ದಾರಿಬಿಡಿ, ಬರುತ್ತಿದೆ ಹ್ಯೊಸಂಗ್ ಕ್ರೂಸರ್ ಬೈಕ್

ಈ ಹಿಂದೆ ದೇಶದಲ್ಲಿ ಕೈನಾಟಿಕ್ ಜತೆ ಕೈಜೋಡಿಸಿಕೊಂಡಿದ್ದ ಹ್ಯೊಸಂಗ್ ಕ್ರೂಸರ್ ಬೈಕ್‌ಗಳನ್ನು ಬಿಡುಗಡೆಗೊಳಿಸಿತ್ತು. ಆದರೆ ಹ್ಯೊಸಂಗ್ ಮತ್ತು ಕೈನಾಟಿಕ್ ನಡುವಣ ಜತೆಗಾರಿಕೆ ಹೆಚ್ಚು ವರ್ಷಗಳ ಕಾಲ ಸಾಗಲಿಲ್ಲ.

ಇದೀಗ ಬಂದಿರುವ ಮಾಹಿತಿಯಂತೆ ದ್ವಿಚಕ್ರ ವಾಹನದಲ್ಲಿ ಆಗಾಧ ಇತಿಹಾಸ ಹೊಂದಿರುವ ಆಟೋ ದೈತ್ಯ ಹ್ಯೊಸಂಗ್ ದೇಶದಲ್ಲಿ ಅಕ್ಯೂಲಾ ಕ್ರೂಸರ್ ಬೈಕ್ ಅನ್ನು ಮರು ಲಾಂಚ್ ಮಾಡಲಿದೆ. ಇದು 650 ಸಿಸಿ ಬೈಕ್ ಎನಿಸಿಕೊಳ್ಳಲಿದೆ. ಹಾಗಾಗಿ ಅಕ್ಯೂಲಾ ಜಿವಿ650 ಎಂದು ಹೆಸರಿಸಲ್ಪಡಲಿದೆ.

ಇನ್ನು ತಾಂತ್ರಿಕತೆ ಬಗ್ಗೆ ಮಾತನಾಡುವುದಾದರೆ ಹೊಸ ಕ್ರೂಸರ್ ಬೈಕ್ 647ಸಿಸಿ, ಲಿಕ್ವಿಡ್ ಕೂಲ್ಡ್, ಫ್ಯೂಯಲ್ ಇಂಜೆಕ್ಟಡ್ 90 ಡಿಗ್ರಿ ವಿ-ಟ್ವಿನ್ ಎಂಜಿನ್ ಹೊಂದಿರಲಿದೆ. ಡಿಜಿಟಲ್ ಡಿಪ್ಲೇ, ರಿಯರ್ ಡಿಸ್ಕ್, ಲೈಟ್ ವೇಟ್ ಅಲಾಯ್ ವೀಲ್ಸ್ ಈ ಬೈಕ್‌ನ ಕೆಲವೊಂದು ಆಕರ್ಷಕ ಫೀಚರ್ ಆಗಿದೆ. ಲಭ್ಯವಿರುವ ಮಾಹಿತಿ ಪ್ರಕಾರ ಪ್ರಸ್ತುತ ಬೈಕ್ 5.5 ಲಕ್ಷ ಅಸುಪಾಸಿನಲ್ಲಿ ಗ್ರಾಹಕರ ಕೈಸೇರುವ ನಿರೀಕ್ಷೆಯಿದೆ.