ಟಿಪ್ಪು ಕೀರ್ತಿ ಪತಾಕೆ ಹಾರಿಸಿದ ರೋಲ್ಸ್ ರಾಯ್ಸ್ ಮೈಸೂರು ಘೋಸ್ಟ್ ಕಲೆಕ್ಷನ್

"ಈ ಜಗತ್ತಿನಲ್ಲಿ ನೂರಾರು ವರ್ಷ ಕುರಿಯಾಗಿ ಜೀವಿಸುವ ಬದಲು ಎರಡು ದಿನ ಹುಲಿಯಾಗಿ ಬದಕಲು ಬಯಸುತ್ತೇನೆ" ಎಂಬ ಮೈಸೂರು ಸುಲ್ತಾನನ ಕೆಚ್ಚೆದೆಯ ನುಡಿಗಳು ಇಂದಿಗೂ ಚಿರಪರಿಚಿತವಾಗಿದೆ. ಹಾಗೆ ತಮ್ಮ ಆಡಳಿತ ಕಾಲದಲ್ಲ ಅರಬಿಯನ್ನರ ಜೊತೆ ಉತ್ತಮ ವಾಣಿಜ್ಯ ಬಾಂಧವ್ಯ ಕಾಪಾಡಿಕೊಳ್ಳಲು ಟಿಪ್ಪು ಯಶಸ್ವಿಯಾಗಿದ್ದರು.

ಅರಬಿ ಭಾಷೆಯಲ್ಲೂ ಮೈಸೂರು ಎಂಬ ಪದ ಸಂಪತ್ತು ಹಾಗೂ ಅಧಿಕಾರವನ್ನು ಸೂಚಿಸುತ್ತದೆ. ಈಗ ಟಿಪ್ಪು ಯಶಸ್ಸಿನ ಸಂಕೇತವಾಗಿ ಘೋಸ್ಟ್ ಮೈಸೂರು ಕಲೆಕ್ಷನ್ ತಯಾರಿಸಲಾಗುತ್ತದೆ. ಇದು ಸೀಮಿತ ಮೂರು ಆವೃತ್ತಿಗಳಷ್ಟೇ ನಿರ್ಮಾಣವಾಗಲಿದೆ.

ಟಿಪ್ಪು ಮೈಸೂರು ಘೋಸ್ಟ್ ಕಲೆಕ್ಷನ್ ಕಾರನ್ನು ವಿಶೇಷವಾಗಿ ಮಾರ್ಪಾಡುಗೊಳಿಸಲಾಗಿದೆ. ಕಾರಿನೊಳಗಿರುವ ಆಸನದ ಮೇಲಿನ ಹೆಡ್‌ರೈಸ್ಟ್‌ನಲ್ಲಿ ಹುಲಿಯ ಲಾಂಛನವನ್ನು ಕಾಣಬಹುದಾಗಿದೆ.

ಇನ್ನು ಕಾರಿನ ಹೊರಮೈಯನ್ನು ಭಾರತದ ರಾಷ್ಟ್ರೀಯ ಪಕ್ಷಿ ನವಿಲು ಲಾಂಛನದೊಂದಿಗೆ ಆಲಂಕರಿಸಲಾಗಿದೆ. ಹಾಗೆಯೇ ರಾಯಲ್ ಬ್ಲೂ ಹಾಗೂ ಸಿಲ್ವರ್ ಬಣ್ಣಗಳ ಮಿಶ್ರಣವನ್ನು ಪಡೆದುಕೊಂಡಿದೆ.

ಕಾರಿನೊಳಗೂ ವುಡನ್ ಡ್ಯಾಶ್ ಬೋರ್ಡ್‌ನಲ್ಲೂ ನವಿಲು ಗರಿಯನ್ನು ಕಾಣಬಹುದಾಗಿದೆ. ಪ್ರಸ್ತುತ ಕಾರು ಅಬುದಾಬಿಯಲ್ಲಿ ಮಾತ್ರ ಲಭ್ಯವಾಗಲಿದೆ.

ಸಂಪೂರ್ಣ ಲೆಥರ್ ಇಂಟಿರಿಯರ್ ಜೊತೆಗೆ ವೈಡೂರ್ಯದ ಬಣ್ಣವು ನಿಜಕ್ಕೂ ಮೈಸೂರು ರಾಜನಿಂದ ಸ್ಪೂರ್ತಿ ಪಡೆದು ರಚಿಸಲಾಗಿದೆ.

ಒಟ್ಟಿನಲ್ಲಿ ಬ್ರಿಟಿಷ್ ವಸಾಹತುಶಾಹಿ ವಿರುದ್ಧ ದೇಶಕ್ಕಾಗಿ ಹೋರಾಡಿದ 'ನಾಗರಿಕ ಟಿಪ್ಪು ಸುಲ್ತಾನ್' ಸಾಹಸಗಾಧೆ ಇಂದಿಗೂ ಅರಬ್ ದೇಶಗಳಲ್ಲಿ ಕೊಂಡಾಡುತ್ತಿರುವುದು ಹೆಮ್ಮೆಯ ಸಂಗತಿಯಾಗಿದೆ.