ಟಿಕ್ ಟಿಕ್ ಒನ್: ಬಜಾಜ್ ಕೆಟಿಎಂ ಡ್ಯೂಕ್ ಬೈಕಿಗೆ ಕ್ಷಣಗಣನೆ

ಕೆಟಿಎಂ ಡ್ಯೂಕ್ ಬೈಕನ್ನು ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಾದ ಬ್ರೆಝಿಲ್, ಮಲೇಷ್ಯಾ ಮತ್ತು ಆಫ್ರೀಕಾ ದೇಶಗಳಿಗೂ ಪರಿಚಯಿಸಲು ಕಂಪನಿ ಯೋಜಿಸಿದೆ. ಎಲ್ಲಕ್ಕಿಂತ ಪ್ರಪ್ರಥಮವಾಗಿ ಈ ಬೈಕು ದೇಶದ ರಸ್ತೆಗಿಳಿಯಲಿದೆ ಎಂಬುದು ನಾವು ಖುಷಿಪಡಬಹುದಾದ ವಿಚಾರ.

ಆಸ್ಟ್ರೇಲಿಯಾದ ಕೆಟಿಎಂ ಬೈಕ್ ಕಂಪನಿಯ ಮಾಲಿಕತ್ವವನ್ನು ಬಜಾಜ್ ಆಟೋ ಹೊಂದಿದೆ. ಡ್ಯೂಕ್ ಆಸ್ಟ್ರೇಲಿಯಾದ ಬೈಕಾಗಿದ್ದರೂ ಬಜಾಜ್ ಇದಕ್ಕೆ ಸಾಕಷ್ಟು ಲೋಕಪ್ ಬಿಡಿಭಾಗಗಳನ್ನು ಬಳಸಿದೆ. ದೇಶದಲ್ಲಿ ಡ್ಯೂಕ್ ಬೈಕ್ ದರ ತಗ್ಗಿಸುವ ಉದ್ದೇಶದಿಂದ ಕಂಪನಿಯು ಸಾಕಷ್ಟು ಸ್ಥಳೀಯ ಬಿಡಿಭಾಗಗಳನ್ನು ಬಳಸಿದೆ.

ನೂತನ ಕೆಟಿಎಂ ಡ್ಯೂಕ್ 200 ಬೈಕಿನ ದರ ದೇಶದಲ್ಲಿ ಸುಮಾರು ಒಂದು ಲಕ್ಷ ರುಪಾಯಿ ಆಸುಪಾಸಿನಲ್ಲಿರುವ ನಿರೀಕ್ಷೆಯಿದೆ. ಪೈಪೋಟಿ ಉದ್ದೇಶದಿಂದ ಯಮಹಾ ಆರ್15 ಮತ್ತು ಹೋಂಡಾ ಸಿಬಿಆರ್ 250ಆರ್ ಬೈಕ್ ದರಗಳಿಗಿಂತ ನೂತನ ಡ್ಯೂಕ್ ದರ ಕಡಿಮೆ ಇರಬಹುದು ಎಂದು ಕೆಲವು ವರದಿಗಳು ಹೇಳಿವೆ.

ಕೆಟಿಎಂ ಡ್ಯೂಕ್ ಬೈಕ್ 200ಸಿಸಿಯ ಲಿಕ್ವಿಡ್ ಕೂಲ್ಡ್ ಎಂಜಿನ್ ಹೊಂದಿದ್ದು, ಗರಿಷ್ಠ 25 ಹಾರ್ಸ್ ಪವರ್ ಮತ್ತು 20 ಎನ್ಎಂ ಟಾರ್ಕ್ ಪವರ್ ನೀಡುತ್ತದೆ. ಈ ಬೈಕ್ 6 ಸ್ಪೀಡ್ ಮ್ಯಾನುಯಲ್ ಗೇರ್ ಬಾಕ್ಸ್ ಹೊಂದಿದೆ. ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಕಣ್ಣು ಕನ್ನಡ ಡ್ರೈವ್ ಸ್ಪಾರ್ಕ್ ಮೇಲಿರಲಿ.