2012 ಬಜಾಜ್ ಪಲ್ಸರ್ 220 ಸಿಸಿ ಅನಾವರಣಕ್ಕೆ ಕ್ಷಣಗಣನೆ

ದೇಶದ ರಸ್ತೆಯಲ್ಲಿ ಪಲ್ಸರ್ ಮೋಡಿ ಸುರುವಾಗಿ ಹತ್ತು ವರ್ಷ ಕಳೆದಿದೆ. ಈಗ ರಸ್ತೆಯಲ್ಲಿ ಬಜಾಜ್ ಪಲ್ಸರ್ 135 ಎಲ್ಎಸ್, ಪಲ್ಸರ್ 220 ಡಿಟಿಎಸ್-ಐ, ಪಲ್ಸರ್ 150 ಡಿಟಿಎಸ್ಐ ಮತ್ತು ಪಲ್ಸರ್ 180 ಡಿಟಿಎಸ್ಐ ಬೈಕುಗಳಿವೆ. ಇಂದು ರಸ್ತೆಗಿಳಿಯಲಿರುವುದು ಬಜಾಜ್ ಪಲ್ಸರ್ 220 ಸಿಸಿ ಬೈಕು.

"ನೂತನ ಪಲ್ಸರ್ ಜಗತ್ತಿನ ಬೆರಗಿನ ಬೈಕಾಗುವ ಭರವಸೆಯಿದೆ. ಪಲ್ಸರಿಗೆ ಅಳವಡಿಸಿರುವ ನೂತನ ತಂತ್ರಜ್ಞಾನ ಬೈಕ್ ಪ್ರೀಯರಿಗೆ ರೋಮಾಂಚನಗೊಳಿಸಲಿದೆ" ಎಂದು ನೂತನ ಬೈಕಿನ ಕುರಿತು ಬಜಾಜ್ ಆಟೋ ಎಂಡಿ ರಾಜೀವ್ ಬಜಾಜ್ ಹೇಳಿದ್ದಾರೆ.

ಕಳೆದ ವಾರ ಬಜಾಜ್ ಕಂಪನಿಯು ಕೆಟಿಎಂ ಡ್ಯೂಕ್ 200 ಬೈಕನ್ನು ಪರಿಚಯಿಸಿತ್ತು. ಇದರ ದರ ಸುಮಾರು 1.17 ಲಕ್ಷ ರು. ಆಸುಪಾಸಿನಲ್ಲಿದೆ. ನೂತನ ಬಜಾಜ್ ಪಲ್ಸರ್ ಬೈಕ್ ಕೆಲವೇ ಕ್ಷಣದಲ್ಲಿ ಅನಾವರಣಗೊಳ್ಳಲಿದೆ. ಹೆಚ್ಚಿನ ಮಾಹಿತಿಗಾಗಿ ಅಲ್ಲಿವರೆಗೆ ಕಾಯೋಣ.