ಕವಾಸಕಿ ನಿಂಜಾ 300 ವಿಶೇಷ ಆವೃತ್ತಿಯ ವಿಶಿಷ್ಟತೆಗಳೇನು?

ಜಪಾನ್ ಮೂಲದ ಕವಾಸಕಿ ಇತ್ತೀಚೆಗಷ್ಟೇ ನಿಂಜಾ 300 ವಿಶೇಷ ಆವೃತ್ತಿಯನ್ನು ಬಿಡುಗಡೆಗೊಳಿಸಿತ್ತು. ಇದು ಹಸಿರು ಜೊತೆಗೆ ಬಿಳಿ ಬಣ್ಣದ ಆಯ್ಕೆಯಲ್ಲೂ ಲಭ್ಯವಿರಲಿದೆ.

ಇನ್ನೊಂದೆಡೆ ಬ್ರಿಟನ್ ಮಾರುಕಟ್ಟೆಗಾಗಿ ಇದೇ ರೀತಿಯ ಝಡ್‌ಎಕ್ಸ್-6ಆರ್ ಮತ್ತು ಝಡ್‌ಎಕ್ಸ್-10ಆರ್ ವಾರ್ಷಿಕ ಮಾದರಿಗಳನ್ನು ಬಿಡುಗಡೆಗೊಳಿಸಿತ್ತು.

ಭಾರತಕ್ಕೂ ನಿಂಜಾ ವಿಶೇಷ ಆವೃತ್ತಿ ಪರಿಚಯವಾಗುವ ಸಾಧ್ಯತೆಯಿದೆ. ಅಲ್ಲದೆ ಎಬಿಎಸ್ ವೈಶಿಷ್ಟ್ಯವನ್ನು ಹೊಂದಿರುವ ಸಾಧ್ಯತೆಯಿದ್ದು, ಇದು ಈ ನಿರ್ದಿಷ್ಟ ಬೈಕನ್ನು ಇನ್ನಷ್ಟು ಪ್ರೀಮಿಯಂ ವಿಭಾಗದಲ್ಲಿ ಗುರುತಿಸಿಕೊಳ್ಳಲು ನೆರವಾಗಲಿದೆ.

ಅಂದ ಹಾಗೆ ಕವಾಸಕಿ ನಿಂಜಾ 300 ಬೈಕ್‌ನಲ್ಲಿ 296 ಸಿಸಿ ಟ್ವಿನ್ ಎಂಜಿನ್ ಇರಲಿದೆ. ಇದರ ಫ್ಲೂಯಲ್ ಎಂಜಿನ್ 39 ಅಶ್ವಶಕ್ತಿ (27ಎನ್‌ಎಂ ಟಾರ್ಕ್) ಉತ್ಪಾದಿಸಲು ನೆರವಾಗಲಿದೆ. ಅಂತೆಯೇ 6 ಸ್ಪೀಡ್ ಗೇರ್ ಬಾಕ್ಸ್ ಇರಲಿದೆ.