250ಸಿಸಿ ಬಜಾಜ್ ಪಲ್ಸರ್ ರಸ್ತೆಗಿಳಿಯಲು ಕ್ಷಣಗಣನೆ

ಬಜಾಜ್ ಈಗಾಗಲೇ ತನ್ನ 150 ಸಿಸಿ ಮತ್ತು 180ಸಿಸಿಯ ಪರಿಷ್ಕೃತ ಪಲ್ಸರ್ ಆವೃತ್ತಿಗಳನ್ನು ಹೊರತಂದಿದೆ. ಸೆಪ್ಟಂಬರ್ ನಲ್ಲಿ ಹೆಚ್ಚು ಪರಿಷ್ಕೃತ ಪಲ್ಸರ್ ಬೈಕೊಂದನ್ನು ಹೊರತರುವುದಾಗಿ ಕಂಪನಿಯ ಎಂಡಿ ರಾಜೀವ್ ಬಜಾಜ್ ಇತ್ತೀಚೆಗೆ ಹೇಳಿದ್ದರು.

250ಸಿಸಿಯಲ್ಲಿ ಬಜಾಜ್ ಈಗಾಗಲೇ ಅನುಭವ ಪಡೆದಿದೆ. ಅಂದರೆ ಕವಾಸಕಿ ನಿಂಜಾ 250 ಆರ್ ಎಂಬ ಸ್ಪೋರ್ಟ್ಸ್ ಬೈಕ್ ಇದಕ್ಕೆ ಉದಾಹರಣೆ. ಹೆಚ್ಚು ಸ್ಪೋರ್ಟಿ ಸವಾರಿಗೆ ಸೂಕ್ತವಾಗಿರುವ ಶಕ್ತಿಶಾಲಿ ಬೈಕೊಂದನ್ನು ಹೊರತರಲು ನಿಂಜಾ ಅನುಭವ ಕಂಪನಿಗೆ ನೆರವಾಗಲಿದೆ ಎಂದು ವರದಿ ಹೇಳಿದೆ.

250 ಸಿಸಿ ಪಲ್ಸರ್ ಹೋಂಡಾ ಸಿಬಿಆರ್250ಆರ್ ಬೈಕ್ ಗೆ ಪೈಪೋಟಿ ನೀಡುವ ನಿರೀಕ್ಷೆಯಿದೆ. ಕವಾಸಕಿ ನಿಂಜಾ 250ಆರ್ ಮಾರಾಟಕ್ಕೂ ಹಿನ್ನಡೆಯಾಗಲಿದೆ. 250 ಸಿಸಿ ಪಲ್ಸರ್ ದರ ಸುಮಾರು ಒಂದುವರೆ ಲಕ್ಷ ರು. ಆಸುಪಾಸಿನಲ್ಲಿರುವ ನಿರೀಕ್ಷೆಯಿದೆ. ದರದ ವಿಷಯದಲ್ಲಿ ಕಂಪನಿಯು ಒಂದಿಷ್ಟು ರಾಜಿ ಮಾಡಿಕೊಂಡರೆ ಬೈಕ್ ಮಾರುಕಟ್ಟೆಯಲ್ಲಿ ಪಲ್ಸರ್ ಅಗ್ರಸ್ಥಾನ ಪಡೆಯುವುದರಲ್ಲಿ ಯಾವುದೇ ಸಂಶಯವಿಲ್ಲ.