ಒಂದು ಉದ್ದದ ಸ್ಕೂಟರ್.. 25 ಜನರು ಕುಳಿತುಕೊಳ್ಳಬಹುದು

ಇದು ಒಂದು ಉದ್ದದ ಸ್ಕೂಟರಿನ ಕತೆ. ಇಂಗ್ಲೆಂಡಿನ ಕೊಲಿನ್ ಫೂರ್ಜ್ ಎಂಬಾತ ನಿರ್ಮಿಸಿದ ಈ ಸ್ಕೂಟರು 72 ಫೀಟ್ ಉದ್ದವಿದೆ. ಇದರಲ್ಲಿ 25 ಜನರು ಕುಳಿತುಕೊಳ್ಳಬಹುದಾಗಿದೆ. ಇದನ್ನು ವಿಶ್ವದ ಉದ್ದವಾದ ಸ್ಕೂಟರೆಂದು ಹೇಳಲಾಗುತ್ತಿದೆ.

ಕೊಲಿನ್ ಪ್ಲಂಬರ್ ಉದ್ಯೋಗಿ. ಗಿನ್ನಿಸ್ ಬುಕ್ ನಲ್ಲಿ ಹೆಸರು ದಾಖಲಿಸುವ ಉದ್ದೇಶದಿಂದ ಉದ್ದದ ಸ್ಕೂಟರ್ ನಿರ್ಮಿಸಿದ್ದಾನೆ. ಆದರೆ ಇದು 125 ಸಿಸಿ ಸ್ಕೂಟರ್. ಅದಕ್ಕೆ ಉದ್ದವಾದ ಅಲ್ಯುಮಿನಿಯಂ ಪ್ರೇಂನ್ನು ಜೋಡಿಸಿದ್ದಾನೆ. ಇಷ್ಟು ಸಿಸಿಯ ಸ್ಕೂಟರ್ ಅಷ್ಟು ಜನರನ್ನು ಎಳೆದುಕೊಂಡು ಹೋಗುತ್ತೋ.. ಅನ್ನೋದನ್ನು ಯಾರೂ ಖಚಿತಪಡಿಸಿಲ್ಲ.

ಇಷ್ಟೊಂದು ಜನರು ಪ್ರಯಾಣಿಸಲು ಸಾಧ್ಯವಿಲ್ಲ ಎಂಬುದನ್ನು ಕೊಲಿನ್ ಒಪ್ಪುವುದಿಲ್ಲ. ಎರಡು ಬಾರಿ 25 ಜನರನ್ನು ಕುಳ್ಳಿರಿಸಿಕೊಂಡು ಇಂಗ್ಲೆಂಡ್ ರಸ್ತೆಯಲ್ಲಿ ಪ್ರದರ್ಶನ ನೀಡಿರುವುದಾಗಿ ಆತ ಹೇಳುತ್ತಾನೆ. ಈ ಕುರಿತು ವಿಡಿಯೋ ರೆಕಾರ್ಡ್ ಕೂಡ ಮಾಡಿದ್ದಾನೆ.

ಕೊಲಿನ್ ಗಿನ್ನಿಸ್ ಬುಕ್ ದಾಖಲೆ ಮಾಡಲು 100 ಮೀಟರ್ ಪ್ರಯಾಣಿಸಿ ತೋರಿಸಬೇಕಿತ್ತು. ಆದರೆ ಈ ಕಿಲಾಡಿ ಒಂದು ಮೈಲು ದೂರಕ್ಕಿಂತಲೂ ಹೆಚ್ಚು ರೈಡ್ ಮಾಡಿ ತೋರಿಸಿದ್ದಾನೆ. ಅದು ಎಂಜಿನ್ ಮೂಲಕ ಸಾಗಿತ್ತೋ ಅಥವಾ ಹಿಂದೆ ಕುಳಿತವ ದೂಡುತ್ತಿದ್ದಾನೋ ಗೊತ್ತಿಲ್ಲ....