ಬೈಕ್ ದರಗಳನ್ನು ಹೆಚ್ಚಿಸಿದ ಹೀರೊ ಮೊಟೊಕಾರ್ಪ್

ಚಿತ್ರಲೋಕ

ಇದರೊಂದಿಗೆ ಹೀರೊ ಮೊಟೊಕಾರ್ಪ್ ಕಂಪನಿಯು ತನ್ನ ಮೂರು ಘಟಕಗಳಲ್ಲಿ ವಾಹನ ಉತ್ಪಾದನೆ ಸಾಮರ್ಥ್ಯವನ್ನು ಹೆಚ್ಚಿಸಲು ಕೂಡ ನಿರ್ಧರಿಸಿದೆ. ಕಂಪನಿಯು ತಕ್ಷಣದಿಂದ ಅನ್ವಯವಾಗುವಂತೆ ಬೈಕ್ ದರ ಹೆಚ್ಚಿಸಲಿದೆ.

"ಕಚ್ಚಾ ಸಾಮಾಗ್ರಿಗಳ ದರ ದುಬಾರಿಯಾಗುತ್ತಿರುವ ಹಿನ್ನಲೆಯಲ್ಲಿ ತಕ್ಷಣದಿಂದ ಬೈಕ್ ದರಗಳನ್ನು ಹೆಚ್ಚಿಸಲಾಗಿದೆ" ಎಂದು ಕಂಪನಿಯ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದ ಉಪಾಧ್ಯಕ್ಷರಾದ ಅನಿಲ್ ದುವಾ ಹೇಳಿದ್ದಾರೆ.

ಮಾರ್ಚ್ ಅಂತ್ಯಕ್ಕೆ ಕೊನೆಗೊಂಡ ನಾಲ್ಕನೇ ತ್ರೈಮಾಸಿಕದಲ್ಲಿ ಕಂಪನಿಯ ನಿವ್ವಳ ಲಾಭ ಶೇಕಡ 20ರಷ್ಟು ಏರಿಕೆ ಕಂಡಿದೆ. ಜಪಾನಿನ ಹೋಂಡಾ ಮೋಟರ್ಸ್ ಜೊತೆಗಿನ ಮೈತ್ರಿಯ ಕೊಂಡಿ ಕಡಿದುಕೊಂಡರೂ ಕಂಪನಿಯ ಮಾರಾಟ ಏರಿಕೆ ಕಂಡಿದೆ. ಇದರೊಂದಿಗೆ ಕಳೆದ ತಿಂಗಳ ಮಾರಾಟವೂ ಕಂಪನಿಯ ಭರವಸೆ ಹೆಚ್ಚಿದೆ. 2012ರ ಏಪ್ರಿಲ್ ತಿಂಗಳಲ್ಲಿ ಕಂಪನಿಯು 5,49,625 ದ್ವಿಚಕ್ರ ವಾಹನ ಮಾರಾಟ ಮಾಡಿದೆ.

"ಈ ಆರ್ಥಿಕ ವರ್ಷದ ಆರಂಭವನ್ನು ಅತ್ಯುತ್ತಮ ಮಾರಾಟ ಪ್ರಗತಿಯಿಂದ ಆರಂಭಿಸಿದ್ದೇವೆ. ಮುಂದಿನ ಪ್ರತಿತಿಂಗಳ ಅರ್ಧ ಮಿಲಿಯನ್ ದ್ವಿಚಕ್ರ ವಾಹನ ಮಾರಾಟ ಮಾಡುವ ನಿರೀಕ್ಷೆ ನಮಗಿದೆ" ಎಂದು ಅನಿಲ್ ದುವಾ ಹೇಳಿದ್ದಾರೆ.