ಯಾಮೆರಾದಲ್ಲಿ ಭಯೋತ್ಪಾದಕರ ದಾಳಿಯ ವೇಳೆ ಗುಂಡಿನ ಶಬ್ದದ ಜೊತೆ ಜನರ ಕಿರುಚಾಟವು ಕೇಳಲಾರಂಭಿಸುತ್ತದೆ.

ಚಿತ್ರ: ಪ್ಯಾರಿಸ್ ಮೇಲಿನ ಉಗ್ರರ ಸರಣಿ ದಾಳಿ [ಪಿಟಿಐ]

ಈ ಸಂದರ್ಭದಲ್ಲಿ ಚಾಲಕ ಹಾಗೂ ಹಿಂಬದಿಯಲ್ಲಿದ್ದ ಪ್ರಯಾಣಿಕರ ನಡುವಣ ಸಂಭಾಷನೆ ಹೀಗಿತ್ತು. "ಏನೋ ದಾಳಿ ನಡೆಯುತ್ತಿದೆ" ಎಂದು ಹಿಂಬದಿಯ ಪ್ರಯಾಣಿಕ ಭಯಭೀತರಾಗಿ ಹೇಳಲಾರಂಭಿಸಿದ್ದ.

ತಕ್ಷಣ ಉಗ್ರರ ದಾಳಿಯ ಭೀತಿಯನ್ನರಿತ ಚಾಲಕ ಟ್ಯಾಕ್ಸಿಯನ್ನು ಹಿಂತೆಗದುಕೊಳ್ಳುತ್ತಾನೆ. ಇದರಿಂದಾಗಿ ದುರಂತದಿಂದ ಇವರಿಬ್ಬರು ಪಾರಾಗುತ್ತಾರೆ.

ಪ್ಯಾರಿಸ್ ಮೇಲೆ ನಡೆದ ಉಗ್ರರ ಸರಣಿ ದಾಳಿಯಲ್ಲಿ 129 ಮಂದಿ ಮೃತಪಟ್ಟಿದ್ದಾರೆ.

ಪ್ಯಾರಿಸ್ ಮೇಲಿನ ಉಗ್ರರ ದಾಳಿಯ ಭೀಕರ ದೃಶ್ಯಾವಳಿ ವೀಕ್ಷಿಸಿ