ಕವಾಸಕಿ ನಿಂಜಾ ಬೆಲೆ 10,000 ರು.ಗಳಷ್ಟು ಏರಿಕೆ

ಈಗಲೇ ದುಬಾರಿಯಾಗಿರುವ ನಿಂಜಾ ಸೂಪರ್ ಬೈಕ್‌ನ ದರವನ್ನು ಕವಾಸಕಿ ಸಂಸ್ಥೆಯು ಇನ್ನಷ್ಟು ರು. 10,000ಗಳಷ್ಟು ಏರಿಕೆಗೊಳಿಸಿದೆ. ಇದರೊಂದಿಗೆ ಮುಂಬೈ ಎಕ್ಸ್ ಶೋ ರೂಂ ಬೆಲೆ 3.96 ಲಕ್ಷ ರು.ಗಳಿಗೆ ಏರಿಕೆಯಾಗಿದೆ.

ಎಬಿಎಸ್ ತಂತ್ರಜ್ಞಾನದ ಸೌಲಭ್ಯವೂ ಇಲ್ಲದ ಕವಾಸಕಿ ನಿಂಜಾ ದರವನ್ನು ಕನಿಷ್ಠ ಒಂದು ಲಕ್ಷವಾದರೂ ಕಡಿತಗೊಳಿಸಬೇಕೆಂಬ ಬೇಡಿಕೆ ಕೇಳಿಬಂದಿತ್ತು. ಆದರೆ ಜಪಾನ್ ಮೂಲದ ಈ ಸಂಸ್ಥೆಯು ದರ ಕಡಿತಗೊಳಿಸುವುದರ ಬದಲಾಗಿ ರು. 10,000ದಷ್ಟು ಏರಿಕೆಗೊಳಿಸಿದೆ. ಇದರೊಂದಿಗೆ ಬೈಕ್ ಪ್ರೇಮಿಗಳು ನಿರಾಸೆ ಅನುಭವಿಸುವಂತಾಗಿದೆ. ಅಷ್ಟೇ ಯಾಕೆ ದರ ಏರಿಕೆ ಮಾಡಿರುವುದಲ್ಲದೆ ಕವಾಸಕಿ ನಿಂಜಾದಲ್ಲಿ ಹೊಸ ವಿಶಿಷ್ಟತೆಗಳು ಲಭ್ಯವಿರುವುದಿಲ್ಲ.

ಕವಾಸಕಿ ಸ್ಪರ್ಧಿಯಾಗಿರುವ ಕೆಟಿಎಂ ಆರ್‌ಸಿ 390 373.27 ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು 42 ಅಶ್ವಶಕ್ತಿ (35 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದು ಕವಾಸಕಿಗಿಂತಲೂ 1.5 ಲಕ್ಷ ರು.ಗಳಷ್ಟು ಕಡಿಮೆ ದರದಲ್ಲಿ ದೊರಕಿದ್ದು, ಹಾಗಾಗಿ ನಿಂಜಾಗೆ ಉಳಿಗಾಲವಿದೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.