ಎಲ್ಎಂಎಲ್ ನಿಂದ ಸೆಲೆಕ್ಟ್ 4 ಸ್ಕೂಟರ್ ರಸ್ತೆಗೆ

ಎಲ್ಎಂಎಲ್ ಸೆಲೆಕ್ಟ್ ಫೋರ್ ಸ್ಕೂಟರ್ ಕಿಕ್ ಸ್ಟಾರ್ಟ್ ಮತ್ತು ಎಲೆಕ್ಟ್ರಿಕ್ ಸ್ಟಾರ್ಟ್ ಆಯ್ಕೆಯಲ್ಲಿ ದೊರಕುತ್ತಿದೆ. ಇವೆರಡರ ದೆಹಲಿ ಎಕ್ಸ್ ಶೋರೂಂ ದರ ಕ್ರಮವಾಗಿ 47,140 ರು. ಮತ್ತು 50,978 ರು. ಆಗಿದೆ. ಇದು 5.5 ಲೀಟರ್ ನ ಇಂಧನ ಸಾಮರ್ಥ್ಯದ ಟ್ಯಾಂಕ್ ಹೊಂದಿದೆ.

ನೂತನ ಸ್ಕೂಟರನ್ನು ಆರಂಭದಲ್ಲಿ ದೆಹಲಿಯಲ್ಲಿ ಹೊರತರಲಾಗಿದೆ. ಮುಂದಿನ ಎರಡರಿಂದ ಮೂರು ತಿಂಗಳಲ್ಲಿ ದೇಶದ ವಿವಿಧ ಭಾಗಗಳಿಗೆ ಪರಿಚಯಿಸಲಾಗುವುದು ಎಂದು ಕಂಪನಿಯ ಮಾರಾಟ ವಿಭಾಗದ ಮುಖ್ಯಸ್ಥ ಪಿಎಸ್ ಚೌಧರಿ ಹೇಳಿದ್ದಾರೆ.

ಕಂಪನಿಯು ಮುಂದಿನ ದಿನಗಳಲ್ಲಿ 100 ಸಿಸಿ ಮತ್ತು 125 ಸಿಸಿಯ ಎರಡು ಸ್ಕೂಟರ್ ಮತ್ತು ಎರಡು ಬೈಕ್ ಹೊರತರಲು ನಿರ್ಧರಿಸಿದೆ ಎಂದರು. ಜೊತೆಗೆ ಸ್ಪೋರ್ಟ್ಸ್ ಮತ್ತು ಲೈಫ್ ಸ್ಟೈಲ್ ಸೆಗ್ಮೆಂಟ್ ನ 200 ಸಿಸಿ ಸ್ಕೂಟರನ್ನು ಪರಿಚಯಿಸುವ ಯೋಜನೆಯೂ ಕಂಪನಿಗಿದೆಯಂತೆ.