ಯಮಹಾ ಪರಿಷ್ಕೃತ SZ-R ಮತ್ತು SZ-X ಬೈಕ್ ಬೇಕೆ?

ಯಮಹಾ ಇಂಡಿಯಾ ಕಂಪನಿಯು ನೂತನ ಪರಿಷ್ಕೃತ ಎಸ್ ಝಡ್-ಆರ್ ಮತ್ತು ಎಸ್ ಝಡ್-ಎಕ್ಸ್ ಬೈಕುಗಳನ್ನು ಪರಿಚಯಿಸಿದೆ. ಪರಿಷ್ಕೃತವೆಂದರೆ ಕೇವಲ ಕಾಸ್ಮೆಟಿಕ್ ಅಪ್ ಗ್ರೇಡ್ ಮಾಡಲಾಗಿದೆ. ನೂತನ SZ-R ಆವೃತ್ತಿಯು ಮೂರು ಸ್ಪೋರ್ಟಿ ಡ್ಯೂಯಲ್ ಟೋನ್ ಪೇಂಟ್ ಜಾಬ್ ಪಡೆದಿದೆ. ಅಂದರೆ ಕ್ವಾಲಿಟಿ ಕೆಂಪು, ಕ್ವಾಲಿಟಿ ಕಪ್ಪು ಮತ್ತು ಕ್ವಾಲಿಟಿ ಬಿಳಿ ಬಣ್ಣದ ಆಯ್ಕೆಯಲ್ಲಿ ಈ ಬೈಕನ್ನು ಖರೀದಿಸಬಹುದಾಗಿದೆ. ಪರಿಷ್ಕೃತ SZ-X ಬೈಕ್ ಕೆಂಪು, ಕಪ್ಪು ಮತ್ತು ಸಿಲ್ವರ್ ಎಂಬ ಮೂರು ಬಣ್ಣದ ಆಯ್ಕೆಗಳಲ್ಲಿ ದೊರಕುತ್ತದೆ.

ಯಮಹಾ ಎಸ್ ಝಡ್ ಬೈಕುಗಳಿಗೆ ಪ್ರಮುಖ ಎದುರಾಳಿ ಬಜಾಜ್ ಡಿಸ್ಕವರ್ 150, ಹೋಂಡಾ ಯುನಿಕಾರ್ಟ್ ಮತ್ತು ಸುಜುಕಿ ಜಿಎಸ್ 150ಆರ್ ಬೈಕುಗಳಾಗಿವೆ. SZ-R ಬೈಕಿನ ಮುಂಭಾಗದ ಚಕ್ರ ಡಿಸ್ಕ್ ಬ್ರೇಕ್ ಹೊಂದಿದೆ. 153 ಸಿಸಿಯ ಎಸ್ ಒಎಚ್ ಸಿ ಎಂಜಿನ್ ಗರಿಷ್ಠ 12.1 ಪಿಎಸ್ ಪವರ್ ಮತ್ತು 12.8 ಎನ್ಎಂ ಟಾರ್ಕ್ ಪವರ್ ನೀಡುತ್ತದೆ.

ಹಳೆಯ ಆವೃತ್ತಿಗಳಿಗೆ ಹೋಲಿಸಿದರೆ ನೂತನ SZ-R ಮತ್ತು SZ-X ದರದಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ. ಇವೆರಡು ಬೈಕುಗಳ ಆನ್ ರೋಡ್ ದರ ಕ್ರಮವಾಗಿ 56,500 ರು. ಮತ್ತು 63,000 ರು. ಆಗಿದೆ. ಇವೆರಡು ಬೈಕುಗಳು ಎಫ್ ಝಡ್ -16 ಬೈಕಿನ 153 ಸಿಸಿ ಬೈಕಿನ ಎಂಜಿನ್ ನನ್ನು ಹೊಂದಿವೆ.