ರಸ್ತೆಯಲ್ಲಿ ಸಂಚರಿಸುತ್ತೇ, ರೈಲು ಹಳಿಯಲ್ಲೂ ಓಡಾಡುತ್ತೇ; ನಾನ್ಯಾರು?

ನಿಮ್ಮ ಮುಂದಿಟ್ಟಿರುವ ಪ್ರಶ್ನೆಗಿರುವ ಉತ್ತರವೇ 'ಸ್ಮಾರ್ಟ್ ಫಾರ್ ರೈಲ್'Smart ForRail. ಈ ವಿಶಿಷ್ಟ ವಿನ್ಯಾಸಿತ ಕಾರು ರೈಲು ಹಳಿಯಲ್ಲೂ ಸರಾಗವಾಗಿ ಸಾಗಬಲ್ಲದ್ದು.

ಬಹುಶ: ಜಗತ್ತಿನ ಅತಿ ಚಿಕ್ಕ ರೈಲು ಎಂದು ಇದನ್ನು ಗುರುತಿಸಬಹುದು. ಆದರೆ ರಸ್ತೆಗಿಂತಲೂ ಮಿಗಿಲಾಗಿ ರೈಲು ಹಳಿಯಲಿ ಸಂಚರಿಸುವುದರಲ್ಲಿ ನಿಸ್ಸೀಮವೆನಿಸಿದೆ.

ಈ ಸ್ಮಾರ್ಟ್ ಫಾರ್ ರೈಲ್ ಕಾರಿಗೆ ವಿಶಿಷ್ಟವಾದ 80 ಕೆ.ಜಿ ಭಾರದ 22 ಇಂಚುಗಳ ಸ್ಟೀಲ್ ಚಕ್ರಗಳನ್ನು ಜೋಡಣೆ ಮಾಡಲಾಗಿದೆ. ಅಲ್ಲದೆ ರೈಲು ಹಳಿಯಲ್ಲಿ ಸಂಚರಿಸುವುದಕ್ಕೆ ಯೋಗ್ಯವಾದ ರೀತಿಯಲ್ಲಿ ರಚಿಸಲಾಗಿದೆ.

ಬ್ರಿಟನ್ ನ ರೈಲು ಎಂಜಿನಿಯರ್ ಗಳು ಇದನ್ನು ಅಭಿವೃದ್ಧಿಪಡಿಸಿದ್ದಾರೆ. ಅಲ್ಲದೆ ಮೊದಲ ಮಾದರಿಯನ್ನು ಯಶಸ್ವಿ ಪರೀಕ್ಷೆ ಮಾಡುವಲ್ಲಿ ಜಯಶಾಲಿಯಾಗಿದ್ದಾರೆ.

ಇಂತಹದೊಂದು ಅದ್ಭುತ ಕನಸು ನನಸಾಗುವಲ್ಲಿ ಆರು ತಿಂಗಳಷ್ಟು ಸಮಯ ಬೇಕಾಯಿತು.

ಇನ್ನಿತರ ಪ್ರಮುಖ ಬದಲಾವಣೆಯೆಂದರೆ ರೈಲು ಹಳಿಯಲ್ಲಿ ಸಂಚರಿಸುವ ಸಲುವಾಗಿ ಸ್ಟೀರಿಂಗ್ ವೀಲ್ ಲಾಕ್ ಮಾಡಲಾಗಿದೆ.

ಏನೇ ಆದರೂ ಇದರ ಹಿಂದಿರುವ ಉದ್ದೇಶ ಮಾತ್ರ ಇನ್ನೂ ನಿಗೂಢ.

ಒಟ್ಟಿನಲ್ಲಿ ಈ ವಿಶಿಷ್ಟ ಕಾರನ್ನು ಓಡಿಸಲು ವಿಶೇಷ ಪರಿಣಿತ ಚಾಲಕರೇ ಬೇಕು ಎಂಬುದು ಸಹ ಅಷ್ಟೇ ಗಮನಾರ್ಹ.

ವೀಡಿಯೋ ವೀಕ್ಷಿಸಿ