ವಿಶ್ವದ ದುಬಾರಿ ಬೈಕಿಗೆ ಜೈಹೋ, ಯಾವುದೀ ಬೈಕು?

ಬೈಕುಗಳ ಚಲಿಸಲು ಕಷ್ಟವಾಗಿರುವ ಹಾದಿಯಲ್ಲಿ ಈ ಬೈಕು ಸರಾಗವಾಗಿ ಚಲಿಸುತ್ತದೆ. ಕೆಲವು ಬೈಕುಗಳು ಕಾಡು, ಬೆಟ್ಟಗಳಲ್ಲಿ ಚಲಿಸುತ್ತವೆ. ಜೊತೆಗೆ ಮಾಮೂಲಿ ರಸ್ತೆಯಲ್ಲೂ ಚಲಿಸುತ್ತವೆ. ಆದರೆ ಈ ಕ್ಯೂಡ್ ಬೈಕ್ ಕೇವಲ ಆಫ್ ರೋಡಿನಲ್ಲಿ ಮಾತ್ರ ಚಲಿಸುತ್ತದೆ. ಮಾಮೂಲಿ ರಸ್ತೆಯಲ್ಲಿ ಜಲ್ಲಿಕಲ್ಲು ಕಿತ್ತುಬರುತ್ತೋ ಗೊತ್ತಿಲ್ಲ.

ನೂತನ ವಾಝೂಮ ಬೈಕ್ ಫೆರಾರಿ ಎಂಜಿನ್ ಹೊಂದಿದೆ. ಎಂಜಿನ್ ಹೆಸರು ವಾಝೂಮ ವಿ8. ಇದು ವಿಶ್ವದ ದುಬಾರಿ ಕ್ಯೂಡ್ ಬೈಕ್. ಫ್ರಾನ್ಸಿನ ಲಝೆರಥ್ ಕಂಪನಿ ಇದನ್ನು ಅಭಿವೃದ್ಧಿಪಡಿಸಿದೆ. ಇದು ಪ್ರತಿಗಂಟೆಗೆ ಸುಮಾರು 240 ಕಿ.ಮೀ. ವೇಗದಲ್ಲಿ ಸಾಗುತ್ತದೆ.

ಇತರ ಕ್ವಾಡ್ ಬೈಕುಗಳ ದರಕ್ಕೆ ಹೋಲಿಸಿದರೆ ಈ ಆಫ್ ರೋಡ್ ಕ್ವಾಡ್ ಬೈಕ್ ದುಬಾರಿ. ಇದರ ದರ ಸುಮಾರು 2,66,000 ಡಾಲರ್. ಅಂದರೆ ಸುಮಾರು 1.4 ಕೋಟಿ ರು. ಹೀಗಾಗಿ ಈ ಬೈಕು ದುಡ್ಡಿನ ಮರನೆಟ್ಟವರಿಗೆ ಮಾತ್ರ.