ಶೀಘ್ರದಲ್ಲೇ ರೋಲ್ಸ್ ರಾಯ್ಸ್ ಹೈಬ್ರಿಡ್-ಎಲೆಕ್ಟ್ರಿಕ್ ವಿಮಾನ: ಯಶಸ್ವಿಯಾಯ್ತು ಎಂಜಿನ್ ಪರೀಕ್ಷೆ

ಕಾರು ಉದ್ಯಮದಲ್ಲಿ ತನ್ನದೇ ಆದ ಐಷಾರಾಮಿತನವನ್ನು ಹೊಂದಿರುವ ರೋಲ್ಸ್ ರಾಯ್ಸ್ ಕಂಪನಿಯು ಈಗ ಎಲೆಕ್ಟ್ರಿಕ್ ವಿಮಾನಕ್ಕಾಗಿ ಕೆಲಸ ಮಾಡುತ್ತಿದೆ. ಹೈಬ್ರಿಡ್ ಎಲೆಕ್ಟ್ರಿಕ್ ಪವರ್‌ನಲ್ಲಿ ಕಾರ್ಯನಿರ್ವಹಿಸುವ ತಮ್ಮ ಹೊಸ ಸಣ್ಣ ಗ್ಯಾಸ್ ಟರ್ಬೈನ್ ಎಂಜಿನ್ ಪ್ರಯೋಗವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಲಾಗಿದೆ ಎಂದು ತಯಾರಕರು ಘೋಷಿಸಿದ್ದಾರೆ.

ಇದಲ್ಲದೆ, ತಯಾರಕರು ಹೆಲಿಕಾಪ್ಟರ್‌ಗಳು, ಸಹಾಯಕ ವಿದ್ಯುತ್ ಘಟಕಗಳು (ಎಪಿಯು) ಮತ್ತು ರಕ್ಷಣಾ ಮಾರುಕಟ್ಟೆಗಳಿಗಾಗಿ ಗ್ಯಾಸ್ ಟರ್ಬೈನ್ ಅನ್ನು ಪರೀಕ್ಷಿಸುತ್ತಿದ್ದಾರೆ. ಈ ಟರ್ಬೋಜೆನರೇಟರ್ ವ್ಯವಸ್ಥೆಯು 500 kW ಮತ್ತು 1,200 kW ನಡುವೆ ಸ್ಕೇಲೆಬಲ್ ಪವರ್ ನೀಡುವಿಕೆಯನ್ನು ಹೊಂದಿರುತ್ತದೆ. ಇದು ಸುಸ್ಥಿರ ವಾಯುಯಾನ ಇಂಧನಗಳ ವಿಸ್ತೃತ ಶ್ರೇಣಿಯನ್ನು ಶಕ್ತಗೊಳಿಸುತ್ತದೆ ಎಂದು ತಿಳಿಸಿದ್ದಾರೆ.

ಹೊಸ ಹೈಬ್ರಿಡ್-ಎಲೆಕ್ಟ್ರಿಕ್ ಎಂಜಿನ್ ತೀರಾ ಕಡಿಮೆ ಕಾರ್ಬನ್ ಅನ್ನು ಹೊರಸೂಸಲು, ರೋಲ್ಸ್ ರಾಯ್ಸ್ ಶಕ್ತಿ-ದಟ್ಟವಾದ ಟರ್ಬೈನ್ ಅನ್ನು ಬಳಸುವ ಮೂಲಕ ಇದನ್ನು ಸಾಧಿಸಿದೆ. ಇದು ಹಗುರವಾದ ಟರ್ಬೋಜೆನರೇಟರ್ ಸಿಸ್ಟಮ್‌ಗೆ ಸಂಯೋಜಿಸುತ್ತದೆ. ಸುಧಾರಿತ ಏರ್ ಮೊಬಿಲಿಟಿ (AAM) ಮಾರುಕಟ್ಟೆಗಾಗಿ ಸಂಪೂರ್ಣ ಟರ್ಬೋಜೆನರೇಟರ್ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ ಎಂದು ತಯಾರಕರು ಹೇಳಿದ್ದಾರೆ.

ರೋಲ್ಸ್ ರಾಯ್ಸ್ ತಂಡವು, ವಾಲ್ವ್‌ಗಳು ಮತ್ತು ಹೋಸ್‌ಗಳು, ಇಂಧನ ಇಂಜೆಕ್ಷನ್ ವ್ಯವಸ್ಥೆಗಳು, ಆಯಿಲ್ ಮತ್ತು ವೆಂಟಿಲೇಷನ್ ವ್ಯವಸ್ಥೆಗಳು, ಎಂಜಿನ್ ಮೌಂಟ್ ಮತ್ತು ವಾಟರ್ ಬ್ರೇಕ್‌ನಂತಹ ಬೆಸ್ಪೋಕ್ ಉಪವ್ಯವಸ್ಥೆಗಳಂತಹ ಘಟಕಗಳನ್ನು ಪರೀಕ್ಷಿಸಲು ಕೇವಲ ಒಂದು ವರ್ಷದೊಳಗೆ 14 ಉಪವ್ಯವಸ್ಥೆಗಳನ್ನು ಸಂಗ್ರಹಿಸಿ ನಿರ್ಮಿಸಿರುವುದಾಗಿ ಹೇಳಿಕೊಂಡಿದ್ದಾರೆ.

ಇದು ಎಲೆಕ್ಟ್ರಿಕಲ್ ವರ್ಟಿಕಲ್ ಟೇಕ್ ಆಫ್ ಮತ್ತು ಲ್ಯಾಂಡಿಂಗ್ (eVTOL) ಅಥವಾ ಎಲೆಕ್ಟ್ರಿಕ್ ಶಾರ್ಟ್ ಟೇಕ್-ಆಫ್ ಮತ್ತು ಲ್ಯಾಂಡಿಂಗ್ (eSTOL) ವಿಮಾನಗಳನ್ನು ಅರ್ಬನ್ ಏರ್ ಮೊಬಿಲಿಟಿ (UAM) ಮತ್ತು 19 ಆಸನಗಳವರೆಗಿನ ಪ್ರಯಾಣಿಕ ವಿಮಾನ ಅಪ್ಲಿಕೇಶನ್‌ಗಳನ್ನು ಒಳಗೊಂಡಿದೆ. ಟರ್ಬೋಜೆನರೇಟರ್ ಅನ್ನು ಸರಣಿ ಅಥವಾ ಸಮಾನಾಂತರ ಹೈಬ್ರಿಡ್ ಅಪ್ಲಿಕೇಶನ್‌ಗಳಲ್ಲಿ ಬಳಸಬಹುದು.

ಇದು ಬ್ಯಾಟರಿಗಳನ್ನು ರೀಚಾರ್ಜ್ ಮಾಡಲು ಮತ್ತು ಎಲೆಕ್ಟ್ರಿಕ್ ಪ್ರೊಪಲ್ಷನ್ ಘಟಕಗಳಿಗೆ ನೇರವಾಗಿ ಶಕ್ತಿಯನ್ನು ಒದಗಿಸಲು ಬಳಸಬಹುದು. ಇದು ಹಾರಾಟದ ಸಮಯದಲ್ಲಿ ವಿದ್ಯುತ್ ಮೂಲಗಳ ನಡುವೆ ಬದಲಾಯಿಸಲು ವಿಮಾನವನ್ನು ಶಕ್ತಗೊಳಿಸುತ್ತದೆ. ಈ ತಂತ್ರಜ್ಞಾನದ ಸಂಶೋಧನೆ ಮತ್ತು ಅಭಿವೃದ್ಧಿಗೆ ಆರ್ಥಿಕ ವ್ಯವಹಾರಗಳು ಮತ್ತು ಹವಾಮಾನ ಕ್ರಿಯೆಗಾಗಿ ಜರ್ಮನ್ ಸಚಿವಾಲಯವು ಭಾಗಶಃ ಹಣವನ್ನು ನೀಡುತ್ತಿದೆ.

ಎಲೆಕ್ಟ್ರಿಕಲ್‌ನ ಗ್ರಾಹಕ ನಿರ್ದೇಶಕ ಮ್ಯಾಥ್ಯೂ ಪರ್ ಮಾತನಾಡಿ, "ರೋಲ್ಸ್-ರಾಯ್ಸ್ ಸುಧಾರಿತ ಏರ್ ಮೊಬಿಲಿಟಿ ಮಾರುಕಟ್ಟೆಗಾಗಿ ಎಲೆಕ್ಟ್ರಿಕ್ ಮತ್ತು ಹೈಬ್ರಿಡ್-ಎಲೆಕ್ಟ್ರಿಕ್ ಪವರ್ ಮತ್ತು ಪ್ರೊಪಲ್ಷನ್ ಸಿಸ್ಟಮ್‌ಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ನಮ್ಮ ಹೊಚ್ಚಹೊಸ ಸಣ್ಣ ಗ್ಯಾಸ್ ಟರ್ಬೈನ್‌ನ ಮೊದಲ ಇಂಧನ ದಹನವು ಗಮನಾರ್ಹ ಪ್ರಗತಿ ಸಾಧಿಸಿದೆ ಎಂದರು.

ಟರ್ಬೋಜೆನರೇಟರ್ ವ್ಯವಸ್ಥೆಯು ನಮ್ಮ ಗ್ರಾಹಕರಿಗೆ ಎಲೆಕ್ಟ್ರಿಕ್ ವಿಮಾನವು ಬೆಂಬಲಿಸುವ ಮಾರ್ಗಗಳನ್ನು ವಿಸ್ತರಿಸಲು ಅನುವು ಮಾಡಿಕೊಡುತ್ತದೆ. ಕಡಿಮೆ ಮತ್ತು ಸಂಭಾವ್ಯ ನಿವ್ವಳ ಶೂನ್ಯ ಹೊರಸೂಸುವಿಕೆಯಿಂದ ವಿಮಾನದಲ್ಲಿ ಹೆಚ್ಚು ಪ್ರಯಾಣಿಕರು ಪ್ರಯಾಣಿಸಲು ಸಾಧ್ಯವಾಗುತ್ತದೆ. ಈ ಸಾಧನೆಯೊಂದಿಗೆ ನಮ್ಮ ಪರಿಣತಿಯನ್ನು ನವೀನ ವಿನ್ಯಾಸಗಳಿಗೆ ಅನ್ವಯಿಸಲು ಸಮರ್ಥರಾಗಿದ್ದೇವೆ ಎಂದು ಸಾಬೀತುಪಡಿಸಿದೆ ಎಂದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.