ಬರಿ ಗಾಳಿಯಿಂದಲೇ ಸಂಚರಿಸುವ ಬೈಕ್ ನೋಡಿದ್ರಾ?

ಯಮಹಾ ಡರ್ಟ್ ಬೈಕ್ ತಲಹದಿಯಲ್ಲಿ ಒ2 ಪರ್ಸ್ಯೂಟ್ ಮೋಟಾರ್ ಬೈಕ್ ತಯಾರಿಸಲಾಗಿದೆ. ಯಮಹಾ ಡಬ್ಲ್ಯುಆರ್250ಆರ್ ಫ್ರೇಮ್ ಬಳಸಿ ಡೀನ್ ಬೆನ್‌ಸ್ಟೀಡ್ ಎಂಬವರು ಈ ಅನ್ವೇಷಣೆ ಮಾಡಿದ್ದಾರೆ. ಸ್ಕೂಬಾ ಡ್ರೈವರುಗಳು ಸಾಮಾನ್ಯವಾಗಿ ಬಳಸುವ ಕಂಪ್ರೆಸ್ಡ್ ಏರ್ ಟ್ಯಾಂಕ್ ಅನ್ನು ಇಂಧನ ಟ್ಯಾಂಕ್ ಜಾಗದಲ್ಲಿ ಪ್ರಯೋಗಿಸಲಾಗಿದೆ.

ಕಂಪ್ರೆಸ್ಡ್ ವಾಹನಗಳನ್ನು ಚಲಾಯಿಸಲು ಈ ಹಿಂದೆ ಹಲವಾರು ಮಂದಿ ಪ್ರಯೋಗ ಮಾಡಿದ್ದರೂ ಅದರ ಕ್ಷಮತೆ ಹಾಗೂ ವ್ಯಾಪ್ತಿ ಬಗ್ಗೆ ಹಲವಾರು ಸಮಸ್ಯೆಗಳು ಎದಿದ್ದವು. ಆದರೆ ಗರಿಷ್ಠ 100 ಕಿಲೋ ಮೀಟರ್ ತನಕ ಚಲಾಯಿಸುವ ಸಾಮರ್ಥ್ಯ ಹೊಂದಿರುವ ಈ ಒ2 ಡರ್ಟ್ ಬೈಕ್ ನಿಜಕ್ಕೂ ನೂತನ ಅವತರಣಿಕೆಯಾಗಿದೆ.

ಸ್ಕೂಬಾ ಏರ್ ಟ್ಯಾಂಕ್

ಯಮಹಾ ವಿಆರ್250ಆರ್ ಫ್ರೇಮ್ ತಲಹದಿಯಲ್ಲಿ ಒ2 ಪರ್ಸ್ಯೂಟ್ ಡರ್ಟ್ ಬೈಕ್ ತಯಾರಿಸಲಾಗಿದ್ದು, ಸಂಪೂರ್ಣವಾಗಿ ಗಾಳಿ ಸಹಾಯದಿಂದಲೇ ಚಲಿಸಲಿದೆ.

ನಿಜ ಸ್ಥಿತಿ ಏನೆಂದರೆ ಡರ್ಟ್ ಬೈಕ್‌ಗಳು ಇತರ ದ್ವಿಚಕ್ರ ವಾಹನಗಳಿಗೆ ಹೋಲಿಸಿದರೆ ತುಂಬಾನೇ ಹಗುರವಾಗಿದ್ದು 100 ಕಿ. ಮೀ ತನಕದ ವ್ಯಾಪಿಗೆ ಸಂಚರಿಸಲಿದೆ.

ಅಂದ ಹಾಗೆ ಒ2 ಪರ್ಸ್ಯೂಟ್ ಇದೀಗಲೂ ಪರೀಕ್ಷೆಯ ಹಂತದಲ್ಲಿದ್ದು, ಎಲೆಕ್ಟ್ರಿಕ್ ಬೈಕ್‌ಗಳಿಗಿಂತಲೂ ಹೆಚ್ಚಿನ ಪರಿಸರ ಸ್ನೇಹಿ ಬೈಕ್‌ಗಳನ್ನು ತಯಾರಿಸುವ ಪ್ರಯತ್ನದಲ್ಲಿರುವುದಾಗಿ ಆಸೀಸ್ ವಿದ್ಯಾರ್ಥಿಗಳು ತಿಳಿಸಿದ್ದಾರೆ. ಯಾವುದೇ ಬ್ಯಾಟರಿ ಬಳಕೆ ಇಲ್ಲದಿದ್ದರಿಂದ ಬಾಳ್ವಿಕೆ ಕಳೆದ ಬಳಿಕ ಉಂಟಾಗುವ ಪರಿಸರ ಹಾನಿಯ ಬಗ್ಗೆಯೂ ಭಯಪಡುವ ಅಗತ್ಯವಿಲ್ಲ.

ಭಾರತೀಯ ಎಂಜಿನಿಯರಿಂಗ್ ವಿದ್ಯಾರ್ಥಿಗಳು ಸಹ ಏರ್ ಬೈಕ್ ರೂಪಿಸಲು ಪ್ರಯತ್ನ ಪಟ್ಟಿದ್ದರು.

ಕಂಪ್ರೆಸ್ಡ್ ಏರ್‌ನಲ್ಲಿ ಚಲಿಸುವ ಕಾರುವೊಂದನ್ನು ತಯಾರಿಸಲು ಟಾಟಾ ಮೋಟಾರ್ಸ್ ಗುರಿಯಿರಿಸಿಕೊಂಡಿದೆ. ಪ್ರಸ್ತುತ ಕಾರು ಈ ಹಿಂದೆ 2012ನೇ ಸಾಲಿನಲ್ಲಿ ರಿಲೀಸ್ ಆಗಲಿದೆಯೆಂಬ ಸುದ್ದಿ ಹರಡಿದ್ದರೂ ಈ ವರೆಗೂ ಯಾವುದೇ ಮಾಹಿತಿ ಲಭಿಸಿಲ್ಲ.

ಸದ್ಯ ಓ2 ಬೈಕ್ ಹೆಚ್ಚು ಪ್ರಯೋಗಿಕ ಹಂತದಲ್ಲಿದೆ. ಬೈಕ್ ತಯಾರಕರ ಪ್ರಕಾರ ಏರ್ ಟ್ಯಾಂಕ್ ಕೇವಲ ಎರಡು ನಿಮಿಷಗಳಲ್ಲಿ ಮರುಭರ್ತಿ ಮಾಡಬಹುದು. ಮತ್ತೊಂದೆಡೆ ಎಲೆಕ್ಟ್ರಿಕ್ ಬೈಕ್‌ಗಳಿಗೆ ರಿಚಾರ್ಜ್ ಮಾಡಲು ತುಂಬಾನೇ ಸಮಯ ತಗುಲುತ್ತಿದ್ದು, ಹೆಚ್ಚಿನ ವಿದ್ಯುತ್ತಿನ ಅಗತ್ಯವಿರುತ್ತದೆ.

ದಿನದಿಂದ ದಿನಕ್ಕೆ ಇಂಧನ ಬೆಲೆ ಗಗನಕ್ಕೇರುತ್ತಿರುವ ಈ ಪರಿಸ್ಥಿತಿಯಲ್ಲಿ ಒ2 ಪರ್ಸ್ಯೂಟ್ ನಿಜಕ್ಕೂ ಒಂದು ಉತ್ತಮ ಬದಲಿ ವ್ಯವಸ್ಥೆಯಾಗುವ ನಿರೀಕ್ಷೆಯಿದೆ.