ವೇತನ ಪರಿಷ್ಕರಣೆ; ಬಗೆಹರಿಯದ ಬಜಾಜ್ ಸಮಸ್ಯೆ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಕಾರ್ಮಿಕರು ಮುಷ್ಕರ ಕೈಬಿಡದ ಹೊರತಾಗಿ ಮಾತುಕತೆ ಅಸಾಧ್ಯ ಎಂದು ಬಜಾಜ್ ಆಟೋ ತನ್ನ ನಿಲುವನ್ನು ಸಮರ್ಥಿಸಿಕೊಂಡಿದೆ. ಅಲ್ಲದೆ ಈ ಸಂಬಂಧ ಪುಣೆ ಕೈಗಾರಿಕಾ ನ್ಯಾಯಾಲದಲ್ಲಿ ದಾವೆ ಹೂಡಿದೆ.

ಮತ್ತೊಂದೆಡೆ ಕಾರ್ಮಿಕರ ಮುಷ್ಕರ ತೀವ್ರತೆ ದಿನದಿಂದ ದಿನಕ್ಕೆ ಉಗ್ರ ಸ್ವರೂಪ ಪಡೆಯುತ್ತಿದ್ದು, ಪುಣೆಯ ಚಕನ್ ಸೇರಿದಂತೆ ಪಿಂಪ್ರಿ ಚಿನ್ಚಾಂದ್ ಘಟಕದಲ್ಲಿ ಉತ್ಪಾದನೆ ಸಂಪೂರ್ಣ ಸ್ಥಗಿತಗೊಳಿಸುವುದಾಗಿ ಪುಣೆ ಕಾರ್ಮಿಕ ಒಕ್ಕೂಟ ಎಚ್ಚರಿಕೆ ನೀಡಿದೆ.

ಈ ನಡುವೆ ಬಜಾಜ್ ಆಟೋ ಚಕನ್ ಘಟಕದ ಉತ್ಪಾದನೆಯನ್ನು ಔರಾಂಗಬಾದ್‌ಗೆ ಸ್ಥಳಾಂತರಿಸಲಾಗಿದೆ. ಒಟ್ಟಾರೆಯಾಗಿ ಪ್ರಸ್ತುತ ಬೆಳವಣಿಗೆಯು ಆಟೋ ಜಗತ್ತಿಗೆ ಕೆಡುಕಾಗಿ ಪರಿಣಮಿಸಿದೆ.

ಬಜಾಜ್ ಆಟೋ ಚಕನ್ ಘಟಕದಲ್ಲಿ ಕೆಲಸ ಮಾಡುತ್ತಿರುವ 1500ರಷ್ಟು ಕಾರ್ಮಿಕರು ವೇತನ ಪರಿಷ್ಕರಣೆ ಸಂಬಂಧ ಜೂನ್ 25ರಿಂದ ಮುಷ್ಕರ ಆರಂಭಿಸಿದ್ದರು. ಪಲ್ಸರ್ ಸೇರಿದಂತೆ ಕೆಟಿಎಂ ಡ್ಯೂಕ್ ಹಾಗೂ ಅವೆಂಜರ್ ಮಾಡೆಲ್‌ಗಳು ಚಕನ್ ಘಟಕದಲ್ಲಿ ಉತ್ಪಾದನೆಯಾಗುತ್ತಿದೆ.