ಹೀರೊದಿಂದ 2020ರ ವೇಳೆಗೆ 12 ದಶಲಕ್ಷ ಮಾರಾಟ ಗುರಿ

ದೇಶದ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಹೀರೊ ಮೊಟೊಕಾರ್ಪ್, ಪ್ರಸಕ್ತ ಸಾಲಿನ ಆರಂಭದಲ್ಲಿ ನಡೆದ 2014 ಆಟೋ ಎಕ್ಸ್ ಪೋದಲ್ಲಿ ಅನೇಕ ಹೊಸ ಮಾದರಿಗಳನ್ನು ಪ್ರದರ್ಶಿಸಿತ್ತು.

ಅಷ್ಟೇ ಅಲ್ಲದೆ ಜಾಗತಿಕವಾಗಿಯೂ ತನ್ನ ವಹಿವಾಟು ಕುದುರಿಸಿಕೊಳ್ಳುವ ಇರಾದೆ ವ್ಯಕ್ತಪಡಿಸಿತ್ತು. ಜಪಾನ್ ಮೂಲದ ಹೋಂಡಾ ಟು ವೀಲರ್ಸ್ ಜೊತೆಗಿನ ಬಾಂಧವ್ಯ ಕಡಿದುಕೊಂಡ ಬಳಿಕ ಅಮೆರಿಕದ ಎರಿಕ್ ಬ್ಯುಯೆಲ್ ರೇಸಿಂಗ್ ಜೊತೆ ತಾಂತ್ರಿಕ ಜೊತೆಗಾರಿಕೆ ಹೊಂದಿರುವ ಹೀರೊ ಜಾಗತಿಕ ವಹಿವಾಟು ವಿಸ್ತರಣೆಯ ಭಾಗವಾಗಿ ಬ್ರೆಜಿಲ್ ಹಾಗೂ ಕೊಲಂಬಿಯಾ ರಾಷ್ಟ್ರಗಳಿಗೆ ಕಾಲಿಡುತ್ತಿದೆ.

ತನ್ನ ಗುರಿ ಮುಟ್ಟುವ ನಿಟ್ಟಿನಲ್ಲಿ ಸ್ಥಳೀಯವಾಗಿ ಹೊಸ ಘಟಕ ತೆರೆಯುವ ಯೋಜನೆಯನ್ನು ಹೀರೊ ಹೊಂದಿದೆ. ಸದ್ಯ ಗುಜರಾತ್‌ನಲ್ಲಿ ಘಟಕ ತೆರೆಯುತ್ತಿರುವ ಹೀರೊ ತನ್ನ ಆರನೇ ಘಟಕವನ್ನು ದಕ್ಷಿಣ ಭಾರತದಲ್ಲಿ ತರೆಯಲಿದೆ.