ಹಳಿ ತಪ್ಪಿದ ರೈಲು; ಪಳಪಳನೆ ಹೊಳೆಯುವ 120 ಬಿಎಂಡಬ್ಲ್ಯು ಕಾರುಗಳು ಡ್ಯಾಮೇಜ್

ಪಳ ಪಳ ಹೊಳೆಯುವ ಕಾರುಗಳನ್ನು ಬಿಎಂಡಬ್ಲ್ಯು ಗ್ರೀರ್ ಘಟಕದಿಂದ ಚಾರ್ಲ್ಸ್ ಟನ್ ಗೆ ಸಾಗಿಸಲಾಗುತ್ತಿತ್ತು. ಆದರೆ ಹಾದಿ ಮಧ್ಯೆ ರೈಲು ಹಳಿ ತಪ್ಪಿದ ಪರಿಣಾಮ ಅವಘಡ ಸಂಭವಿಸಿದೆ.

ಜೆಂಕಿನ್ಸ್ ವಿಲ್ ತಲುಪಿದಾಗ 12 ಬೋಗಿಗಳನ್ನು ಹೊಂದಿರುವ ರೈಲು ಅವಘಡಕ್ಕೀಡಾಗಿತ್ತು ಎಂದು ವರದಿಗಳು ತಿಳಿಸಿವೆ.

120ರಷ್ಟು ಬಿಎಂಡಬ್ಲ್ಯು ಎಕ್ಸ್ ಮಾದರಿಯ ಕಾರಗಳು ಹಾನಿಗೀಡಾಗಿರುವುದನ್ನು ಖಚಿತಪಡಿಸಲಾಗಿದೆ. ಬಳಿಕ ರಕ್ಷಣಾ ತಂಡವು ಸ್ಥಳಾಕ್ಕಾಗಮಿಸಿ ತೆರವು ಕಾರ್ಯಾಚರಣೆಗೆ ಚಾಲನೆ ನೀಡಿದರು.

ತದಾ ಬಳಿಕ ಅಲ್ಪ ಸ್ವಲ್ಪ ಹಾನಿಗೀಡಾದ ನಾಲ್ಕು ಬೋಗಿಗಳು ತನ್ನ ಪ್ರಯಾಣವನ್ನು ಮುಂದುವರಿಸಿದ್ದವು. ಆದರೆ ಉಳಿದ ಎಂಟು ವ್ಯಾಗನ್ ಸಂಪೂರ್ಣವಾಗಿ ನಜ್ಜುಗುಜ್ಜಾಗಿವೆ.

ಬಿಎಂಡಬ್ಲ್ಯು ಘಟಕದಿಂದ ನೇರವಾಗಿ ಚಾರ್ಲ್ಸ್ ಟನ್ ಬಂದರಿಗೆ ಕಾರುಗಳನ್ನು ಸಾಗಿಸಲಾಗುತಿತ್ತು. ಇಲ್ಲಿಂದ ಬಳಿಕ ಸಮುದ್ರ ಹಾದಿ ಮುಖಾಂತರ ಅಂತರಾಷ್ಟ್ರೀಯ ಮಾರುಕಟ್ಟೆಗೆ ರವಾನಿಸುವ ಇರಾದೆ ಹೊಂದಲಾಗಿತ್ತು.

ಇವೆಲ್ಲದ್ದರೊಂದಿಗೆ ಜಗತ್ತಿನ ಪ್ರೀಮಿಯ ಕಾರು ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಜರ್ಮನಿಯ ಬಿಎಂಡಬ್ಲ್ಯು ಸಂಸ್ಥೆಗೆ ಕೋಟಿ ಗಟ್ಟಲೆ ರುಪಾಯಿಗಳ ನಷ್ಟವನ್ನು ಅಂದಾಜಿಸಲಾಗಿದೆ.

ಅದೃಷ್ಟವಶಾತ್ ಘಟನೆಯಲ್ಲಿ ಯಾರಿಗೂ ಗಾಯಗಳು ಸಂಭವಿಸಿಲ್ಲ. ಇನ್ನೊಂದೆಡೆ ಹಾನಿಗೀಡಾದ ಬಿಎಂಡಬ್ಲ್ಯು ಕಾರುಗಳನ್ನು ರಿಪೇರಿ ಮಾಡುವುದು ಕಷ್ಟಕರವೆನಿಸಿದೆ.